ភ្នំពេញ ៖ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា វិស័យកសិកម្មនៅមានបញ្ហាស្មុគស្មាញច្រើន ដែលចាំបាច់ត្រូវមានការដោះស្រាយឱ្យបានល្អ ហើយឥឡូវនេះក្រសួងកំពុងដោះស្រាយបញ្ហាជាបន្តបន្ទាប់ និងត្រូវបន្តដោះស្រាយដោយប្រើពេលវេលាយូរ។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងបែបនេះនៅក្នុងកម្មវិធីកិច្ចសំណេះសំណាលជាមួយអ្នកសារព័ត៌មានស្តីពី «វិស័យកសិកម្មនៅកម្ពុជា» កាលពីរសៀលថ្ងៃទី០៦ ខែធ្នូ ឆ្នាំ២០២២ ដោយឯកឧត្តមបានគូសបញ្ជាក់ថា ដោយសារតែមានការវិវត្តន៍ថ្មី និងភាពរីកចម្រើនរបស់វិស័យកសិកម្ម ទើបបញ្ហាមួយចំនួនបានកើតមានឡើងនៅក្នុងវិស័យមួយនេះ។
ឯកឧត្តមបានថ្លែងថា ៖
“ពីមុនយើងនៅខ្វះសព្វគ្រប់ មិនមានអ្វីហូបគ្រប់គ្រាន់ តែបច្ចុប្បន្ននៅក្នុងបណ្ដាញសង្គមគេនិយាយថាទីផ្សារកសិផលលក់មិនបានថ្លៃ កង្វះទីផ្សារ ទីផ្សារមានន័យថាម៉េច? ប្រជាពលរដ្ឋតែងនិយាយថា ផលិតផលកសិកម្ម ដែលគាត់ផលិតបានតែងតែលក់មិនបានថ្លៃ ខ្វះទីផ្សារ តែខ្ញុំឃើញថា ទីផ្សារយើងមិនខ្វះទេ ប្រជាជនមានលទ្ធភាពទិញបានរបស់ច្រើនណាស់ ហើយមិនមែនមានន័យថាប្រជាជនមិនមានអ្វីទិញនោះទេ។ ភាពច្រើនសម្បូរបែប ទើបធ្វើឱ្យតម្លៃមិនអាចបានថ្លៃ ដូចពេលដែលខ្វះ”
ឯកឧត្តម ឌិត ទីណា បានលើកឡើងបន្តថា ៖
“យើងត្រូវដឹងថា ពីមុនយើងធ្វើដើម្បីតែហូប និងសម្រាប់សន្តិសុខស្បៀងគ្រួសារ។ តែយើងបានកែប្រែពីធ្វើសម្រាប់តែហូប និងរក្សាសន្តិសុខស្បៀងគ្រួសារ មកជាការសម្រាប់លក់ និងធ្វើអាជីវកម្ម។ នេះជាបញ្ហាថ្មីដែលកើតឡើង ដូច្នេះការលេចឡើងនូវបញ្ហាថ្មីនេះមិនមែនតែកសិកម្មនោះទេ ពោលគឺឱ្យតែយើងធ្វើអាជីវកម្មគឺតែងតែមានហានិភ័យ។ ដូច្នេះយើងត្រូវទទួលស្គាល់ទាំងអស់គ្នា ទាំងក្នុងលក្ខណៈសេដ្ឋកិច្ច ទាំងលក្ខណៈគ្រួសារ ទាំងការធ្វើអាជីវកម្ម មិនមែនការចិញ្ចឹមបែបលក្ខណៈគ្រួសារធ្វើឱ្យមានប្រាក់ចំណេញនោះទេ”
ជាមួយគ្នានេះ ឯកឧត្តមបានសង្កត់ធ្ងន់ផងដែរថា បើធ្វើកសិកម្ម ទាំងការចិញ្ចឹមសត្វ ទាំងការបង្កបង្កើនផលបែបអាជីវកម្មដើម្បីរកប្រាក់ចំណេញគឺជាការពិបាក ព្រោះមានការប្រកួតប្រជែងច្រើនដែលមិនដូចទីផ្សារកាលពីសម័យមុននោះទេ។ ដូច្នេះកសិករក៏ត្រូវចេះស្វែងរកវិធីសាស្រ្តផ្សេងៗដើម្បីអាចទទួលបានប្រាក់ចំណេញ។ បើសិនជាកសិករនៅតែបន្តធ្វើដដែលៗគ្មានការផ្លាស់ប្ដូរទម្លាប់ និងវិធីសាស្ត្រនោះទេ នោះលទ្ធផលដែលទទួលបានគឺប្រាកដជាលទ្ធផលដដែល។
ឧទាហរណ៍ ដូចជាបញ្ហាស្រូវ ដែលរដ្ឋាភិបាលកំពុងទប់បញ្ហាតម្លៃកុំឱ្យវាចុះថោកត្រឹមរោងម៉ាស៊ីនកិនស្រូវ ព្រោះការទិញប្រសិនបើជាប្រភេទស្រូវត្រូវស្តង់ដារ(ពូជសុទ្ធ ច្រូតកាត់ទាន់ពេល គុណភាពល្អ…។ល។) នោះខាងរោងម៉ាស៊ីនទិញក្នុងតម្លៃខ្ពស់ ប៉ុន្តែបើស្រូវគ្មានគុណភាព ខុសលក្ខខណ្ឌ នោះស្រូវមិនអាចលក់បានថ្លៃល្អទេ ។ នេះបើតាមការពន្យល់របស់ឯកឧត្តម ឌិត ទីណា ។ ឯកឧត្តមរដ្ឋមន្រ្តីបានបញ្ជាក់បន្ថែមថា បញ្ហាទាំងអស់នេះគឺត្រូវការនិយាយត្រង់ទៅត្រង់មក រាល់មតិរិះគន់ ប្រសិនជាការលើកឡើងទាំងនោះជារឿងត្រឹមត្រូវ លោកនឹងយកមកពិចារណា និងកោតសរសើរ ប៉ុន្តែប្រសិនបើការលើកឡើងគ្រាន់តែជាមតិគ្មានហេតុផលនោះនឹងមិនចាំបាច់មានការពន្យល់ទៅវិញឡើយ ព្រោះគ្មានតម្លៃ។ ម៉្យាងវិញទៀត ប្រសិនបើអ្នករិះគន់នោះមានជំនាញច្បាស់ ចេះធ្វើពិតប្រាកដ នឹងត្រូវបានអញ្ជើញហៅមកជួយ ដើម្បីធ្វើឱ្យចេញជាលទ្ធផលល្អតែម្តង៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ