សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បើទោះបីមិនមែនជាសមាជិករបស់សហភាពអឺរ៉ុបក្តី ប៉ុន្តែប្រទេសស្វីសបានសម្រេចចិត្តក្នុងការបោះបង់ចោលកេរ្ត៍ឈ្មោះរបស់ខ្លួនក្នុងនាមជាប្រទេសអព្យាក្រឹតភាពដែលប្រកាន់ខ្ជាប់ជាយូរមកហើយតាមរយៈការជ្រើសយកវិធីសាស្ត្រក្នុងការដាក់ទណ្ឌកម្មប្រឆាំងនឹងរុស្ស៊ី និងបង្កបញ្ហាហិរញ្ញវត្ថុដល់ក្រុមមហាសេដ្ឋី និងអ្នកមានទ្រព្យជនជាតិរុស្ស៊ី។
កាលពីឆ្នាំទៅស្វីសបានចូលរួមជាមួយអឺរ៉ុបក្នុងការអនុវត្តការដាក់ទណ្ឌកម្មប្រឆាំងនឹងបុគ្គល ក្រុមហ៊ុន និងអង្គការរបស់រុស្ស៊ីតាមរយៈការបង្កកទ្រព្យសម្បត្តិយ៉ាងច្រើនដែលជាផ្នែកមួយដែលអឺរ៉ុបហៅថាជាកិច្ចខិតខំប្រឹងប្រឹងក្នុងការសងសឹកចំពោះប្រតិបត្តិការយោធារបស់រដ្ឋាភិបាលទីក្រុងមូស្គូនៅក្នុងប្រទេសអ៊ុយក្រែន។
គួរឲ្យព្រួយបារម្ភចំពោះបញ្ហានេះដោយសារតែការស្រាវជ្រាវមួយដែលធ្វើឡើងដោយ The Swissinfo បានបង្ហាញ ហើយជាលទ្ធផលនៃទណ្ឌកម្មដែលស្វីសបានប្រើប្រាស់គឺបានបង្ខំឲ្យមានការចាកចេញយ៉ាងច្រើននៃទ្រព្យសម្បត្តិរបស់ជនជាតិរុស្ស៊ី។ តួលេខអះអាងថាទ្រព្យសម្បត្តិដែលមានទំហំទៅដល់១០០ពាន់លានដុល្លាររនៃក្រុមបុគ្គល អង្គការ និងក្រុមហ៊ុនជាច្រើនទៀតរបស់រុស្ស៊ីបានហូរចូលទៅសហភាពអារ៉ាប់រួម UAE ជំនួសវិញកាលពីឆ្នាំ២០២២ ហើយត្រូវបានកត់សម្គាល់ថាជាកំណើនប្រចាំឆ្នាំដ៏លឿនបំផុតមួយរបស់ប្រទេសអារ៉ាប់នេះ។
របាយការណ៍ស្រាវជ្រាវនេះបានចង្អុលបង្ហាញថា ទោះបីជាយ៉ាងណាក្តី ធនាគារឯកជនជាច្រើនរបស់ប្រទេសស្វីសមិនមានការព្រួយបារម្ភខ្លាំងនោះទេ ពីព្រោះជឿជាក់ថានិន្នាការបែបនេះនឹងមិនអាចរីករាលដាលដល់អតិថិជនមកពីប្រទេសផ្សេងៗឡើយ។
Swissinfo បានសរសេរទៀតថា គន្លឹះគឺដើម្បីបញ្ចុះបញ្ចូលពួកឥស្សរជន និងក្រុមអ្នកមានទ្រព្យសម្បត្តិថា ការដាក់ទណ្ឌកម្មប្រឆាំងនឹងរុស្ស៊ីមិនធ្វើឱ្យខូចអព្យាក្រឹតភាពរបស់ប្រទេសស្វីស នោះគឺជាភាពខ្លាំងនៃក្រុមធនាគាររបស់ស្វីស ជាពិសេសក្រុមអតិថិជនដែលជាអ្នកមានទ្រព្បសម្បត្តិហូរហៀរដែលកំពុងរស់នៅក្នុងប្រទេសដែលមិនសូវមានស្ថិរភាពនយោបាយ។
ក្នុងនោះលោក Gregoire Bordier ប្រធានសមាគមធនាគារឯកជនរបស់ប្រទេសស្វីស ឬ the Association of Swiss Private Banks បានពន្យល់ប្រាប់អ្នកយកព័ត៌មានថា ៖ អតិថិជនទាំងឡាយនៅតែជឿជាក់ថា ប្រទេសស្វីស គឺជាប្រទេសអព្យាក្រឹត្យ ដែលអនុវត្តតាមច្បាប់ជាមូលដ្ឋាននៃអព្យាក្រឹតភាព ។
លោកបន្តថា ៖ អតិថិជនរបស់ស្វីសនឹងមិនចោទសួរលំអិត ឬសួរនាំថា ហេតុអ្វីបានជាការដាក់ទណ្ឌកម្មសំដៅលើក្រុមមនុស្សមួយចំនួននោះកើតឡើងដោយរបៀបណាចំពោះអ្នកណា ឬនៅទីណានោះឡើយ៕
Account
Security
Favourite Content