សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារអភិវឌ្ឍន៍អាស៊ីគឺជាដៃគូអភិវឌ្ឍន៍ដ៏សំខាន់របស់កម្ពុជា ហើយធនាគារនេះបានផ្ដល់ទាំងជំនួយនិងកម្ចីជាច្រើនដល់កម្ពុជាសម្រាប់ឱ្យកម្ពុជាយកទៅអភិវឌ្ឍគម្រោងនានាដែលចាំបាច់ ។ គិតត្រឹមពាក់ចុងត្រីមាសទី៣ឆ្នាំ ២០២៣នេះ ធនាគារអភិវឌ្ឍន៍អាស៊ីបានវិនិយោគលើគម្រោងនានារបស់ខ្លួននៅកម្ពុជាមានទឹកប្រាក់ប្រមាន២,៤ពាន់លានដុល្លារអាមេរិក ។នេះបើតាមរបាយការណ៍របស់ធនាគារអភិវឌ្ឍន៍អាស៊ីចេញផ្សាយពេលថ្មីៗនេះ ។
របាយការណ៍របស់ធនាគារអភិវឌ្ឍន៍អាស៊ីបានបង្ហាញផងដែរថាចាប់តាំងពីឆ្នាំ២០១៦ដល់ឆ្នាំ ២០២២ ខ្លួនបានផ្ដល់កម្ចីដល់កម្ពុជា ជាមធ្យមមានទឹកប្រាក់៣៥០លានដុល្លារអាមេរិកក្នុងមួយឆ្នាំ ហើយក៏ខ្លួនក៏កំពុងរៀបចំ យុទ្ធសាស្ត្រភាពជាដៃគូប្រចាំប្រទេសរ្មីរបស់ខ្លួនសម្រាប់ប្រទេសកម្ពុជា ពីឆ្នាំ២០២៤ដល់ឆ្នាំ២០២៨ ។
គម្រោងវិនិយោគរបស់ធនាគារអភិវឌ្ឍន៍អាស៊ីនៅកម្ពុជា ឬអាចហៅម្យ៉ាងទៀតថា គម្រោងដែលកម្ពុជាទទួលប្រាក់កម្ចីពីធនាគារអភិវឌ្ឍន៍ដើម្បីអភិវឌ្ឍន៍ប្រទេសរួមមានគម្រោងថាមពលអគ្គិសនី ដើម្បីឱ្យកម្ពុជាមានថាមពល អគ្គិសនីប្រើប្រាស់គ្រប់គ្រាន់និងមានតម្លៃទាបជាងមុន គម្រោងអភិវឌ្ឍន៍ហេដ្ឋារចនាសម្ព័ន្ធ ទាំងនៅទីក្រុង និងតាមជនបទជាច្រើនទៀត និងគម្រោងអភិវឌ្ឍន៍វិស័យទឹកស្អាតជាដើម ។
យោងតាមរបាយការណ៍របស់ក្រសួងសេដ្ឋកិច្ចនិងហិរញ្ញវត្ថុ បានបង្ហាញគិតត្រឹមពាក់កណ្ដាលឆ្នាំ២០២៣នេះ កម្ពុជាបានជំពាក់បំណុលសាធារណទាំងក្នុងនិងក្រៅប្រទេសមានចំនួនជាង១០,៧ពាន់លានដុល្លារអាមេរិកប៉ុន្តែ ស្ថានភាពបំណុលសាធារណៈបច្ចុប្បន្នរបស់កម្ពុជា នៅតែត្រូវបានវាយតម្លៃថា ស្ថិតនៅក្នុងភាពអាចគ្រប់គ្រងបាន ពោលគឺនៅតែមាន ចីរភាព និង ហានិភ័យទាប ដដែល បើទោះបីជាសេដ្ឋកិច្ចកម្ពុជាទទួលរងនូវផលប៉ះពាល់ពីការរីករាលដាលនៃវិបត្តិកូវីដ១៩ និងពីកត្តាខាងក្រៅផ្សេងទៀតក្ដី ។
ស្ថិតិបំណុលសាធារណរបស់ក្រសួងសេដ្ឋកិច្ចនិងហិរញ្ញវត្ថុបានឱ្យដឹងថា កម្ចីដែលកម្ពុជាទទួលពីដីគូអភិវឌ្ឍន៍របស់ខ្លួនទាំងក្របខណ្ឌទ្វេភាគី និងពហុភាគី គឺយកមកអភិវឌ្ឃន៍ហេដ្ឋារចនាសម្ព័ន្ធភាគច្រើន ពីព្រោះថាកម្ពុជាមានតម្រូវការចាំបាច់លើហេដ្ឋារចនាសម្ព័ន្ធ ដូចជាស្ពាន ថ្នល់ ភ្លើង ទឹកជាដើម ។
ក្រៅពីការិនិយោគរបស់ធនាគារមួយនេះ ក៏មានគម្រោងវិនិយោគជាច្រើនពីដៃគូអភិវឌ្ឍន៍របសកម្ពុជា និងគម្រោងវិនិយោគរបស់វិនិយោគិនឯកជនពីក្រៅប្រទេសជាច្រើនផងដែរ ។ ថ្មីៗនេះ វត្តមានរបស់សម្ដេចធិបតីហ៊ុន ម៉ាណែតទៅកាន់ប្រទេសចិននិងសហរដ្ឋអាមេរិក ក៏រំពឹងថានឹងទាក់ទាញវិនិយោគមកពីប្រទេសទាំងនោះ ចូលមកកម្ពុជាបន្ថែមនៅពេលឆាប់ៗខាងមុខនេះផងដែរ៕
Account
Security
Favourite Content