សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Investment Monitor បានរាយការណ៍ថា ចិនបានព្រមានពីការសងសឹកផ្នែកសេដ្ឋកិច្ចយ៉ាងធ្ងន់ធ្ងរប្រឆាំងនឹងជប៉ុន ប្រសិនបើជប៉ុនរឹតបន្តឹងបន្ថែមទៀតលើការលក់សេវាកម្ម និងគ្រឿងផ្គុំឈីបដល់ក្រុមហ៊ុនចិន។
កាលពីខែកក្កដាកន្លងទៅនេះ ជប៉ុនបានរឹតបន្តឹងការនាំចេញគ្រឿងផ្គុំផលិតឈីបចំនួន ២៣ ប្រភេទ ដើម្បីឲ្យមានតុល្យភាពក្នុងការគ្រប់គ្រងពាណិជ្ជកម្មបច្ចេកវិទ្យារបស់ខ្លួនជាមួយនឹងសហរដ្ឋអាមេរិក ដែលទប់ស្កាត់សមត្ថភាពរបស់ចិនក្នុងការផលិតបន្ទះឈីបកម្រិតខ្ពស់។ ការរឹតបន្តឹងនេះកើតឡើងបន្ទាប់ពីសហរដ្ឋអាម៉េរិកបានបោះជំហានទៅមុខក្នុងកិច្ចខិតខំប្រឹងប្រែងទប់ស្កាត់ចិនពីការរីកចម្រើនផ្នែកបច្ចេកវិទ្យា និងយោធា។ សហរដ្ឋអាមេរិកបានដាក់ការរឹតបន្តឹងជាច្រើនរបស់ខ្លួនប្រឆាំងនឹងចិន ដោយសារព្រួយបារម្ភផ្នែកសន្តិសុខជាតិ។
យ៉ាងណាមិញ ក្រុមហ៊ុន Toyota Motor កំពុងព្រួយបារម្ភថា ទីក្រុងប៉េកាំងអាចនឹងឆ្លើយតបទៅនឹងការទប់ស្កាត់របស់ជប៉ុន ដោយអាចកាត់បន្ថយការផ្គត់ផ្គង់សារធាតុរ៉ែសំខាន់ៗដែលមានសារៈសំខាន់សម្រាប់ការផលិតរថយន្ត។ លើសពីនេះ Tokyo Electron ដែលជាក្រុមហ៊ុនផលិតឧបករណ៍អេឡិចត្រូនិកជប៉ុន ក៏នឹងរងផលប៉ះពាល់យ៉ាងខ្លាំងពីការគ្រប់គ្រងការនាំចេញផងដែរ ដោយសារក្រុមហ៊ុននេះលក់គ្រឿងផ្គុំផលិតឈីបទៅឲ្យចិន។ ក្រុមហ៊ុនជប៉ុនមួយចំនួនកំពុងព្រួយបារម្ភថា ចិនអាចនឹងកាត់បន្ថយការផ្គត់ផ្គង់សារធាតុរ៉ែសំខាន់ៗ ដោយសារចិនធ្លាប់ផ្អាកការលក់រ៉ែកម្រទៅឱ្យជប៉ុនជាបណ្តោះអាសន្នបន្ទាប់ពីមានការប៉ះទង្គិចគ្នានៅសមុទ្រចិនខាងកើតកាលពីឆ្នាំ ២០១០។ ទោះជាយ៉ាងណាក្តី មន្ត្រីសហរដ្ឋអាមេរិកកំពុងធ្វើការជាមួយជប៉ុនដើម្បីស្វែងរកខ្សែសង្វាក់ផ្គត់ផ្គង់ជំនួស ដោយសារចិនបានដាក់ការរឹតបន្តឹងរួចហើយលើការនាំចេញហ្គាលីញ៉ូម ហ្គេម៉ាញ៉ូម និងក្រាហ្វិចកាលពីឆ្នាំមុន។
ទន្ទឹមនឹងនេះ ក្រសួងការបរទេសចិនបាននិយាយថា ជប៉ុនតែងតែប្រឆាំងយ៉ាងម៉ឺងម៉ាត់នឹងចិនរួមមាន ការរំខានដល់ស្ថិរភាពផលិតកម្ម និងសង្វាក់ផ្គត់ផ្គង់បញ្ញាសិប្បនិមិត្តពិភពលោក, នយោបាយនៃកិច្ចសហប្រតិបត្តិការសេដ្ឋកិច្ច និងពាណិជ្ជកម្ម, និងការរារាំងផ្នែកវិទ្យាសាស្ត្រ និងបច្ចេកវិទ្យា។ អ្នកនាំពាក្យ Mao Ning បាននិយាយថា ចិនតែងតែប្តេជ្ញាចិត្តក្នុងការរក្សាសុវត្ថិភាព និងស្ថិរភាពនៃសង្វាក់ផលិតកម្ម និងការផ្គត់ផ្គង់សកល ហើយតែងតែអនុវត្តវិធានការត្រួតពិនិត្យការនាំចេញប្រកបដោយយុត្តិធម៌ សមហេតុផល និងមិនរើសអើង។
អ្នកវិភាគរបស់ក្រុមហ៊ុនស្រាវជ្រាវ Omdia លើកឡើងថា ជប៉ុនមិនគួររឹតបន្តឹងការគ្រប់គ្រងការនាំចេញរបស់ខ្លួនទេ បើទោះបីជាសហរដ្ឋអាម៉េរិកដាក់សំណើបែបនេះក្តី ដោយសារសហរដ្ឋអាម៉េរិកអាចនឹងកាន់តែមានអំណាចនៅពីក្រោយ និង គោលនយោបាយសេដ្ឋកិច្ចរបស់ជប៉ុន។ ច្បាប់ផលិតផលផ្ទាល់ពីបរទេស (FDPR) គឺជាច្បាប់ដែលបានអនុម័តដោយកម្រមួយ ដែលនឹងអនុញ្ញាតឱ្យទីក្រុវ៉ាស៊ីនតោនគ្រប់គ្រងការទិញផលិតផលដែលផលិតនៅគ្រប់ទីកន្លែងក្នុងពិភពលោក ប្រសិនបើពួកគេមានបច្ចេកវិទ្យារបស់សហរដ្ឋអាមេរិកតិចក្តី។ យ៉ាងណាមិញ គោលនយោបាយនេះមិនត្រូវបានលើកឡើងនៅស្ថានភាពពេលនេះទេ។ មិនត្រឹមតែប៉ុណ្ណោះ ប្រសិនបើការគម្រាមកំហែងរបស់ចិនកើតមានឡើងពិតមែន នោះស្ថានភាពអាក្រក់ជាប្រវត្តិសាស្ត្រឆ្នាំ ២០១០ នឹងកើតឡើងម្តងទៀត ឬ អាក្រក់ជាងនេះ៕
Account
Security
Favourite Content