សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភព័ត៌មានពី BBC បានរាយការណ៍ថា សហរដ្ឋអាម៉េរិកនឹងប្រកាសដាក់ពន្ធនាំចូល ២៥ ភាគរយលើដែក និងអាលុយមីញ៉ូមទាំងអស់ដែលចូលមកក្នុងសហរដ្ឋអាមេរិក។
ថ្មីៗនេះ ប្រធានាធិបតីសហរដ្ឋអាម៉េរិក លោក Donald Trump នឹងប្រកាសពន្ធនាំចូល ២៥ ភាគរយលើដែក និងអាលុយមីញ៉ូមទាំងអស់ដែលនាំចូលមកក្នុងសហរដ្ឋអាមេរិកនៅថ្ងៃដើមសប្ដាហ៍នេះ។ អ្នកវិភាគបានព្យាករណ៍ថា តាមរយៈវិធានការនេះនឹងមានផលប៉ះពាល់ខ្លាំងបំផុតដល់កាណាដា។ កាណាដា និងម៉ិកស៊ិក គឺជាដៃគូពាណិជ្ជកម្មដែកថែបដ៏ធំបំផុតរបស់សហរដ្ឋអាមេរិក ហើយកាណាដាគឺជាអ្នកផ្គត់ផ្គង់លោហៈអាលុយមីញ៉ូមដ៏ធំបំផុតទៅកាន់សហរដ្ឋអាមេរិក។ ជាការឆ្លើយតប លោក Doug Ford ចៅហ្វាយខេត្ត Ontario ប្រទេសកាណាដាបានចោទប្រកាន់ Trump ពីការផ្លាស់ប្តូរបង្គោលគោលដៅ និងភាពវឹកវរឥតឈប់ឈរ ដែលធ្វើឱ្យសេដ្ឋកិច្ចរបស់កាណាដាប្រឈមនឹងហានិភ័យ។ ទន្ទឹមនឹងនេះ ផលិតកម្មដែករបស់កាណាដាភាគច្រើនប្រមូលផ្តុំនៅខេត្ត Ontario ។
ក្នុងអំឡុងពេលអាណត្តិដំបូងរបស់ Trump គាត់បានដាក់ពន្ធ ២៥ ភាគរយលើការនាំចូលដែកថែប និង ១០ ភាគរយលើការនាំចូលអាលុយមីញ៉ូមពីកាណាដា ម៉ិកស៊ិក និងសហភាពអឺរ៉ុប។ ក្រោយមក សហរដ្ឋអាម៉េរិកបានឈានដល់កិច្ចព្រមព្រៀងជាមួយកាណាដា និងម៉ិកស៊ិក ដើម្បីបញ្ចប់ពន្ធគយទាំងនោះ។
មិនត្រឹមតែប៉ុណ្ណោះ ការផ្តល់ដំណឹងរបស់ Trump ក៏បណ្តាលឱ្យភាគហ៊ុនដែកថែប និងក្រុមហ៊ុនផលិតរថយន្តធំៗរបស់កូរ៉េខាងត្បូងធ្លាក់ចុះផងដែរ។ កូរ៉េខាងត្បូងជាប្រទេសនាំចេញដែកថែបដ៏សំខាន់មួយទៅកាន់អាមេរិក។ ភាគហ៊ុនរបស់ក្រុមហ៊ុនដែកថែប POSCO បានធ្លាក់ចុះ ៣,៦ ភាគរយ ខណៈដែលក្រុមហ៊ុន Hyundai Steel ធ្លាក់ចុះ ២,៩ ភាគរយ ហើយក្រុមហ៊ុនផលិតរថយន្ត Kia Corp ធ្លាក់ចុះ ៣,៦ ភាគរយផងដែរ។
សកម្មភាពរបស់ Trump បានបង្ហាញពីជំហានដ៏សំខាន់ឆ្ពោះទៅមុខនៅក្នុងគោលនយោបាយពាណិជ្ជកម្ម ហើយពន្ធគយគឺជាផ្នែកកណ្តាលនៃចក្ខុវិស័យសេដ្ឋកិច្ច ខណៈដែលលោកបានមើលឃើញថា វាជាមធ្យោបាយនៃភាពរីកលូតលាស់នៃសេដ្ឋកិច្ចសហរដ្ឋអាមេរិក ជាកិច្ចការពារលើវិស័យការងារ និងការបង្កើនប្រាក់ចំណូលពន្ធ។ ទន្ទឹមនឹងនេះ Trump នឹងមានសេចក្តីប្រកាសមួយទៀតនៅក្នុងសប្តាហ៍ក្រោយនេះផងដែរ អំពីការដំឡើងពន្ធទៅវិញទៅមកលើប្រទេសទាំងអស់ ដែលយកពន្ធនាំចូលពីសហរដ្ឋអាមេរិក ប៉ុន្តែគាត់មិនបានបញ្ជាក់អំពីគោលដៅប្រទេសណាមួយ ឬ ការលើកលែងជាប្រទេសណាមួយនោះទេ។
កាលពីដើមខែកុម្ភៈនេះ Trump បានគំរាមយកពន្ធនាំចូល ២៥ ភាគរយលើផលិតផលកាណាដា និងម៉ិកស៊ិក និងពន្ធ ១០ ភាគរយលើទំនិញចិនទាំងអស់ដែលចូលមកក្នុងសហរដ្ឋអាមេរិក។ ក្រោយមក Trump បានពន្យារពេលផែនការយកពន្ធពីកាណាដា និងម៉ិកស៊ិករយៈពេល ៣០ ថ្ងៃរហូតដល់ដើមខែមីនា ក្រោយពីបានពិភាក្សាជាមួយនឹងមេដឹកនាំនៃប្រទេសទាំងពីរ។ យ៉ាងណាមិញ ទីក្រុងប៉េកាំងក៏បានឆ្លើយតបទៅអាម៉េរិកវិញជាមួយនឹងការកំណត់ពន្ធផ្ទាល់របស់ខ្លួនផងដែរ៕
Account
Security
Favourite Content