សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្មវិធីខាបហ្វីស អាក្វ័រខាល់ឆ័រ Capfish-Aquaculture ក្នុងរយៈពេលប៉ុន្មានឆ្នាំចុងក្រោយនេះ ក្រុមការងារបានជួយបណ្តុះបណ្តាលប្រជាកសិករ និងធ្វើការយ៉ាងជិតស្និទ្ធជាមួយស្ថាប័នស្រាវជ្រាវ គ្រូបណ្តុះបណ្តាល និងក្រុមអ្នកបង្កើតគោលនយោបាយ ដើម្បីនាំមកនូវការកែលម្អ ចេញជាលទ្ធផលជាក់ស្តែងនៅក្នុងវិស័យវារីវប្បកម្មនៅកម្ពុជា។
ជាក់ស្ដែង កាលពីពេលថ្មីៗកន្លងទៅនេះ មានការចុះអង្កេតពាក់ព័ន្ធនឹងកសិដ្ឋានបង្កាត់ ភ្ញាស់ និងបំប៉នត្រី ចំនួន ១៩ នៅទូទាំងខេត្តចំនួន ១០ បានបង្ហាញឱ្យឃើញពីចន្លោះប្រហោងសំខាន់ៗក្នុងការគ្រប់គ្រងទឹក ជីវសុវត្ថិភាព បច្ចេកវិទ្យាដែលមានស្រាប់ និងភាពខ្វះខាតនៅក្នុងជំនាញជាក់ស្តែង។ ក្នុងការបំពេញចន្លោះប្រហោងទាំងនេះ កាលពីខែមុន អ្នកជំនាញអន្តរជាតិ លោកបណ្ឌិត Huynh Thanh Toi បានបណ្តុះបណ្តាលគ្រូបង្គោលថ្នាក់ជាតិ ក្នុងការផលិតមីក្រូសារាយ និងចៃទឹក ដែលជាចំណីរស់ដ៏សំខាន់សម្រាប់ការលូតលាស់សុខភាពកូនត្រីចាប់ពីថ្ងៃដំបូង។
ជំនាញការជាតិមកពីគម្រោង IT1 ក៏បានផ្តល់វគ្គបណ្តុះបណ្តាលរយៈពេល ៤ថ្ងៃ (ថ្ងៃទី២០-២៣ ខែឧសភា ឆ្នាំ២០២៥) នៅក្នុងខេត្តកណ្តាល ដល់កសិដ្ឋានបង្កាត់ភ្ញាស់ និងបំប៉នត្រីឯកជន និងអ្នកចិញ្ចឹមត្រី ដោយផ្តោតលើការលើកកម្ពស់ការអនុវត្តល្អក្នុងការបង្កាត់ភ្ញាស់ ការពង្រឹងជំនាញក្នុងការផ្តល់ចំណីរស់ និងការដោះស្រាយចំពោះផ្នែកផ្សេងទៀតដែលបានរកឃើញនៅក្នុងពេលចុះអង្កេតនាពេលថ្មីៗនេះ។
សូមជម្រាបថា តាមរយៈកម្មវិធីខាបហ្វីសអាក្វ័រខាល់ឆ័រ Capfish-Aquaculture បានចែករំលែកចំណេះដឹងដល់កសិករជាង ២ ០០០នាក់ ដែលក្នុងនោះមានប្រមាណ ៣៤ភាគរយជាស្ត្រី ទទួលបានការបណ្តុះបណ្តាលក្នុងការអនុវត្តវារីវប្បកម្មប្រកបដោយភាពឆ្លាតវៃ និងការអនុវត្តវារីវប្បកម្មល្អនៅទូទាំងខេត្តគោលដៅទាំង១០។ កម្មវិធីក៏បានជួយដល់សាកលវិទ្យាល័យចំនួន៤ គ្រូបង្គោលថ្នាក់ជាតិចំនួន២៥រូប និងគ្រូបង្គោលក្នុងស្រុកចំនួន១៨រូប នាំយកវារីវប្បកម្មទៅផ្សព្វផ្សាយក្នុងថ្នាក់រៀន និងសហគមន៍។
ក្រុមការងារគម្រោងខាបហ្វីស អាក្វ័រខាល់ឆ័រថ្មីៗនេះ បានធ្វើទស្សនកិច្ចសិក្សានៅកសិដ្ឋានវារីវប្បកម្មឆ្លាតវៃសាកល្បងមួយនៅខេត្តសៀមរាប ដើម្បីចែករំលែកលទ្ធផលស្រាវជ្រាវសំខាន់ៗទាក់ទងនឹងវិធីសាស្ត្រនៃការចិញ្ចឹមត្រីទីឡាព៉្យាក្នុងបែ ដើម្បីជួយកសិករឱ្យសម្របខ្លួនទៅនឹងការប្រែប្រួលអាកាសធាតុបានកាន់តែប្រសើរ។
ទស្សនកិច្ចសិក្សានេះធ្វើឡើងនៅកសិដ្ឋានរបស់លោក សឿន ឆាយ ស្ថិតក្នុងស្រុកសូទ្រនិគម ដែលមានកសិករ ៣០រូប ចូលរួមសិក្សាពីវិធីការពារគ្រោះទឹកជំនន់ ការកែលម្អបច្ចេកទេសនៃការផ្ដល់ចំណីដោយផ្អែកលើសមត្ថភាពផ្ទុកនៃស្រះនីមួយៗ និងការអនុវត្តនានាលើការចិញ្ចឹមត្រីប្រកបដោយនិរន្តរភាព។
ទស្សនកិច្ចសិក្សាចំនួន៨ផ្សេងទៀត នឹងបន្តអនុវត្តក្នុងពេលឆាប់ៗនេះក្នុងខេត្តសៀមរាប កំពង់ធំ និង តាកែវ ក្រោមការគាំទ្រពីកម្មវិធី ខាបហ្វីស អាក្វ័រខាល់ឆ័រ CaPFish-Aquaculture។
ជាមួយគ្នានេះដែរ កម្មវិធី ខាបហ្វីស អាក្វ័រខាល់ឆ័រ បានប្តេជ្ញានាំមកនូវវារីវប្បកម្មប្រកបដោយចីរភាព និងបរិយាបន្ននៅកម្ពុជា ដើម្បីដោះស្រាយបញ្ហាប្រឈមរបស់កសិដ្ឋានបង្កាត់ភ្ញាស់ និងបំប៉នត្រីនានានៅប្រទេសកម្ពុជា ខណៈដែលបច្ចុប្បន្ន កម្មវិធីក៏កំពុងផ្តល់យ៉ាងសកម្មនូវការផ្ទេរចំណេះដឹងសំខាន់ៗដល់ក្រុមគោលដៅដែលចាំបាច់បំផុត។
Account
Security
Favourite Content