អ្នកឧកញ៉ា លឹម ហេង ៖ ការដាក់ទីតាំងរោងចក្រផលិតកង់រថយន្ដនៅកម្ពុជានឹងជួយជំរុញទីផ្សារកៅស៊ូក្នុងស្រុក

ក្នុងដំណើរទស្សនៈកិច្ចទៅកាន់សាធារណៈរដ្ឋប្រជាមានិតចិនកាលពីថ្ងៃទី ២១ ខែតុលា ឆ្នាំ២០២៣  កន្លងទៅ ឯកឧត្តម ស៊ុន ចាន់ថុល ឧបនាយក​រដ្ឋមន្ត្រី និងជាអនុប្រធានទី១ក្រុមប្រឹក្សាអភិវឌ្ឍន៍កម្ពុជា បានចូលជួបពិភាក្សាការងារជាមួយក្រុមហ៊ុនធំៗជាច្រើន។ ក្នុងនោះក៏មានផងដែរនូវក្រុមហ៊ុនផលិតកង់រថយន្ដរបស់ចិនគឺ ក្រុមហ៊ុន Wanli Tires។

ដើម្បីនាំប្រយោជន៍មកឱ្យសេដ្ឋកិច្ចកម្ពុជា ក៏ដូចជាពង្រឹងបន្ថែមនូវទំនាក់ទំនងពាណិជ្ជកម្ម កម្ពុជា-ចិន ឯកឧត្តមឧបនាយករដ្ឋមន្ត្រីបានជំរុញឱ្យក្រុមហ៊ុនពិនិត្យមើលលទ្ធភាពក្នុងការចូលមកវិនិយោគនៅកម្ពុជា។ ជាលទ្ធផល ភាគីក្រុមហ៊ុនចិនបានសម្រេចចិត្តក្នុងការមកសិក្សាលម្អិតលើការបណ្ដាក់ទុនវិនិយោគ ដើម្បីបង្កើតរោងចក្រផលិតសំបកកង់រថយន្ដនៅកម្ពុជា។

ជាមួយនឹងលទ្ធផលដ៏ត្រចះត្រចង់ចេញពីជំនួបនេះ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានសាទរ និងស្វាគមន៍ជានិច្ចចំពោះការចូលមកបណ្ដាក់ទុនរបស់វិនិយោគិន។ អ្នកឧកញ៉ា បានគូសបញ្ជាក់ថា ការចូលមកបណ្ដាក់ទុនកាន់តែច្រើនគឺកាន់តែល្អសម្រាប់សេដ្ឋកិច្ច កម្ពុជា ជាពិសេសគឺសម្រាប់វិស័យកៅស៊ូតែម្ដង។

អ្នកឧកញ៉ាបន្តថា៖

« បើក្រុមហ៊ុនផលិតកៅស៊ូមកកាន់តែច្រើន ធ្វើឱ្យការដាំកៅស៊ូមានការកើនឡើង ព្រោះយើងដឹងស្រាប់ហើយកន្លងមកកៅស៊ូធ្លាក់ថ្លៃ ធ្វើឱ្យផ្ទៃដីដាំកៅស៊ូថយចុះ។ ដូច្នេះ បើយើងមាន​រោងចក្រសម្រាប់ប្រមូលទិញកៅស៊ូក្នុងស្រុកយើងនេះ យើងបានទីផ្សារមួយទៀត សម្រាប់ការជួញ​ដូរ​ក្នុងស្រុក ធ្វើឱ្យសាច់ប្រាក់មានលំហូរក្នុងស្រុក»។

បើតាមការឱ្យដឹងរបស់អ្នកឧកញ៉ា កន្លងមកកៅស៊ូភាគច្រើនរបស់កម្ពុជា គឺនាំចេញទាំងអស់ដែលមានន័យថាទីផ្សារតែមួយច្រក ហើយក្នុងករណីថាទីផ្សារខាងក្រៅបិទការបញ្ជាទិញ នោះនឹងធ្វើឱ្យគាំងចរន្ដសាច់ប្រាក់របស់អ្នកដាំកៅស៊ូតែម្ដង។ មិនត្រឹមតែធ្វើឱ្យចរន្ដទិញលក់កៅស៊ូក្នុងស្រុកមានដំណើរការល្អប៉ុណ្ណោះទេ តែរោងចក្រនេះក៏នឹង​ចូលរួមជំរុញកំណើនសេដ្ឋកិច្ចជាតិផង ជាពិសេសលើកទឹកចិត្តឱ្យអ្នកវិនិយោគមកបណ្ដាក់ទុន​បន្ថែមទៀត​លើវិស័យកៅស៊ូ។

គួរបញ្ជាក់ថា កំណើនសេដ្ឋកិច្ចរបស់កម្ពុជាក្នុងរយៈពេល២០ឆ្នាំកន្លងទៅនេះ កើនជាមធ្យម​៧%ជា​រៀងរាល់ឆ្នាំ ក្រោមការដឹកនាំរបស់សម្តេចតេជោ ហ៊ុន សែន មុនស្ថានភាពជំងឺកូវីដ១៩។ បន្ថែមពីនេះ ហេដ្ឋារចនាសម្ព័ន្ធពេញផ្ទៃប្រទេសដែលកម្ពុជាបាននិងកំពុងអភិវឌ្ឍក្រោម​ការដឹកនាំ​របស់សម្តេចធិបតី ហ៊ុន ម៉ាណែត និងចាត់ទុកជាហេដ្ឋារចនាសម្ព័ន្ធយុទ្ធសាស្រ្តសម្រាប់​វិនិយោគិន​រួមមាន អាកាសយានដ្ឋានថ្មីខេត្តសៀមរាប អាកាសយានដ្ឋានថ្មីក្រុងភ្នំពេញ ការសិក្សាផ្លូវរថភ្លើង​ភ្នំពេញ-ក្រុងព្រះសីហនុ ផ្លូវរថភ្លើងភ្នំពេញ-បោយប៉ែត និងគម្រោងពង្រីកកំពង់ផែទឹកជ្រៅជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ