ជនជាតិជប៉ុន ចូលចិត្តធ្វើការច្រើនហួស ទោះបីរដ្ឋាភិបាលព្យាយាមផ្លាស់ប្តូរទម្លាប់

បរទេស ៖ Karoshi ជាពាក្យក្នុងភាសាជប៉ុនដែលមានន័យថា ជាការបាត់បង់ជីវិតដោយសារតែធ្វើការច្រើនម៉ោងហួសហេតុ ហើយវាត្រូវបានរដ្ឋាភិបាល និងពលរដ្ឋជប៉ុនទទួលស្គាល់ខ្លួនឯងថា ជាប្រទេសដែលមានអត្រាអ្នកស្លាប់ដោយសារសំពាធនេះច្រើនជាងគេបំផុតធៀបទៅនឹងបណ្តាប្រទេសដទៃទៀត។

Karoshi ចាប់តាំងតែពីឆ្នាំ២០១៣ មានចន្លោះពីជិត២០០០នាក់ ទៅដល់ជាង ២០០០នាក់ ហើយសម្រាប់ឆ្នាំ២០២២ អត្រាអ្នកស្លាប់ដោយសារធ្វើការងារច្រើនម៉ោងទាំងនោះមានចំនួនខ្ពស់ខ្លាំងរហូតទៅដល់ ២៩៦៨នាក់។

ទោះបីជាយ៉ាងណាក្តី ពលរដ្ឋជប៉ុន គឺជាជាតិសាសន៍មួយដែលមានទម្លាប់ធ្វើការច្រើនម៉ោងហួសហេតុ ហើយមកទល់បច្ចុប្បន្នក៏នៅតែមិនមានអ្វីអាចផ្លាស់ប្តូរវប្បធម៍នេះបាននៅឡើយទាំងដែលរដ្ឋាភិបាលជប៉ុនបានខិតខំរកវិធីសាស្ត្រ និងចេញវិធានការទប់ស្កាត់ជាច្រើនកន្លងមកក្តី។

ថ្វីត្បិតតែជាទិន្ន័យស្រាវជ្រាវចាស់តាំងតែពីឆ្នាំ២០១៨ និងត្រូវបានផលិតជាវិដេអូឯកសារដោយ CNBC ប៉ុន្តែគេជឿជាក់ថា ជនជាតិជប៉ុននៅតែជាប់ឈ្មោះជាពលរដ្ឋដែលចូលចិត្តធ្វើការច្រើនម៉ោងជាងគេបំផុតក្នុងចំណោមជនជាតិណាៗទាំងអស់លើពិភពលោក ហើយប្រមាណជា ១ ភាគ ៤ នៃក្រុមហ៊ុនទាំងអស់នៅជប៉ុនមានបុគ្គលិកធ្វើការបន្ថែមម៉ោងលើសពី៨០ម៉ោងជារៀងរាល់ខែក្នុងមនុស្សម្នាក់ៗ។

ពួកគេធ្វើការលើសម៉ោងក្តី ប៉ុន្តែជាវប្បធម៍នៃទម្លាប់ការងារក្រុមហ៊ុនរបស់គេមិនបានផ្តល់ប្រាក់កម្រៃបន្ថែមនោះទេ ដោយបានត្រឹមឲ្យងារបុគ្គលិកទាំងនោះគឺជាបុគ្គលិកគំរូ ឬ salaryman ប៉ុណ្ណោះ ដែលមានន័យថា ជាបុគ្គលិកស្មោះស្ម័គ្រនឹងកន្លែងការងារបំផុត ហើយពួកគេភាគច្រើនគឺនិយមធ្វើការងារនៅក្រុមហ៊ុនណាមួយហើយគឺធ្វើរហូតទាល់តែចូលនិវត្តតែម្តង។

មានកត្តាជាច្រើនដែល CNBC រកឃើញថា មូលហេតុដែលពលរដ្ឋជប៉ុនចូលចិត្តធ្វើការងារច្រើនម៉ោងត្រូវបានចាប់ផ្តើមដំបូងតាំងពីពេលដែលសេដ្ឋកិច្ចជប៉ុនបានផ្លាស់ប្តូរយ៉ាងអស្ចារ្យអំឡុងទសវត្សរ៍ឆ្នាំ១៩៥០ ដែលគ្រានោះការខិតខំដ៏ឥតឈប់ឈររបស់ពលរដ្ឋជប៉ុន និងរដ្ឋាភិបាលជប៉ុនបាននាំឲ្យប្រទេសទទួលបានកំណើនសេដ្ឋកិច្ចដ៏មហិមាទៅជាមហាអំណាចសេដ្ឋកិច្ចធំបំផុតទី២របស់ពិភពលោក។

ការស្រាវជ្រាវរកឃើញដែរថា ពលរដ្ឋជប៉ុនមានអារម្មណ៍ថាមិនស្មោះត្រង់នឹងកន្លែងការងារប្រសិនបើពួកគេប្រើប្រាស់ Paid Leave ដែលមានចំនួនសរុប២០ថ្ងៃក្នុងមួយឆ្នាំនោះឲ្យអស់ដែលជាមធ្យមពលរដ្ឋជប៉ុនប្រើប្រាស់ Paid Leave អស់មិនដល់ថ្ងៃ១០ថ្ងៃឡើយក្នុងមួយឆ្នាំ។ ប៉ុន្តែយ៉ាងណាក្តី ការធ្វើការងារច្រើនម៉ោងមិនបញ្ជាក់ថាទទួលបានផលិតកម្មខ្ពស់នោះដែរ ពីព្រោះថារបាយការណ៍នេះរកឃើញថា ផលិតកម្មរបស់ជប៉ុននៅទាបជាងគេបំផុតក្នុងចំណោមបណ្តាប្រទេសសេដ្ឋកិច្ចកំពូលទាំង៧ ក្នុងប្លុក G7នៅឡើយ។

កន្លងមករដ្ឋាភិបាលជប៉ុនបានធ្វើការងារ និងចាត់វិធានការជាច្រើនដើម្បីធ្វើយ៉ាងណាអាចអាចផ្លាស់ប្តូរទម្លាប់ធ្វើការងារហួសហេតុពេករបស់ពលរដ្ឋខ្លួន ប៉ុន្តែវាមិនសូវទទួលបានជោគជ័យនោះទេ។ ការអនុវត្តវិធានការទប់ស្កាត់ដែលចាប់រាប់តាំងពីការបិទភ្លើងអគ្គិសនីនៅតាមបណ្តាក្រុមហ៊ុននៅត្រឹមម៉ោង១០យប់ដើម្បីបង្ខំឲ្យពួកគេត្រូវចាកចេញពីកន្លែងការងារ ការកាត់បន្ថយម៉ោងការងារដូចជាកាតព្វកិច្ចរបស់ពលរដ្ឋជប៉ុនដែលចាំបាច់ត្រូវតែឈប់សម្រាកលំហែយ៉ាងហោចណាស់៥ថ្ងៃក្នុងមួយឆ្នាំ ការបង្កើនចំនួនថ្ងៃបុណ្យជាតិ ក៏ដូចជាការចាកចេញពីការងារនៅត្រឹមម៉ោង៣រសៀលជារៀងរាល់ថ្ងៃសុក្រនៅចុងខែ ឬហៅថា Premium Friday ជាដើម។ កិច្ចខិតខំរបស់រដ្ឋាភិបាលជប៉ុនទទួលបានសញ្ញាវិជ្ជមាននៅក្នុងរយៈពេលខ្លីដំបូងប៉ុណ្ណោះ ប៉ុន្តែក្រោយមកពលរដ្ឋទាំងនោះនៅតែរក្សាទម្លាប់នៃការធ្វើការងារជ្រុលហួសហេតុទាំងនេះដដែល។

កាលពីឆ្នាំ២០១១ ជប៉ុនបានធ្លាក់ចេញពីមហាអំណាចសេដ្ឋកិច្ចទី២ និងបន្តវេនដោយប្រទេសចិន ដោយសារតែកំណើនសេដ្ឋកិច្ចយឺតយ៉ាវ ជាពិសេសកង្វះខាតធនធានមនុស្សក្នុងប្រទេស ដូច្នេះហើយមួយជ្រុងទៀតត្រូវបានគេមើលឃើញថាប្រសិនបើពលរដ្ឋជប៉ុនផ្លាស់ប្តូរទម្លាប់ការងារវាអាចនឹងធ្វើឲ្យកាន់តែប៉ះពាល់ដល់សេដ្ឋកិច្ចជាតិបន្ថែមទៀត ពីព្រោះថាពលរដ្ឋជប៉ុនក្នុងវ័យធ្វើការងារកំពុងមានការធ្លាក់ចុះខ្លាំងជាច្រើនទសវត្សរ៍ចុងក្រោយនេះ ហើយនឹងបន្តធ្លាក់ចុះដល់ទៅ២ដងក្នុងឆ្នាំ២០៦៥ ធៀបទៅនឹងឆ្នាំ២០១៧។

យ៉ាងណាក៏ដោយ ជប៉ុនមានជម្រើស២ក្នុងការថែរក្សាកំណើនសេដ្ឋកិច្ចឲ្យបានខ្លាំងក្នុងនាមជាមហាអំណាចមួយរបស់ពិភពលោក គឺការទាក់ទាញយកកម្លាំងពលកម្មពីក្រៅប្រទេសដែលជប៉ុនកន្លងមកមិនសូវជាអនុវត្តខ្លាំងក្លានោះឡើយ ហើយនឹងជម្រើសមួយទៀតគឺប្រើប្រាស់បច្ចេកវិទ្យារ៉ូបូតជំនួសឲ្យកម្លាំងមនុស្សឲ្យបានកាន់តែច្រើនឡើងតាមដែលអាចធ្វើទៅបាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។