សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា Ontario ដែលជាខេត្តមានប្រជាជនរស់នៅច្រើនបំផុតរបស់ប្រទេសកាណាដា បានដាក់ពន្ធសងសឹកទៅអាម៉េរិកវិញ ២៥ ភាគរយលើតម្លៃអគ្គិសនី ដែលជាការឆ្លើយតបទៅនឹងការដាក់ពន្ធរបស់ប្រធានាធិបតីអាម៉េរិក លោក Donald Trump មកលើទំនិញកាណាដា។
កាលពីថ្ងៃចន្ទ សប្ដាហ៍នេះ លោក Doug Ford អភិបាលខេត្ត Ontario បានសម្រេចថានឹងដំឡើងពន្ធអគ្គិសនីបន្ថែម ២៥ ភាគរយ ឬ ឡើងថ្លៃថែម ១០ ដុល្លារអាម៉េរិកក្នុងមួយមេហ្កាវ៉ាត់/ម៉ោង សម្រាប់ពលរដ្ឋអាម៉េរិកដែលទិញអគ្គិសនីពីខេត្តរបស់ខ្លួន។
លោក Ford បានលើកឡើងក្នុងសេចក្តីថ្លែងការណ៍មួយថា ៖
«ការគិតថ្លៃបន្ថែមលើថាមពលនឹងនៅតែមានរហូតដល់ការគំរាមកំហែងនៃពន្ធគយពីសហរដ្ឋអាមេរិកបាត់ទៅវិញ។ ពន្ធរបស់ប្រធានាធិបតី Trump គឺជាគ្រោះមហន្តរាយសម្រាប់សេដ្ឋកិច្ចសហរដ្ឋអាមេរិក ដែលកំពុងធ្វើឱ្យតម្លៃរស់នៅសម្រាប់ពលរដ្ឋ និងអាជីវកម្មអាម៉េរិកកាន់តែថ្លៃ។ Ontario នឹងប្រើប្រាស់ប្រាក់ចំណូលពីពន្ធសងសឹករបស់ខ្លួនទៅលើវិស័យថាមពល ដើម្បីគាំទ្រដល់អ្នកធ្វើការក្នុងស្រុក និងអាជីវកម្មកាណាដា ដែលរងផលប៉ះពាល់ដោយពន្ធអាម៉េរិក។ ជាក់ស្តែង ផ្ទះរបស់ពលរដ្ឋអាម៉េរិកជាង ១,៥ លានខ្នងដែលនៅញូវយ៉ក មីឈីហ្កាន និងមីនីសូតា នឹងរងផលប៉ះពាល់ពីពន្ធអគ្គិសនីបន្ថែមរបស់ខេត្ត Ontario »។
មិនត្រឹមតែប៉ុណ្ណោះ រដ្ឋាភិបាលសហព័ន្ធរបស់កាណាដាក៏បានដាក់ពន្ធលើការនាំចូលទំនិញពីសហរដ្ឋអាមេរិកដែលមានតម្លៃដល់ទៅ ៣០ ពាន់លានដុល្លារផងដែរ។ បញ្ជីផលិតផលដែលរងផលប៉ះពាល់មានចាប់តាំងពីសម្លៀកបំពាក់ រហូតដល់ទឹកអប់ និងទឹកក្រូចជាដើម។
សូមបញញជាក់ថា លោក Trump បានគំរាមកាណាដាម្តងហើយម្តងទៀត ជាមួយនឹងពន្ធ ២៥ ភាគរយលើការនាំចេញទាំងអស់របស់កាណាដាទៅកាន់សហរដ្ឋអាម៉េរិក និង បានគំរាមយកពន្ធស្រដៀងគ្នានេះទៅលើប្រទេសម៉ិកស៊ិកផងដែរ ខណៈដែលអ្នកសេដ្ឋកិច្ចបានព្រមានថា ការធ្វើបែបនេះអាចបណ្តាលឱ្យមានកំណើនបាត់បង់ការងារនៅក្នុងប្រទេសកាណាដា ខណៈពេលដែលតម្លៃរស់នៅកើនឡើងសម្រាប់ពលរដ្ឋអាមេរិក។
កាលពីសប្តាហ៍មុន លោក Trump បានដាក់ពន្ធគយលើកាណាដា និងម៉ិកស៊ិក ប៉ុន្តែបានដូរចិត្តដោយពន្យារពេលថែមមួយខែទៀតរហូតដល់ថ្ងៃទី ២ ខែមេសា។ យ៉ាងណាមិញ គេព្យាករណ៍ថា Trump នឹងដាក់ពន្ធលើដែកថែប និងអាលុយមីញ៉ូមរបស់កាណាដាក្នុងពេលណាមួយក្នុងសប្តាហ៍នេះ។ ទន្ទឹមនឹងនេះ ភាពតានតឹងនៃសង្គ្រាមពាណិជ្ជកម្មបានធ្វើឱ្យទីផ្សារមានភាពរអាក់រអួល និងបង្កើនការភ័យខ្លាចនៃភាពចលាចលសេដ្ឋកិច្ច។ សន្ទស្សន៍ភាគហ៊ុន S&P ៥០០ ដែលជាទីផ្សារភាគហ៊ុនធំបំផុតរបស់អាមេរិកបានធ្លាក់ចុះដល់ចំណុចទាបបំផុត ២,៧ ភាគរយចាប់តាំងពីខែកញ្ញា បន្ទាប់ពី Trump បដិសេធថា ពន្ធគយរបស់គាត់នឹងមិនបណ្តាលឲ្យមានវិបត្តិសេដ្ឋកិច្ចនោះទេ៕
Account
Security
Favourite Content