សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងពាណិជ្ជកម្ម បានដាក់ឱ្យដំណើរការប្រព័ន្ធចុះបញ្ជីម៉ាកដោយមិនប្រើក្រដាស (Paperless) ទៀតទេ និងចាប់អនុវត្តពីថ្ងៃទី៣០ ខែកញ្ញា ឆ្នាំ២០២៥ នេះតទៅ។ ប្រព័ន្ធនេះនឹងគ្រប់គ្រងដំណើរការចុះបញ្ជីម៉ាកជាទម្រង់ឌីជីថល ហើយរាល់ឯកសារពាក់ព័ន្ធ និងការចុះបញ្ជីម៉ាកដែលផ្តល់ដោយក្រសួងពាណិជ្ជកម្មជូនដល់ម្ចាស់ម៉ាក ឬភ្នាក់ងារតំណាងស្របច្បាប់នៃម្ចាស់ម៉ាក គឺត្រូវធ្វើឡើងជាទម្រង់ឌីជីថលជំនួសវិញទាំងអស់។
តាមរយៈការជូនដំណឹងរបស់ក្រសួងពាណិជ្ជកម្មបានបញ្ជាក់ថា បច្ចុប្បន្ននេះ ក្រសួងពាណិជ្ជកម្ម បានដាក់ឱ្យដំណើរការប្រព័ន្ធចុះបញ្ជីម៉ាកដោយមិនប្រើក្រដាស (Paperless) សម្រាប់ភ្នាក់ងារតំណាងស្របច្បាប់នៃម្ចាស់ម៉ាក។ ការដាក់ចេញប្រព័ន្ធចុះបញ្ជីម៉ាក ជាទម្រង់ឌីជីថល ដើម្បីលើកកម្ពស់ការចុះបញ្ជីម៉ាកឱ្យមានប្រសិទ្ធភាព និងកាន់ងាយស្រួលសម្រាប់ការផ្តល់សេវាសាធារណៈ។ គួរបញ្ជាក់ដែរថា ម៉ាក (Trademark) គឺជាសញ្ញាដែលមើលឃើញ ហើយអាចសំគាល់លក្ខណ:ខុសគ្នានៃទំនិញ ឬសេវានៃសហគ្រាសនីមួយៗ។ ម៉ាកដែលប្រើប្រាស់សំរាប់ទំនិញហៅថាពាណិជ្ជសញ្ញា ហើយម៉ាកដែលប្រើប្រាស់សម្រាប់ សេវាហៅថា សេវាសញ្ញា។
សម្រាប់ដំណាក់កាល ឬជំហាននៃការចុះបញ្ជីអាជីវកម្មនៅកម្ពុជា ចំពោះសហគ្រិនដែលចង់ដំណើរការអាជីវកម្មស្របច្បាប់នៅកម្ពុជា រួមមានដូចជា ៖
១-ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ – ចុះបញ្ជីសម្រាប់ប្រតិបត្តិការរោងចក្រផលិត ឬកែច្នៃ។
២-ក្រសួងពាណិជ្ជកម្ម – ចុះបញ្ជីសម្រាប់ប្រតិបត្តិការពាណិជ្ជកម្ម។
៣-ក្រសួងសេដ្ឋកិច្ច និងហិរញ្ញវត្ថុ – ចុះបញ្ជីសម្រាប់គោលបំណងពន្ធដារ និងការនាំចេញ។
៤-ក្រសួងការងារ និងបណ្ដុះបណ្ដាលវិជ្ជាជីវៈ – ចុះបញ្ជីដើម្បីអនុលោមតាមច្បាប់ការងារកម្ពុជា។
ចំណែកក្រសួងផ្សេងទៀត អាស្រ័យលើលក្ខណៈនៃអាជីវកម្ម អាចតម្រូវឱ្យចុះបញ្ជីជាមួយក្រសួងនានា ដូចជា ក្រសួងកសិកម្ម រុក្ខាប្រមាញ់ និងនេសាទ ជាដើម ជាពិសេសសម្រាប់វត្ថុធាតុដើម ទំនិញកសិកម្ម និងវិញ្ញាបនបត្រនាំចេញ (ឧទាហរណ៍៖ ស្តង់ដារ SPS)។
សូមជ្រាបថា ការដាក់ចេញប្រព័ន្ធម៉ាកយីហោឌីជីថល គឺជាជំហានទៅមុខមួយទៀតនៅក្នុងការប្តេជ្ញាចិត្តរបស់កម្ពុជាចំពោះការផ្លាស់ប្តូរឌីជីថល និងកំណែទម្រង់ ដែលអំណោយផលដល់អាជីវកម្មនៅកម្ពុជាកាន់តែងាយស្រួល៕
Account
Security
Favourite Content