សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ប៉េកាំង ៖ មហាយក្សចិន ដែលជាគោលដៅធំរបស់អាម៉េរិកក្នុងសង្គ្រាមពាណិជ្ជកម្មតាមរយៈការដំឡើងពន្ធគយក្នុងរយៈពេលប៉ុន្មានខែចុងក្រោយនេះត្រូវបានគេរកឃើញថា កំពុងត្រៀមរៀបចំអាវុធដ៏ធំអស្ចារ្យមួយ ដែលគិតជាទឹកប្រាក់ប្រមាណ ៧០ពាន់លានដុល្លារ ហើយវានឹងក្លាយទៅជាយុទ្ធសាស្ត្រក្នុងការប្រកួតប្រជែងនៅក្នុងសង្គ្រាមបែបសេដ្ឋកិច្ចមួយនេះ។
Guru Focus នាពេលកន្លងទៅនេះបានសរសេរថា រដ្ឋាភិបាលក្រុងប៉េកាំង កំពុងដំណើរការកញ្ចប់មូលនិធិដ៏ធំសម្បើម គិតជាទឹកប្រាក់ប្រមាណជា ៧០ពាន់លានដុល្លារក្នុងការលើកកំពស់់ និងធ្វើឲ្យកម្រើកឡើងវិញនៃសកម្មភាពវិនិយោគក្នុងស្រុក ជាពិសេស ទៅលើវិស័យហេដ្ឋារចនាសម្ព័ន្ធ និងបច្ចេកវិទ្យា។
តាមរយៈប្រភពដែលគួរឲ្យទុកចិត្តមួយបានឲ្យដឹងថា ផែនការរបស់ចិន គឺនឹងត្រូវប្រើប្រាស់កញ្ចប់ហិរញ្ញវត្ថុនេះនៅក្នុងធនាគារគោលនយោបាយសំខាន់របស់រដ្ឋចំនួន៣ ដែលពួកគេនឹងអាចធ្វើការប្រមូលមូលនិធិទុនពីការលក់បណ្ណបំណុល ឬតាមរយៈការលក់ភាគហ៊ុនដោយផ្ទាល់ជាមួយនឹងគម្រោងធំៗ ដែលជាយុទ្ធសាស្ត្ររបស់រដ្ឋាភិបាល។
តាមរយៈដើមទុនដំបូងនោះ អ្នកជំនាញអាចមើលឃើញថា វាគឺជាកូនសោរក្នុងដោះបញ្ហា និងផ្តល់ហិរញ្ញប្បទានបំណុលជាច្រើនដំណាក់ ហើយនឹងអាចបង្កើនទុនវិនិយោគយ៉ាងសន្ធឹកសន្ធាប់បន្ថែមទៀត ខណៈដែលវិស័យដែលរដ្ឋាភិបាលអាចផ្តល់អាទិភាពសំខាន់ជាងគេនោះរួមមានដូចជា បញ្ញាសិប្បនិមិត្ត (AI) សេដ្ឋកិច្ចឌីជីថល និងហេដ្ឋារចនាសម្ព័ន្ធ និងវិស័យមួយចំនួនទៀតដែលទីក្រុងប៉េកាំងចង់ការពារឲ្យចេញផុតពីកត្តាប៉ះពាល់ដោយការប្រែប្រួលសេដ្ឋកិច្ចជាសកល។
Guro Focus ក៏បានសរសេរដែរថា ពេលវេលា និងផែនការបញ្ចេញអាវុធពាណិជ្ជកម្មនេះមិនមែនជារឿងចៃដន្យនោះទេ ជាក់ស្តែងវាគឺជាអ្វីដែលបានកើតចេញពីភាពតានតឹងដែលអាមេរិកបានបង្កើតជាមួយនឹងប្រទេសចិនតាមរយៈសង្គ្រាមពាណិជ្ជកម្មនាពេលចុងក្រោយនេះ។
ក្រុមមន្ត្រីចិនបានដាក់ក្តីសង្ឃឹមថា ផែនការថ្មីនេះនឹងអាចជំរុញតម្រូវការក្នុងស្រុក ជៀសចេញពីភាពប្រឈមពន្ធគយក្នុងការនាំចេញ ដែលដាក់ចេញដោយអាម៉េរិក ដែលក្នុងនោះសូម្បីតែធនគារជាតិចិនក៏បានបង្ហាញការគាំទ្រដែរ។
យ៉ាងណាក្តី ទោះបីជាមិនទាន់កាលកំណត់ច្បាស់លាស់អំពីពេលវេលាត្រូវដំណើរការគម្រោងមូលនិធីមួយនេះក្តី ប៉ុន្តែគណៈកម្មការកំណែទម្រង់ និងការអភិវឌ្ឍជាតិចិន (National Development and Reform Commission) ធ្លាប់បានសន្យាហើយថា នឹងធ្វើការសម្រេចចិត្តជាផ្លុវការនូវគម្រោងអភិវឌ្ឍសំខាន់ និងចាប់ផ្តើមអនុវត្តសកម្មភាពយុទ្ធសាស្ត្រថ្មីនៅត្រឹមចុងខែមិថុនាខាងមុខនេះ៕
Account
Security
Favourite Content