សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ កំណើននៃចំនួនភ្ញៀវទេសចរក្នុងប្រទេសកម្ពុជាបានកើនឡើងលើសការរំពឹងទុក ដែលកាលពីដើមឆ្នាំ២០២២ ក្រសួងបានព្យាករណ៍ថាកម្ពុជាអាចមានទេសចរអន្តរជាតិ ១លាននាក់នៅដំណាច់ឆ្នាំ២០២២ ប៉ុន្តែជាក់ស្ដែងទើបតែរយៈពេល ៨ខែប៉ុណ្ណោះ កម្ពុជាអាចទទួលបានចំនួនភ្ញៀវទេសចរអន្តរជាតិប្រមាណ ១លាននាក់។ នេះបើតាមរបាយការណ៍បឋមរបស់ក្រសួងទេសចរណ៍។
យោងតាមរបាយការណ៍ រយៈពេល ៨ខែរបស់ក្រសួងទេសចរណ៍ គិតចាប់ពីខែមករា ដល់ខែសីហាឆ្នាំ២០២២នេះ កម្ពុជាមានទេសចរផ្ទៃក្នុងជាង៨លាននាក់ កើនឡើង ២៤៥ភាគរយ។ ខណៈដែលទេសចរអន្តរជាតិដែលចូលមកកម្ពុជាមានកំណើនរហូតដល់១លាននាក់ ដែលកើនឡើង ៥៨០ភាគរយ ធៀបនឹងរយៈពេលដូចគ្នាកាលពីឆ្នាំ២០២១។
ឯកឧត្តមតុប សុភ័ក រដ្ឋលេខាធិការក្រសួងទេសចរណ៍ បានឱ្យដឹងថា ៖
“ភ្ញៀវទេសចរអន្តរជាតិដែលចូលមកកម្ពុជាច្រើនជាងគេក្នុងរយៈពេល ៨ខែកន្លងមកនេះគឺជនជាតិថៃ វៀតណាម និងចិន ដែលចង់ផ្លាស់ប្ដូរបទពិសោធនៃដំណើរកម្សាន្ត ទោះប្រទេសទាំងនោះមានសក្តានុពលទេសចរណ៍ប្រហាក់ប្រហែលកម្ពុជាក៏ដោយ”
ឯកឧត្តម តុប សុភ័ក បានបញ្ជាក់បន្ថែមថា ៖
“មានតែភ្ញៀវទេសចរអន្តរជាតិ ដែលអ្នកជិតខាងទាំងនេះហើយ បានមកកម្ពុជាច្រើន ព្រោះងាយស្រួលធ្វើដំណើរ ចំណាយពេលវេលាតិច និងមិនចំណាយលុយកាក់ច្រើន។ កន្លែងខ្លះគេក៏ស្អាតជាងយើងទៀត ប៉ុន្តែនេះជាគោលនយោបាយទេសចរណ៍”
យោងតាមការព្យាករណ៍របស់ក្រសួងទេសចរណ៍ សម្រាប់ឆ្នាំ២០២២ កម្ពុជានឹងទទួលភ្ញៀវទេសចរសរុបប្រមាណ១០លាននាក់ ដោយក្នុងនោះទេសចរអន្តរជាតិមានពី៨០ម៉ឺនទៅ១លាននាក់ និងទេសចរផ្ទៃក្នុងមានចំនួន៩លាននាក់។ នេះបើយោងតាមសេចក្តីប្រកាសព័ត៌មានរបស់ក្រសួងទេសចរណ៍(កាលពីថ្ងៃទី១៨ ខែឧសភា) ដោយបញ្ជាក់ថា ភ្ញៀវទេសអន្តរជាតិអាទិភាពរបស់កម្ពុជា គឺមានជនជាតិវៀតណាម ថៃ ឥណ្ឌូនេស៊ី ម៉ាឡេស៊ី ហ្វីលីពីន ចិន កូរ៉េខាងត្បូង ជប៉ុន អាមេរិក បារាំង និងអង់គ្លេស។ ដូច្នេះ តាមរយៈកំណើនភ្ញៀវទេសចរអន្តរជាតិ រហូតដល់១លាននាក់ត្រឹមរយៈពេល ៨ខែនេះ ធ្វើឱ្យក្រសួងទេសចរណ៍មានក្ដីរំពឹងថា ទេសចរអន្តរជាតិនឹងអាចកើនដល់ ១លាន៥០ម៉ឺននាក់ ទៅ២លាននាក់ រហូតដល់ដំណាច់ឆ្នាំ២០២២។
លោក ហូ វណ្ណឌី ទីប្រឹក្សាសមាគមទីភ្នាក់ងារទេសចរណ៍កម្ពុជាបានប្រាប់ AMS ថា ភ្ញៀវទេសចរអន្តរជាតិដែលបានចូលមកកម្ពុជាតាមរយៈក្រុមហ៊ុនទេសចរណ៍ ឬជាលក្ខណៈជាគ្រួសារក្តី សុទ្ធតែបញ្ជាក់ថា ជាសញ្ញាណល្អនៃវិស័យទេសចរណ៍កម្ពុជាទាំងមូល។
លោក ហូ វណ្ណឌី បានមានប្រសាសន៍ថា ៖
“វិស័យទេសចរណ៍កម្ពុជាបានវិលត្រឡប់មកស្ថានភាពល្អជាបណ្តើរៗ បន្ទាប់ពីជំងឺរាតត្បាតកូវីដ-១៩បានថមថយឥទ្ធិពល ទោះបីជាប្រទេសមួយចំនួនមិនទាន់ស្រាកស្រាន្តក៏ដោយចុះ ក៏វិធានការត្រូវបានដាក់ចេញសម្រាប់ភ្ញៀវទេសចរ ដោយកម្ពុជាក៏បានបន្ធូរបន្ថយលក្ខខណ្ឌធ្វើចតា្តឡីស័កដើម្បីជួយសម្រួលដល់អ្នកដំណើរពីបរទេសដែលមិនបានចាក់វ៉ាក់សាំងកូវីដ-១៩ ដែលជាយុទ្ធសាស្ត្រស្រូបទាញកំណើនភ្ញៀវទេសចរបរទេស”
លោកបានបញ្ជាក់ថា ដោយសាររដូវនេះជារដូវបែតង ដែលមានភ្លៀងច្រើន មិនសូវសម្បូរភ្ញៀវនោះទេ ប៉ុន្តែក្នុងរយៈពេល ១-២ខែខាងមុខទៀត នឹងមានភ្ញៀវពីអឺរ៉ុបមកកំសាន្តច្រើន បន្ថែមពីលើជនជាតិថៃ វៀតណាម និងចិន រួមទាំងភ្ញៀវក្នុងបណ្តាប្រទេសអាស៊ានផងដែរ។ ជាមួយគ្នានេះ រាជរដ្ឋាភិបាលបានដាក់ចេញនូវត្រីវិស័យតម្រង់ទិសមួយចំនួន ដោយក្នុងនោះរួមមាន ការលើកស្ទួយវិស័យឯកជន មានយន្តការលើកទឹកចិត្ត ពិសេសលើផ្នែកពន្ធ និងអាជ្ញាបណ្ណអាជីវកម្ម ការជំរុញលើយន្តការបើកវិស័យទេសចរណ៍ក្នុងស្រុក និងអន្តរជាតិបានទូលំទូលាយ តាមរយៈការសម្រួលលក្ខខណ្ឌធ្វើដំណើរ និងពង្រឹងអភិបាលកិច្ចឡើងវិញ រួមនឹងការទប់ស្កាត់កូវីដបានត្រឹមត្រូវ ជាមួយនឹងកញ្ចប់ទេសចរណ៍ថ្មីៗដើម្បីជំរុញកំណើនទេសចរនៅកម្ពុជា៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកការទូតអាមេរិក ៖ វិនិយោគិនបច្ចុប្បន្នកំពុងវាយតម្លៃពីហានិភ័យខ្ពស់ខុសពីការពិតក្នុងករណីផ្ទុះសង្គ្រាមនៅកោះតៃវ៉ាន់
ព្រឹត្តិការណ៍, អាជីវកម្មថ្មី និងនវានុវត្ត
• 22/10/2026
បរទេស ៖ យោងតាមមន្ត្រីការទូតជាន់ខ្ពស់អាមេរិកម្នាក់បានឱ្យដឹងថា វិនិយោគិនបច្ចុប្បន្នកំពុងវាយតម្លៃពីការគំរាមកំហែងនៃលទ្ធភាពដែលអាចផ្ទុះឡើងនូវជម្លោះយោធានៅទល់មុខច្រកសមុទ្រតៃវ៉ាន់ក្នុងកម្រិតខ្ពស់ខុសពីការពិត ខណៈដែលទាំងទីក្រុងវ៉ាស៊ីនតោន និងប៉េកាំង សុទ្ធតែមិនចង់ឱ្យកើតមានជម្លោះដោយយោធានោះទេ។ ចេញផ្សាយដោយកាសែត RT បានបញ្ជាក់ថា លោក Michael DeSombre ជំនួយការរដ្ឋមន្ត្រីការបរទេសអាមេរិកទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក បានថ្លែងថា ទីផ្សារសកលលោកកំពុងវាយតម្លៃពីហានិភ័យនៃការផ្ទុះអាវុធលើបញ្ហាកោះតៃវ៉ាន់ហួសពីការពិត។ មហាអំណាចទាំងពីរមានសមត្ថភាពក្នុងការទប់ស្កាត់ជម្លោះ បើទោះបីជាកោះស្វយ័តមួយនេះនៅតែជាចំណុចក្ដៅគគុកនៃភាពតានតឹងក៏ដោយ។ ទីក្រុងប៉េកាំង
ប្រធានាធិបតី ស៊េប៊ី ចោទ អឺរ៉ុប ថា កំពុងអនុវត្តផែនការជ្រៀតជ្រែកលទ្ធផលបោះឆ្នោតនៅសភាជាតិរបស់ខ្លួន
ព្រឹត្តិការណ៍, អាជីវកម្មថ្មី និងនវានុវត្ត
• 21/10/2026
បរទេស ៖ ប្រធានាធិបតីស្តីទី ស៊ែប៊ី លោកស្រី Ana Brnabic បានចោទប្រកាន់ទៅលើក្រុមប្រតិភូសភារបស់អឺរ៉ុបថា កំពុងព្យាយាមជ្រៀតជ្រែកកិច្ចការផ្ទៃក្នុងរបស់ខ្លួន តាមរយៈការបញ្ជូនក្រុមសង្កេតការណ៍ដែលមាននិន្នាការនយោបាយនៅមុនពេលការបោះឆ្នោតសភាដែលជិតមកដល់នៅចុងសប្តាហ៍នេះ។ នៅក្នុងអត្ថបទដកស្រង់ចេញពីកាសែតរុស្សី RT បានឲ្យដឹងថា លិខិតមួយច្បាប់ដែលផ្ញើជូនប្រធានសភាអឺរ៉ុប គឺលោកស្រី Roberta Metsola លោកស្រីប្រធានាធិបតី Brnabic បានអះអាងថា
សិប្បកម្មកែច្នៃដូង ១៥ មូលដ្ឋាន ប្រើទុនជិត ៤៦ម៉ឺនដុល្លារ កំពុងដំណើរការ និងផ្គត់ផ្គង់ទីផ្សារក្នុងស្រុក
អាម៉េរិក-កាហ្សាក់ស្ថាន រួមគ្នាពង្រឹងសហប្រតិបត្តិការយុទ្ធសាស្ត្រ ពាណិជ្ជកម្ម សេដ្ឋកិច្ច និងការវិនិយោគថ្មីៗ
ព្រឹត្តិការណ៍, អាជីវកម្មថ្មី និងនវានុវត្ត
• 21/10/2026
ប្រទេសកាហ្សាក់ស្ថាន និងសហរដ្ឋអាម៉េរិក បានបញ្ជាក់ពីគោលបំណងរបស់ខ្លួនក្នុងការពង្រឹងភាពជាដៃគូយុទ្ធសាស្ត្រឲ្យកាន់តែរឹងមាំបន្ថែមទៀតនៅក្នុងជំនួបរវាងរដ្ឋមន្ត្រីការបរទេសនៃប្រទេសទាំងពីរ ជាពិសេសពាក់ព័ន្ធទៅនឹងការពង្រីកកិច្ចសហប្រតិបត្តិការពាណិជ្ជកម្ម សេដ្ឋកិច្ច ការវិនិយោគ និងការអនុវត្តគម្រោងរួមគ្នា។ ប្រទេសកាហ្សាក់ស្ថាននិងសហរដ្ឋអាមេរិក បានគូសបញ្ជាក់ពីផលប្រយោជន៍ទៅវិញទៅមក ក្នុងការបន្តអភិវឌ្ឍភាពជាដៃគូយុទ្ធសាស្ត្របន្ថែមទៀតរវាងប្រទេសទាំងពីរនាពេលខាងមុខ។ យោងតាមព័ត៌មានដែលបានចេញផ្សាយដោយគេហទំព័ររបស់កាសែត Novinata បានឱ្យដឹងថា រដ្ឋមន្ត្រីការបរទេសកាហ្សាក់ស្ថាន លោក Mukhtar Tleuberdi បានលើកឡើងពីទស្សនវិស័យក្នុងការរឹតចំណងទំនាក់ទំនងទ្វេភាគីរវាង កាហ្សាក់ស្ថាន និងសហរដ្ឋអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ក្រសួងទេសចរណ៍ដាក់ឱ្យអនុវត្តផែនការ ៥ ឆ្នាំ ប្រែក្លាយសៀមរាបជាគោលដៅបេតិកភណ្ឌឆ្លាតវៃ
កំពង់ចាមដាក់ចេញផែនការទេសចរណ៍ ២០២៦-២០៣០ ផ្តោតលើហេដ្ឋារចនាសម្ព័ន្ធនិងផលិតផលទេសចរណ៍ថ្មី
Account
Security
Favourite Content