សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ នាយករដ្ឋមន្ត្រីកាណាដា លោក Mark Carney នឹងធ្វើដំណើរទស្សនកិច្ចទៅកាន់ប្រទេសចិននៅក្នុងសប្តាហ៍នេះ ដើម្បីពិភាក្សាលើកិច្ចការងារពាណិជ្ជកម្មឱ្យកាន់តែស៊ីជម្រៅ និងមានទំហំកាន់តែធំជាងពេលបច្ចុប្បន្ន នេះបើយោងតាមសេចក្ដីរាយការណ៍ពី BBC។
លោក Mark Carney នឹងធ្វើទស្សនកិច្ចនៅទីក្រុងប៉េកាំងក្នុងសប្ដាហ៍នេះរយៈពេល ៥ថ្ងៃ ចាប់ពីថ្ងៃទី ១៣ ដល់ថ្ងៃទី ១៧ ខែមករា ដែលនេះជាដំណើរទស្សនកិច្ចលើកដំបូងរបស់នាយករដ្ឋមន្ត្រីកាណាដានៅលើទឹកដីប្រទេសចិនក្នុងរយៈពេលជិតមួយទសវត្សរ៍ចុងក្រោយនេះ។ នៅក្នុងឱកាសនេះផងដែរ លោក Carney នឹងពិភាក្សាអំពីបញ្ហាពាណិជ្ជកម្មទ្វេភាគី បញ្ហាថាមពល កសិកម្ម និងសន្តិសុខអន្តរជាតិជាមួយមន្ត្រីចិន ខណៈដែលទំនាក់ទំនងជាមួយអាម៉េរិកហាក់កំពុងឃ្លាតឆ្ងាយជាងមុន ក្រោយការដាក់គោលការណ៍ពាណិជ្ជកម្មកាន់តែតឹងតែងពីសំណាក់ប្រធានាធិបតី Donald Trump ពាក់ព័ន្ធនឹងពន្ធបដិការ។
សូមជម្រាបថា លោក Mark Carney ត្រូវបានអញ្ជើញទៅកាន់ប្រទេសចិនជាផ្លូវការ បន្ទាប់ពីបានលោកជួបជាមួយនឹងប្រធានាធិបតី Xi Jinping នៅប្រទេសកូរ៉េខាងត្បូងកាលពីអំឡុងខែតុលា ឆ្នាំ២០២៦៥ កន្លងទៅនេះ។ បន្ទាប់ពីជំនួបនេះបានកើតឡើង លោក Carney បង្ហាញពីភាពជឿជាក់ថា ទំនាក់ទំនងរវាងកាណាដា-ចិន ស្ថិតក្នុងរបត់មួយដែលនឹងផ្តល់ផលវិជ្ជមានសម្រាប់សេដ្ឋកិច្ចកាណាដា ខណៈដែលការនៅឆ្ងាយពីគ្នាមិនមែនជាមធ្យោបាយដោះស្រាយបញ្ហានោះទេ។
លោក Carney បានលើកឡើងថា ចិន មានឆន្ទៈធ្វើការជាមួយកាណាដា ដើម្បីជំរុញទំនាក់ទំនងរវាងប្រទេសទាំង២ ឲ្យត្រឡប់ទៅរកផ្លូវត្រឹមត្រូវដែលមានស្ថិរភាព និងនិរន្តរភាពឡើងវិញ។ លើសពីនេះ នាយករដ្ឋមន្ត្រីរូបនេះចង់បង្កើនការនាំចេញរបស់ខ្លួនបន្ថែមពីលើទីផ្សារអាម៉េរិក ដូចជា ដែកថែប អាលុយមីញ៉ូម និងរថយន្តជាដើម បន្ទាប់ពីរងការវាយប្រហារយ៉ាងខ្លាំងក្រោមអត្រាពន្ធរបស់លោក Trump ខណៈដែលដែលកិច្ចចរចាពាណិជ្ជកម្មរវាងកាណាដា និងអាម៉េរិកនៅមានភាពស្រពិចស្រពិលនៅឡើយ។
សូមរំលឹកថា កាលពីអំឡុងខែតុលា ឆ្នាំ២០២៤ កាណាដា បានដាក់ពន្ធ ១០០% លើរថយន្តអគ្គិសនីរបស់ចិន ដែលជាវិធានការណ៍ស្រដៀងគ្នាទៅនឹងអាម៉េរិក ប៉ុន្តែក្រោយមក នៅខែដដែលនោះ កាណាដា បានដាក់ពន្ធ ២៥% លើដែកថែប និងអាលុយមីញ៉ូមរបស់ចិន។ ដោយឡែក នៅខែមីនា ឆ្នាំ២០២៥ ចិន បានដាក់ពន្ធសងសឹកវិញលើផលិតផលកសិកម្មជាច្រើននាំចូលពីកាណាដា រួមមាន ការយកពន្ធ ៧៦% លើការនាំចូលគ្រាប់ពូជកាណូឡា និងពន្ធ ១០០% លើប្រេងកាណូឡា ក៏ដូចជាគ្រាប់សណ្តែក peas ។ វិធានការទាំងនេះបានធ្វើឱ្យប៉ះពាល់ដល់កសិករនៅភាគខាងលិចនៃប្រទេសកាណាដា ដោយសារចិនគឺជាអ្នកនាំចូលគ្រាប់ពូជកាណូឡាច្រើនជាងគេពីប្រទេសនេះ៕
Account
Security
Favourite Content