សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងថា ក្រោមការយកចិត្តទុកដាក់ពីសំណាក់រាជរដ្ឋាភិបាល តំបន់សេដ្ឋកិច្ចពិសេសភ្នំពេញបានរួមចំណែកធ្វើឲ្យអ្នកវិនិយោគធំៗទទួលបានជោគជ័យ ហើយបានពង្រីកទំហំវិនិយោគបន្ថែម ដូចជា ការសាងសង់រោងចក្របន្ថែមដែលផ្តល់ឱកាសការងារជូនប្រជាពលរដ្ឋ។
ឯកឧត្តម ឧបនាយករដ្ឋមន្ត្រី ស៊ុន ចាន់ថុល កាលពីពេលកន្លងទៅថ្មីៗនេះបានមានប្រសាសន៍ថា ផ្អែកលើវឌ្ឍនភាពវិជ្ជមានរបស់អ្នកវិនិយោគ បានធ្វើឲ្យទំហំពាណិជកម្មនាំចេញពីតំបន់សេដ្ឋកិច្ចពិសេសភ្នំពេញកើនឡើង និងត្រូវបានរំពឹងថាឆ្នាំ២០២៣ នឹងកើនលើសពីចំនួនជាង ១,៣ ពាន់លានដុល្លា បើធៀបនឹងឆ្នាំ២០២២។
ឯកឧត្តមបានបញ្ជាក់ថា ៖
«កត្តានាំឲ្យមានទំហំពាណិជ្ជកម្មនាំចេញកើនឡើង ដោយសារសង្វាក់ផលិតកម្មក្នុងរោងចក្រកាត់ដេរនៃតំបន់សេដ្ឋកិច្ចពិសេសភ្នំពេញមានភាពទំនើប ដែលប្រើប្រព័ន្ធស្វ័យប្រវត្តិលើមុខងារជាច្រើន មិនថាទាំងក្រុមហ៊ុនកាត់ដេរសំលៀកបំពាក់ និងក្រុមហ៊ុនផលិតគ្រឿងផ្គុំ និងគ្រឿងអេឡិកចត្រូនិក។ ចំណុចវិជ្ជមានដែលការទាក់ទាញអ្នកវិនិយោគបាន ផ្អែកកលើសុខសន្តិភាពស្ថិរភាពនយោបាយ ស្ថិរភាពម៉ាក្រូ និងស្ថិរភាពលើការចរាចរណ៍សាច់ប្រាក់ ហើយមួយវិញទៀត គឺច្បាប់ស្ដីពីការវិនិយោគ ស្ថិរភាពនយោបាយ បានបើកទូលំទូលាយមិនមានការរឹតត្បិត ឬហាមឃាត់អ្នកវិនិយោគចង់បណ្ដាក់ទុនលើវិស័យណាមួយនោះទេ»។
យោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃចុងសប្ដាហ៍កន្លងទៅនេះ តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ទទួលបានគោលការណ៍វិនិយោគពីរាជរដ្ឋាភិបាលកាលឆ្នាំ២០០៦ ដែលមានទីតាំងស្ថិតក្នុងសង្កាត់ កន្ទោក សង្កាត់ភ្លើងឆេះរទេះ សង្កាត់បឹងធំ ខណ្ឌកំបូល រាជធានីភ្នំពេញ អភិវឌ្ឍលើផ្ទៃដីទំហំ ៣៦០ ហិកតា។
នៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ មានគម្រោងវិនិយោគសរុបចំនួន ១៣៩ គម្រោង ដែលមានមុខសញ្ញាវិនិយោគសំខាន់ៗដូចជា ការផលិតសម្ភារៈបរិក្ខារអេឡិចត្រូនិក, គ្រឿងបង្គុំរថយន្ត ខ្សែ អគ្គិសនី, បន្ទះសូឡា, បរិក្ខារពេទ្យ, កែច្នៃពេជ្រ, បរិក្ខារសាងសង់, គ្រឿងសំអាង, ចំណីអាហារ និងភេសជ្ជៈ, ចំណីសត្វ, ផលិតផលស្បែក, សម្លៀកបំពាក់ និងស្បែកជើង ខណៈដែលបច្ចុប្បន្ន តំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ បានផ្តល់ការងារជូនដល់កម្មករនិយោជិត ប្រមាណ ៣៨ ៥០០ កន្លែង។ អត្ថបទដោយ ៖ ញ៉ែម សុផល
Account
Security
Favourite Content