សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា ឥណ្ឌូនេស៊ី អាចនឹងឈានដល់កិច្ចព្រមព្រៀងពាណិជ្ជកម្មជាមួយនឹងអាម៉េរិក បន្ទាប់ពី Donald Trump យល់ព្រមកាត់បន្ថយពន្ធលើការនាំចូលពី ៣២% មកត្រឹម ១៩% ។
នៅថ្ងៃអង្គារ៍សប្ដាហ៍នេះ លោក Trump បានលើកឡើងថា លោកនឹងកាត់បន្ថយអត្រាពន្ធលើការនាំចូលពីឥណ្ឌូនេស៊ី ពី ៣២% មកត្រឹម ១៩% បន្ទាប់ពីសន្ទនាតាមទូរស័ព្ទជាមួយប្រធានាធិបតី Prabowo Subianto។ ឥណ្ឌូនេស៊ីបានយល់ព្រមកាត់បន្ថយពន្ធលើផលិតផលនាំចូលពីអាម៉េរិក ដែលជាផ្នែកមួយនៃកិច្ចព្រមព្រៀងនេះ ។ Trump បានលើកឡើងថា ពន្ធលើការនាំចូលទំនិញពីឥណ្ឌូនេស៊ីត្រូវបានបន្ទាបមកត្រឹម ១៩% ប៉ុន្តែការនាំចូលរបស់អាម៉េរិកមកក្នុងឥណ្ឌូនេស៊ីនឹងមិនជាប់ពន្ធអ្វីទាំងអស់ ហើយអាម៉េរិកនឹងមានសិទ្ធិចូលពេញលេញទៅកាន់ទីផ្សារឥណ្ឌូនេស៊ី។ លើសពីនេះ ឥណ្ឌូនេស៊ីក៏បានយល់ព្រមទិញថាមពលអាម៉េរិកតម្លៃ ១៥ ពាន់លានដុល្លារ, ផលិតផលកសិកម្មអាម៉េរិកតម្លៃ ៤,៥ ពាន់លានដុល្លារ, និងយន្តហោះ Boeing ៥០ គ្រឿង។ ឥណ្ឌូនេស៊ី មិនទាន់បញ្ជាក់ពីលក្ខខណ្ឌនៃកិច្ចព្រមព្រៀងនេះទេ ប៉ុន្តែពួកគេនឹងចេញផ្សាយសេចក្តីថ្លែងការណ៍មួយអំពីកិច្ចព្រមព្រៀងជាមួយអាម៉េរិកក្នុងពេលឆាប់ៗនេះ។ គួរឲ្យបញ្ជាក់ដែរថា ឥណ្ឌូណេស៊ី ជាប់ចំណាត់ថ្នាក់ជាដៃគូពាណិជ្ជកម្មមួយក្នុងចំណោមដៃគូពាណិជ្ជកម្មកំពូលទាំង ២៥ របស់អាមេរិក ដែលនាំចេញទំនិញទៅមហាអំណាចមួយនេះប្រមាណជា ២៨ ពាន់លានដុល្លារទៅកាលពីឆ្នាំ ២០២៤។
លោក Stephen Marks សាស្ត្រាចារ្យផ្នែកសេដ្ឋកិច្ចនៅមហាវិទ្យាល័យ បានលើកឡើងថា អត្ថប្រយោជន៍នៃកិច្ចព្រមព្រៀងសម្រាប់ឥណ្ឌូនេស៊ីគឺមានលក្ខណៈជានយោបាយច្រើនជាងសេដ្ឋកិច្ច ខណៈដែលអាម៉េរិកត្រូវការទំនិញសំខាន់ៗមួយចំនួនពីឥណ្ឌូណេស៊ី ដូចជា គ្រឿងអេឡិចត្រូនិក សម្លៀកបំពាក់ ស្បែកជើង ផលិតផលប្រេងដូង ដែលត្រូវបានប្រើក្នុងគ្រឿងសម្អាង។
បន្ទាប់ពីបានផ្អាកផែនការយកពន្ធឆ្លើយតបឲ្យមានភាពស្មើរគ្នាក្នុងរយៈពេល ៩០ ថ្ងៃមក Trump បន្តការគំរាមកំហែងការដំឡើងពន្ធរបស់គាត់ម្តងទៀតក្នុងខែនេះ ដោយផ្ញើសារលិខិតព្រមានទៅកាន់ប្រទេសជាច្រើន ដើម្បីផ្តល់ដំណឹងពីការដំឡើងពន្ធចូលជាធរមានចាប់ថ្ងៃទី ១ ខែសីហា។ កាលពីសប្តាហ៍មុន ឥណ្ឌូណេស៊ីទទួលបានលិខិតមួយច្បាប់ពី Trump ជាមួយនឹងការគំរាមដាក់ពន្ធ ៣២% លើទំនិញរបស់ខ្លួនដែលនាំចេញទៅអាម៉េរិក។ មិនត្រឹមតែប៉ុណ្ណោះ ដៃគូពាណិជ្ជកម្មធំៗរបស់អាម៉េរិក រួមមាន សហភាពអឺរ៉ុប កាណាដា ម៉ិកស៊ិក ជប៉ុន និងកូរ៉េខាងត្បូងស្ថិតនៅក្នុងបញ្ជីដំឡើងពន្ធរបស់ Trump ផងដែរ៕
Account
Security
Favourite Content