សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គម្រោងវិនិយោគថ្មីៗចំនួន៥ មានទីតាំងស្ថិតនៅក្នុងខេត្តមណ្ឌលគិរី ជាមួយទុនវិនិយោគសរុបប្រមាណ ១២៣លានដុល្លារអាម៉េរិក កំពុងត្រូវបានមន្ត្រីជំនាញ និងក្រុមការងារជំរុញការវិនិយោគភូមិភាគឦសាន ( ក.វ.ឦ) ចុះពិនិត្យ និងតាមដានពីសកម្មភាពដល់ទីតាំងជាក់ស្ដែងបន្ទាប់ពីទទួលបានគោលការណ៍លើកទឹកចិត្តពិសេសពីរាជរដ្ឋាភិបាល។
នៅក្នុងបេសកកម្មចុះពិនិត្យតាមដានសកម្មភាពនៃការវិនិយោគនេះ ឯកឧត្តម ពេជ្រ សម្បត្តិ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធាន ក.វ.ឦ បានដឹកនាំកិច្ចពិភាក្សាលើគម្រោងវិនិយោគដែលបានស្នើសុំការលើកទឹកចិត្ត ការអនុគ្រោះ ការសម្រួលនីតិវិធី និងចុះពិនិត្យទីតាំងជាក់ស្ដែងរបស់គម្រោងវិនិយោគទាំង៥ ដែលផ្ដោតលើវិស័យកសិកម្ម និងទេសចរណ៍ និងងាចបង្កើតការងារបានចំនួន ១៧០០នាក់ ។
នៅក្នុងកិច្ចប្រជុំនោះដែរ ឯកឧត្តម ពេជ្រ សម្បត្តិ បានសង្កត់ធ្ងន់លើសារសំខាន់នៃយន្តការច្រកចេញចូលតែមួយ ក្នុងការសម្របសម្រួលក្រសួង ស្ថាប័នពាក់ព័ន្ធទាំងអស់ ដើម្បីពន្លឿនការអនុវត្តនីតិវិធីវិនិយោគ និងផ្ដល់នូវដំណោះស្រាយជាកញ្ចប់ ស្របតាមអភិក្រម ជវភាពនៃប្រព័ន្ធតួអង្គតែមួយ ។ ក្នុងន័យនេះ ក.វ.ឦ នឹងបន្តរក្សាទំនាក់ទំនងជាប្រចាំជាមួយវិនិយោគិននៅទូទាំងខេត្តនៃភូមិភាគឦសាន ដើម្បីជំរុញការវិនិយោគ កែច្នៃ បង្កើនតម្លៃបន្ថែម និងបន្តផ្សព្វផ្សាយពីសក្ដានុពលរបស់ខេត្តមណ្ឌលគិរី ក៏ដូចជាបណ្តាខេត្តនៅប៉ែកឦសាន ជាពិសេស សក្តានុពលលើការវិនិយោគ និងកែច្នៃ ផ្នែកកសិ-ឧស្សាហកម្ម។
គួរបញ្ជាក់ថា បន្ទាប់ពីកិច្ចប្រជុំបានបញ្ចប់ ក្រុមការងារបានចុះទៅដល់ទីតាំង និងជួបតំណាងក្រុមហ៊ុននៃគម្រោងទាំង ៥ ដែលវិនិយោគលើការដាំដុះ និងកែច្នៃកៅស៊ូ និង កាហ្វេ ក៏ដូចជាការអភិវឌ្ឍតំបន់ទេសចរណ៍ពិសិដ្ឋ ដែលបានស្នើសុំ ដើម្បីពិនិត្យ និងពិភាក្សាលើទិដ្ឋភាពបច្ចេកទេសនៃគម្រោង ក៏ដូចជា សំណើ និងបញ្ហាប្រឈមដែលក្រុមហ៊ុនបានលើកឡើង។
Account
Security
Favourite Content