សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គណៈកម្មាការសម្របសម្រួលលើការសិក្សាអភិវឌ្ឍន៍ សួនកសិ-ឧស្សាហកម្មនៅកម្ពុជា (គ.អ.ស) កាលពីថ្ងៃទី១៦ ខែកុម្ភៈ ឆ្នាំ២០២២កន្លងទៅនេះ បានបង្កើតនូវកិច្ចប្រជុំមួយផ្ដោតលើបច្ចុប្បន្នភាពនៃគម្រោងសិក្សាសមិទ្ធផលក្នុងការអភិវឌ្ឍសួនកសិ-ឧស្សាហកម្ម នៅកម្ពុជា។
បើតាមសភាពាណិជ្ជកម្មកម្ពុជាបានឲ្យដឹងថា កិច្ចប្រជុំនេះមានគោលបំណងក្នុងការបង្ហាញអំពីវឌ្ឍនភាពនៃការសិក្សា និងផែនការសកម្មភាពសំខាន់របស់គម្រោង ព្រមទាំងទទួលយកធាតុចូលពីបណ្ដាក្រសួង ស្ថាប័ន ដែលពាក់ព័ន្ធទៅលើការសិក្សា ដើម្បីអភិវឌ្ឍសួនកសិ-ឧស្សាហកម្មនៅកម្ពុជា។
ក្នុងន័យនេះផងដែរ លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានបង្ហាញការបកស្រាយថា គម្រោងមួយនេះគឺកំពុងស្ថិតក្នុងផែនការសិក្សាដោយមិនទាន់បានលេចចេញជារូបរាងនៅឡើយនោះទេ។ ប៉ុន្តែយ៉ាងណា លោកបានបញ្ចេញទស្សនៈទានបែបវិជ្ជមានដោយចង់ឲ្យមានការបង្កើតសួនកសិ-ឧស្សាហកម្មនេះនៅគ្រប់ខេត្ត ដោយលោកសង្ឃឹមថា វានឹងជួយបង្កើតទីផ្សារដ៏ធំមួយនៅក្នុងស្រុក ជាពិសេសគឺបង្កើតបាននូវការប្រមូលផ្ដុំនៃដង្ហើមសេដ្ឋកិច្ចមួយផ្នែក ដែលធ្លាប់តែមិនមានទីផ្សារច្បាស់លាស់។
លោកឧកញ៉ាបានពន្យល់ថា ៖
“គោលបំណងនៃការបង្កើតឲ្យមានតំបន់ពិសេសដែលហៅថា សួនកសិ-ឧស្សាហកម្ម គឺដើម្បីជួយដល់សហគមន៍កសិករអ្នកដាំដុះ ក៏ដូចជាប្រជាកសិករទាំងឡាយដែលមានផលិតផល ប៉ុន្តែមិនមានទីផ្សារក្នុងការលក់ ព្រមទាំងបណ្ដាសហគ្រាសឲ្យផលិតនូវទំនិញស្តង់ដារសម្រាប់ការនាំចេញ”
លើសពីនេះ លោកឧកញ៉ាក៏បានបន្ថែមដែរថា ៖
“ការបង្កើតបាននូវសួនកសិ-ឧស្សាហកម្មនេះជាតម្លៃបន្ថែមក្នុងការកែច្នៃផលិតផលសម្រេចដើម្បីនាំចេញបន្ត ! សល់ពីការនាំចេញស្រស់ យើងអាចកែច្នៃជាផលិតផលកញ្ចប់ក្រៀម ឬក៏ប្រភេទអាហារផ្សេងទៀតដែលអាចនាំចេញបានដូចគ្នា”
លើសពីនេះផងដែរ រាជរដ្ឋាភិបាលបានផ្ដល់ការគាំទ្រយ៉ាងពេញទំហឹង តួយ៉ាងការជួយតាមរយៈការសម្រេចអនុម័តច្បាប់វិនិយោគថ្មីនៅកម្ពុជា ដែលក្នុងនោះមាននូវលក្ខខ័ណ្ឌជួយសម្រួលដល់បណ្ដារោងចក្រសហគ្រាសក្នុងស្រុកសម្រាប់បង្កើនការផលិតដើម្បីផ្គត់ផ្គង់តម្រូវការក្នុងស្រុក ក៏ដូចជាដើម្បីនាំចេញទៅក្រៅប្រទេសដោយត្រឹមត្រូវស្របទៅតាមស្តង់ដារផងដែរ។ គួរបញ្ជាក់ថា កិច្ចប្រជុំនេះរៀបចំឡើងដោយឧត្តមក្រុមប្រឹក្សាសេដ្ឋកិច្ចជាតិ និងកម្មវិធីខ្សែសង្វាក់តម្លៃកសិកម្ម កម្ពុជា-អូស្ត្រាលី ហៅកាត់ថា CAVAC ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
មជ្ឈមណ្ឌលទិន្នន័យ និងសង្គ្រោះទិន្នន័យរួមនៃក្រសួងសេដ្ឋកិច្ច និងហិរញ្ញវត្ថុ ទទួលបានវិញ្ញាបនបត្រលើឯកសាររចនាបញ្ជាក់ស្តង់ដារមជ្ឈមណ្ឌលទិន្នន័យកម្រិត៤
FBI ព្រមានពលរដ្ឋអាម៉េរិកក្នុងការប្រើប្រាស់កម្មវិធីទូរស័ព្ទរបស់បរទេសរួមទាំង CapCut និង Lemon8
ព្រឹត្តិការណ៍, អាជីវកម្មថ្មី និងនវានុវត្ត
• 08/04/2026
ភ្នាក់ងារស៊ើបអង្កេតអាម៉េរិក ហៅកាត់ថា FBI បានព្រមានពលរដ្ឋរបស់ខ្លួនឲ្យមានការប្រុងប្រយ័ត្នខ្ពស់ចំពោះប្រភេទកម្មវិធីទូរស័ព្ទក្រៅប្រទេសដែលកំពុងពេញនិយមនាពេលបច្ចុប្បន្ន ដែលទំនងជាសំដៅទៅលើកម្មវិធី CapCut និង Lemon8 ជាដើម
ក្រុមហ៊ុនអុិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មី និងបង្ហាញពីផែនការឆ្ពោះទៅរកភាពរីកចម្រើន
ព្រឹត្តិការណ៍, អត្ថបទពាណិជ្ជកម្ម
• 08/04/2026
ក្រុមហ៊ុនអ៊ិចប្រេស៍ ហ្វូតហ្គ្រុប ខេមបូឌា (Express Food Group Cambodia) ប្រកាសផ្លាស់ប្តូរម្ចាស់កម្មសិទ្ធិអាជីវកម្មថ្មីនិងបង្ហាញពីផែនការឆ្ពោះទៅរកភាពរីកចម្រើននៅដំណាក់កាលបន្តបន្ទាប់នាពេលអនាគត។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content