សំណង់លំនៅដ្ឋាន 3D Printer តម្លៃធូរថ្លៃ ចំណេញពេលវេលា ប៉ុន្តែមិនទាន់អាចបម្រើវិស័យសំណង់អាម៉េរិកបាននៅឡើយ

បរទេស ៖ អាម៉េរិក ជាប្រទេសអភិវឌ្ឍខ្លាំងលើគ្រប់វិស័យ ប៉ុន្តែក៏មិនប្រាកដថាអាចបំពេញតាមតម្រូវការគ្រប់មុខនោះដែរ ជាក់ស្តែង បច្ចុប្បន្នគេជឿជាក់ថាកង្វះខាតលំនៅដ្ឋានរបស់ប្រទេសមហាអំណាចមួយនេះមានចន្លោះពី ៣ ទៅ ៦លានខ្នងទៀតនៅឡើយ។

មួយក្នុងចំណោមដំណោះស្រាយដ៏មានសក្តានុពលដែលអាមេរិកកំពុងពិចារណានោះគឺជាវិធីសាស្ត្រក្នុងការសាងសង់លំនៅដ្ឋានតាមបែបបច្ចេកវិទ្យា 3D Printer ដើម្បីអាចទប់ទល់ទៅនឹងបញ្ហាប៉ះពាល់បរិស្ថាន បញ្ហាកង្វះខាតវត្ថុធាតុដើម ក៏ដូចជាបញ្ហាកង្វះខាតកម្លាំងពលកម្មក្នុងវិស័យសំណង់ផងដែរ។

មកទល់ពេលនេះ ក្រុមហ៊ុនបច្ចេកវិទ្យា និងសំណង់ជាច្រើនបានធ្វើការវិនិយោគទៅលើបច្ចេកទេសសាងសង់បែប 3D Printer ក្នុងទំហំទឹកប្រាក់ដល៉ទៅរាប់ពាន់លានដុល្លារ ហើយជាលទ្ធផលសំណង់លំនៅដ្ឋានមួយចំនួនត្រូវបានសាងសង់រួចរាល់ ប៉ុន្តែក្នុងចំនួនតិចតួចបំផុតធៀបទៅនឹងតម្រូវការបច្ចុប្បន្ន។

តើហេតុអ្វីបានជាបច្ចេកវិទ្យា 3D Printer នៅពុំទាន់អាចបំពេញតាមតម្រូវការសាងសង់លំនៅដ្ឋានរបស់អាម៉េរិកបាននៅឡើយទោះបីជាវិធីសាស្ត្រនឹងចំណាយពេលវេលាតិចចំណាយមនុស្សតិច ចំណាយលុយតិច ហើយមានភាពរឹងម៉ាំខ្លាំងជាងសំណង់អគារធម្មតា?

នៅក្នុងវិដេអូឯកសារដែលរៀបរាងដោយ Business Insider ចំពោះប្រធានបទនេះយើងអាចសង្កេតឃើញថាមានបញ្ហាមួយចំនួនដែលអាម៉េរិកកំពុងតែប្រឈមមុខនៅឡើយជាមួយនឹងបច្ចេកវិទ្យា 3D Printer ក្នុងនោះមានដូចជា ធនធានដែលមានជំនាញការសម្របខ្លួនជាមួយនឹងអតិថិជនមិនទាន់បានល្អប្រសើរ ព្រមទាំងគោលការណ៍ច្បាប់មួយចំនួននៅតាមតំបន់ពាក់ព័ន្ធទៅនឹងការសាងសង់ជាដើម។

ក្រុមហ៊ុន SQ4D ដែលជាអ្នកសាងសង់លំនៅដ្ឋានដោយប្រើប្រាស់បច្ចេកវិទ្យា 3D Printer ដំបូងគេ និងដាក់លក់នៅក្នុងទីក្រុងញូវយ៉កបានចែករំលែកនូវបទពិសោធរបស់ពួកគេចំពោះប្រតិបត្តិការអាជីវកម្មមួយនេះ។

តំណាងឲ្យក្រុមហ៊ុនម្នាក់បានលើកឡើងថា ជាបច្ចេកទេសការងារសាងសង់លំនៅដ្ឋាន 3D Printer មានភាពងាយស្រួល លឿនជាងលំនៅដ្ឋានធម្មតាដល់ទៅពាក់កណ្តាល ខណៈដែលការរៀបចំចាក់គ្រឹះអាចធ្វើបានឡើងត្រឹមតែ២ថ្ងៃប៉ុណ្ណោះ ហើយការសាងសង់ត្រូវការពេលវេលា ២ ឬ ៣ សប្តាហ៍។ អត្ថប្រយោជន៍ជាច្រើនទៀតដែល 3D Printer បានផ្តល់ឲ្យនូវការសាងសង់ដែលប្រកបដោយនិរន្តភាពនេះ ប៉ុន្តែក្នុងនោះគាត់ក៏បានលើកឡើងអំពីបញ្ហាប្រឈមជាច្រើនផងដែរចំពោះអាជីវកម្មនេះដេរ។

គាត់បានបញ្ជាក់ថា បញ្ហាអាកាសធាតុពេលខ្លះក៏អាចធ្វើឲ្យមានបញ្ហាដល់ស៊ីម៉ង់ត៍ដែលត្រូវប្រើប្រាស់សម្រាប់ម៉ាស៊ីន Printer ផងដែរ ហើយមកទល់ពេលនេះនៅមិនទាន់មានបច្ចេកវិទ្យាដែលល្អឥតខ្ជោះសម្រាប់ការសាងសង់បែបនេះនៅឡើយទេ ម្ល៉ោះហើយក្រុមហ៊ុនពួកគេបានផ្តោតពេលវេលាភាគច្រើនទៅលើការបណ្តុះបណ្តាលជំនាញ និងដោះស្រាយបញ្ហាថ្មីៗដែលអាចកើតមានឡើង។

ទោះបីជាយ៉ាងណាក្តី មកដល់ពេលនេះពួកគេទើបតែបានសាងសង់ជោគជ័យលំនៅដ្ឋានបច្ចេកវិទ្យា 3D Printer នេះបានចំនួនតែ៣ខ្នងប៉ុណ្ណោះ ពីព្រោះថាការពង្រីកផលិកម្មរបស់ខ្លួនហាក់ជួបបញ្ហាលំបាកជាច្រើនបូករួមទាំងការរត់ឯកសារផ្លុវច្បាប់ច្រើនដំណាក់កាលផងដែរ។ កាន់តែមិនងាយស្រួលទៀតនោះ ពីព្រោះថាមកដល់ពេលនេះទាំងច្បាប់កំណត់អំពីគុណភាព និងច្បាប់ស្តង់ដាច្បាប់ត្រួតពិនិត្យឲ្យបានច្បាស់លាស់នៃសកម្មភាពសាងសង់លំនៅដ្ឋាន 3D Printer គឺមិនមានគ្រប់គ្រាន់នៅឡើយ។

បទពិសោធដែលក្រុមហ៊ុនផ្សេងទៀតបានជួបប្រទះបញ្ហាដូចគ្នានេះដែរ ហើយពួកគេបន្ថែមថា ការទទួលស្គាល់ពីគុណភាព និងការសម្របខ្លួនរបស់អតិថិជនចំពោះផលិតផលថ្មីទាំងនេះនៅមិនទាន់ដល់កម្រិតទទួលយកបាននៅឡើយ ពីព្រោះថាទាំងបរិយាកាសនៃការរស់នៅ និងបច្ចេកវិទ្យាខ្លះដែលរៀបចំនៅក្នុងលំនៅដ្ឋាន 3D Printer មានភាពខុសគ្នាមួយចំនួនធៀបទៅនឹងលំនៅដ្ឋានធម្មតា។

ជាចុងក្រោយ បញ្ហានៃការប្រើប្រាស់វត្ថុធាតុដើមឲ្យបានសមស្របទៅតាមទីតាំងតំបន់នៅមិនទាន់អាចធ្វើបាននៅឡើយ ពីព្រោះពេលខ្លះពួកគេនឹងត្រូវចំណាយពេលក្នុងការផ្លាស់ប្តូរវត្ថុធាតុដើមជាញឹកញាប់ទៅតាមពេលវេលា អាកាសធាតុ ហើយពេលខ្លះអាចឈានទៅដល់ការបោះចោលស៊ីម៉ង់ត៍ដែលបានលាយរួចហើយនោះក៏មាន។

ដូច្នេះ ថ្វីត្បិតតែលំនៅដ្ឋានដែលសាងសង់ដោយ 3D Printer មានប្រយោជន៍ខ្លាំង មានការសន្សំសំចៃខ្លាំង មានតម្លៃធូរខ្លាំង និងងាយស្រួលចំណេញពេលវេលាក្តី ប៉ុន្តែវាស្ថិតនៅក្នុងដំណាក់កាលដំបូងនៃរបត់ថ្មីក្នុងការងាកទៅរស់នៅក្នុងបច្ចេកវិទ្យាថ្មីដែលទំនើប និងប្រើប្រាស់កម្លាំងកម្មករតិចបំផុតប៉ុណ្ណោះ។

ជាមធ្យម ក្នុងការសាងសង់លំនៅដ្ឋានធម្មតាមួយខ្នងគេអាចប្រើប្រាស់កម្លាំងកម្មករសរុបប្រហែលជា៣០នាក់ ប៉ុន្តែការសាងសង់លំនៅដ្ឋាន 3D Printer នឹងអាចត្រូវការមនុស្សតែ៣នាក់ប៉ុណ្ណោះដែលម្នាក់ជាអ្នកកាន់តែឧបករណ៍បញ្ជា ម្នាក់ជាអ្នកលាយស៊ីម៉ង់ត៍ និងម្នាក់ជាអ្នកវាយតម្លៃ និងវាស់វែង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម