ជម្លោះ​​ព្រំដែន​​កម្ពុជា​-​ថៃ​៖​ ​គ្រឹះស្ថានធនាគារ និងហិរញ្ញវត្ថុ​​ពន្យារ​សង​ឥណទាន​ជាង​​ ២៥០ ​លាន​ដុល្លារ​

​ភ្នំពេញ​៖​ ​គ្រឹះស្ថានធនាគារ ​និង​ហិរញ្ញវត្ថុ​នៅ​កម្ពុជា​ ​បាន​ចូលរួម​សម្រាល​បន្ទុក​ហិរញ្ញវត្ថុ​ដល់​អតិថិជន​ដែល​រង​ផលប៉ះពាល់​ពី​ជម្លោះ​ព្រំដែន​កម្ពុជា​-​ថៃ​ ​តាមរយៈ​ការ​ពន្យារ​ការ​ទូទាត់​សង​ឥណទាន​ ​និង​ការ​លើកលែង​បំណុល​មួយ​ចំនួន​ ​ដែល​មាន​ទឹក​ប្រាក់​សរុប​ជាង​ ២៥០ ​លាន​ដុល្លារ​អាម៉េរិក​។

យោង​តាម​ប្រសាសន៍​របស់​សម្ដេច​មហា​បវរធិបតី​ ហ៊ុន ម៉ាណែត ​នាយករដ្ឋមន្ត្រី​នៃ​ព្រះ​រាជាណាចក្រ​កម្ពុជា ​ក្នុង​ពិធី​ប្រគល់​សញ្ញាបត្រ​ជូន​និស្សិត​សាកលវិទ្យាល័យ​វិទ្យាសាស្ត្រ​សុខាភិបាល​កាលពី​ថ្ងៃ​ទី​៧ ​ខែ​តុលា ​ឆ្នាំ​២០២៦ ​បាន​ឱ្យ​ដឹង​ថា​ ​តាម​ការ​អំពាវនាវ​របស់​រាជ​រដ្ឋាភិបាល​ ​គ្រឹះ​ស្ថាន​ហិរញ្ញវត្ថុ​ចំនួន​ ៦១ ​បាន​ជួយ​ពន្យារការ​ទូទាត់​ប្រចាំ​ខែ ​ទាំង​ប្រាក់​ដើម​ ​និង​ការប្រាក់​ សរុប​ប្រមាណ​ ​២០០ ​លាន​ដុល្លារ​អាម៉េរិក​ ​និង​បាន​លើកលែង​ប្រាក់​ពិន័យ​សរុប​ជាង​ ២​លាន​ដុល្លារ​។

​សម្រាប់​យោធិន​ដែល​ធ្វើ​ប្រតិបត្តិការ​ផ្ទាល់​នៅ​ជួរ​មុខ​ ​គ្រឹះស្ថាន​ហិរញ្ញវត្ថុ​ចំនួន​ ៧៧ ​បាន​ពន្យារ​ការ​ទូទាត់​សង​ទាំង​ប្រាក់​ដើម​ ​និង​ការប្រាក់​ សរុប​ជិត ៥០​លាន​ដុល្លារ​អាម៉េរិក​ ​និង​លើកលែង​ប្រាក់​ពិន័យ​ប្រមាណ​ ៥២ ​ម៉ឺន​ដុល្លារ​។

​ដោយឡែក​ ​សម្រាប់​យោធិន​ពិការ ​គ្រឹះស្ថាន​ហិរញ្ញវត្ថុ​ចំនួន​ ១៤ ​បាន​ពន្យារ​ការ​ទូទាត់​សង​ទាំង​ប្រាក់​ដើម​ ​និង​ការប្រាក់​ ​សរុប​ចំនួន​ ៣​២​ម៉ឺន​ដុល្លារ​អាម៉េរិក​។​ ​ចំណែក​យោធិន​ពលី ​គ្រឹះ​ស្ថាន​ហិរញ្ញវត្ថុ​ចំនួន​ ​២៣ ​បាន​លុប​បំណុល​ទាំងស្រុង​ជូន​តែម្តង​។

​សម្ដេចធិបតី​បាន​បញ្ជាក់​ថា​ ​វិធានការ​ទាំងនេះ​ ​គឺជា​ការ​ចូលរួម​របស់​គ្រឹះស្ថាន​ធនាគារ​ ​និង​ហិរញ្ញវត្ថុ ​តាម​ការ​អំពាវនាវ​របស់​រាជ​រដ្ឋាភិបាល​ ​ដើម្បី​ចូលរួម​សម្រាល​បន្ទុក​ដល់​អ្នក​ដែល​រង​ផលប៉ះពាល់​ពី​ជម្លោះ​ព្រំដែន​។

​លោក​ ​សុខ​ ចាន់ នាយក​ផ្នែក​ទំនាក់ទំនង​នៃ​សមាគម​ធនាគារ​នៅ​កម្ពុជា​ ​បាន​ឱ្យ​ដឹង​ថា​ ​រហូត​មក​ដល់​បច្ចុប្បន្ន​ ​អតិថិជន​ដែល​ជួប​ប្រទះ​ការ​លំបាក​ផ្នែក​ហិរញ្ញវត្ថុ​ជា​បណ្តោះអាសន្ន ​នៅតែ​អាច​បន្ត​ចរចា ​និង​ស្នើសុំ​ការ​រៀបចំ​ឥណទាន​ឡើង​វិញ​ពី​គ្រឹះស្ថាន​ធនាគារ ​និង​ហិរញ្ញវត្ថុ​។

​លោក​បន្ត​ថា​ ​ការ​សម្រេចចិត្ត​ចុងក្រោយ​លើ​ការ​រៀបចំ​ឥណទាន​ឡើង​វិញ​ អាស្រ័យ​លើ​ការ​ពិភាក្សា​ដោយ​ផ្ទាល់​រវាង​គ្រឹះស្ថាន ​និង​អតិថិជន ​ដោយ​គ្រឹះស្ថាន​ត្រូវ​វាយតម្លៃ​លើ​លទ្ធភាព​ជាក់ស្តែង​ក្នុង​ការ​សង​ត្រឡប់​ប្រាក់​កម្ចី​របស់​អតិថិជន​នីមួយ​ៗ​។

​បន្ថែម​ពីលើ​ការ​វាយតម្លៃ​សំណើ​របស់​បុគ្គល​នីមួយ​ៗ​ គ្រឹះ​ស្ថានធនាគារ ​និង​ហិរញ្ញវត្ថុ​ត្រូវ​ចាត់ថ្នាក់​ឥណទាន​ឱ្យ​បាន​ត្រឹមត្រូវ​ ​និង​ស្រប​តាម​ប្រកាស​ស្តីពី​ការ​ចាត់ថ្នាក់​ហានិភ័យ​ឥណទាន ​និង​ការ​កំណត់​ប្រាក់​បម្រុង​សម្រាប់​ឥណទាន​ខូច​គុណភាព​។ វិធានការ​នេះ​មាន​គោលបំណង​បង្កើន​តម្លាភាព​ ​លើកកម្ពស់​ការ​គ្រប់គ្រង​ហានិភ័យ​ឥណទាន ​និង​ការពារ​ស្ថិរ​ភាព​រួម​នៃ​ប្រព័ន្ធ​ធនាគារ​កម្ពុជា​។​

​គួរ​បញ្ជាក់​ថា​ ​ក្រោយ​មាន​ការ​ផ្ទុះ​អាវុធ​រវាង​យោធា​កម្ពុជា​ ​និង​ថៃ​អំឡុង​ខែ​កក្កដា ​ឆ្នាំ​២០២៥​ ​ធនាគារ​ជាតិ​នៃ​កម្ពុជា​បាន​ចេញ​សេចក្តី​ណែនាំ​ដល់​គ្រឹះ​ស្ថាន​ធនាគារ​ ​និង​ហិរញ្ញវត្ថុ​ ស្តីពី​វិធានការ​ជួយ​សម្រាល​បន្ទុក​ដល់​ប្រជា​ពលរដ្ឋ​ដែល​រង​ផលប៉ះពាល់​ពី​ជម្លោះ​ព្រំដែន​កម្ពុជា​-​ថៃ ​ដោយ​អំពាវនាវ​ឱ្យ​គ្រឹះស្ថាន​អនុគ្រោះ​ដល់​អតិថិជន​ជា​ជន​ភៀសសឹក​ ​និង​យោធិន​ដែល​ធ្វើ​ប្រតិបត្តិការ​ដោយ​ផ្ទាល់​ក្នុង​សមរភូមិ​ប្រយុទ្ធ​៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​