សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ការនាំចេញជ័រកៅស៊ូនិងឈើកៅស៊ូក្នុងរយៈពេល១១ខែ កម្ពុជារកចំណូលបាន៤៤៦ ៩២៥ ៦៧៤ដុល្លារ ដែលក្នុងនោះចំណូលពីការនាំចេញជ័រកៅស៊ូ មានចំនួន ៤៤៥ ៤២២ ២៣៥ដុល្លារនិងចំណូលពីការនាំចេញឈើកៅស៊ូមានចំនួន ១ ៥០៣ ៤៣៩ដុល្លារ។នេះបើយោងតាមរបាយការណ៍ប្រចាំឆ្នាំរបស់ក្រសួងកសិកម្ម រុក្ខប្រមាញ់និងនេសាទ។
ចំណែកបរិមាណបញ្ចេញលក់ជ័រកៅស៊ូរយៈពេល១១ខែ ឆ្នាំ២០២៣ មានចំនួន ៣៣៤ ១៧៦តោន កើនឡើងចំនួន ១១ ៥៩០តោន ស្មើនឹង៤% ប្រៀបធៀបរយៈពេល១១ខែ ឆ្នាំ២០២២។បរិមាណបញ្ចេញលក់ឈើកៅស៊ូរយៈពេល១១ខែ ឆ្នាំ២០២៣ មានចំនួន ៨ ៩៨២ម៣។
របាយការណ៍ដដែលនេះ បានឱ្យដឹងថា៖ផលិតផលជ័រកៅស៊ូរយៈពេល១១ខែ ឆ្នាំ២០២៣ មានចំនួន ៣៣៤ ៨៨៣តោន កើនឡើងចំនួន ៥ ៥២៧តោន ស្មើនឹង១,៧% ប្រៀបធៀបរយៈពេល១១ខែ ឆ្នាំ២០២២។ផលិតផលឈើកៅស៊ូគិតត្រឹមខែវិច្ឆិកា ឆ្នាំ២០២៣ មានចំនួន ១៣ ៩៦៨ម៣។
ទាក់ទងនឹងផ្ទៃដីដាំកៅស៊ូ បច្ចុប្បន្នមានផ្ទៃដីកៅស៊ូសរុបចំនួន ៤០៧ ១៧២ហ.ត ក្នុងនោះ ផ្ទៃដីចម្ការកៅស៊ូកសិ-ឧស្សាហកម្មចំនួន ៤៦ ៦៨២ហ.ត ផ្ទៃដីចម្ការកៅស៊ូសម្បទានដីសេដ្ឋកិច្ចចំនួន ១៨០ ១៥៨ហ.ត និងផ្ទៃដីចម្ការកៅស៊ូគ្រួសារចំនួន ១៨០ ៣៣២ហ.ត។ចំណែកផ្ទៃដីចៀរជ័រមានចំនួន ៣២០ ១៨៤ហ.ត ស្មើនឹង៧៩% និងផ្ទៃដីថែទាំចំនួន ៨៦ ៩៨៨ហ.ត ស្មើនឹង២១%។
របាយការណ៍របស់ក្រសួងកសិកម្ម បានឱ្យដឹងទៀតថាតម្លៃលក់ជ័រកៅស៊ូគិតជាមធ្យមក្នុងខែវិច្ឆិកា ឆ្នាំ២០២៣ គឺ១ ៣៦៥ដុល្លារ/តោន បានកើនឡើងចំនួន ១៣ដុល្លារ/តោន ស្មើនឹង០,៩% ធៀបនឹងខែមុន និងបានកើនឡើងចំនួន ១៣៤ដុល្លារ/តោន ស្មើនឹង១១% ប្រៀបធៀបខែវិច្ឆិកា ឆ្នាំ២០២២ ។តម្លៃលក់ជ័រកៅស៊ូគិតជាមធ្យមរយៈពេល១១ខែ ឆ្នាំ២០២៣ គឺ១ ៣៣៣ដុល្លារ/តោន បានថយចុះចំនួន១១១ដុល្លារ/តោន ស្មើនឹង៧,៧% ប្រៀបធៀបរយៈពេល១១ខែ ឆ្នាំ២០២២ ។តម្លៃលក់ឈើកៅស៊ូគិតជាមធ្យមក្នុងខែវិច្ឆិកា ឆ្នាំ២០២៣ គឺ២៣១ដុល្លារ/ម៣។តម្លៃប្រមូលទិញជ័រកៅស៊ូគ្រួសារ គឺទឹកជ័រ (DRC 100%) មានការប្រែប្រួលពី ៤ ៥០០៛/គ.ក្រ ដល់ ៥ ០០០៛/គ.ក្រ និងជ័រកក (DRC 50%) មានការប្រែប្រួលពី ២ ១០០៛/គ.ក្រ ដល់ ២ ៨០០៛/គ.ក្រ៕
Account
Security
Favourite Content