សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព៍ត៌មានពីរ៉យទ័របានរាយការណ៍ថា អាល្លឺម៉ង់ ដែលជាប្រទេសមានសេដ្ឋកិច្ចធំបំផុតរបស់អឺរ៉ុបបានក្លាយជាប្រទេសសេដ្ឋកិច្ចទន់ខ្សោយបំផុតក្នុងចំណោមដៃគូរបស់ខ្លួនដែលចាយប្រាក់អឺរ៉ូដ៏កាលពី២០២៣ ហើយការចុះខ្សោយនៃសេដ្ឋកិច្ចរបស់ប្រទេសនេះនឹងបន្តដល់ឆ្នាំ២០២៤។
ការិយាល័យស្ថិតិសហព័ន្ធអាល្លឺម៉ង់បានឲ្យដឹងថា ផលិតកម្មឧស្សាហកម្មរបស់អាល្លឺម៉ង់បានធ្លាក់ចុះក្នុងរយៈពេល ៦ខែជាប់ៗគ្នាក្នុងខែវិច្ឆិកា ដោយធ្លាក់ចុះ ០,៧ ភាគរយពីខែតុលា ដោយសារការធ្លាក់ចុះនៃទិន្នផលទំនិញ ខណៈដែលរោងចក្រអាល្លឺម៉ង់ជួបការលំបាកចំពេលមានការធ្លាក់ចុះនៃតម្រូវការសកល ជាពិសេសពីប្រទេសចិន គួបផ្សំនឹងអត្រាការប្រាក់ខ្ពស់ និងតម្លៃថាមពលថ្លៃ។ ការធ្លាក់ចុះនៃតួរលេខអាចនឹងអូសទាញសេដ្ឋកិច្ចឱ្យធ្លាក់ចុះម្តងទៀតនៅដើមឆ្នាំ២០២៤។
ទន្ទឹមនឹងនេះ អ្នកវិភាគយល់ឃើញថា សេដ្ឋកិច្ចដ៏ធំបំផុតរបស់សហភាពអឺរ៉ុបទំនងជាធ្លាក់ចូលទៅក្នុងវិបត្តិសេដ្ឋកិច្ចនៅចុងឆ្នាំ២០២៣ ខណៈដែលពួកគេទាយថា ទិន្នន័យដែលនឹងត្រូវចេញផ្សាយនៅថ្ងៃទី១៥ ខែមករាខាងមុខនេះនឹងបង្ហាញពីការធ្លាក់ចុះនៃងផលិតផលឧស្សាហកម្មនៅក្នុងត្រីមាសទី ៤ ឆ្នាំ២០២៣ ។ លើសពីនេះ របាយការណ៍បានបង្ហាញថា ការបញ្ជាទិញរបស់រោងចក្រអាល្លឺម៉ង់នៅក្នុងខែវិច្ឆិកាបានកើនឡើងតិចជាងការរំពឹងទុក ពោលគឺកើនឡើងត្រឹមតែ ០,៣ ភាគរយប៉ុណ្ណោះ ខណៈដែលអ្នកវិភាគព្យាករថាអាចកើនឡើង ១,១ ភាគរយ។ យ៉ាងណាក៏ដោយ បើទោះបីជាសេដ្ឋកិច្ចអាល្លឺម៉ង់អាចចាប់ផ្តើមពង្រីកនៅឆ្នាំនេះក៏ដោយ ប្រទេសនេះនៅតែបន្តប្រឈមនឹងបញ្ហាផ្នែកឧស្សាហកម្មនៅក្នុងឆ្នាំនេះ។
គួរបញ្ជាក់ដែរថា ខណៈដែលសេដ្ឋកិច្ចកំពុងដុនដាប អាល្លឺម៉ង់ ក៏កំពុងចាប់ផ្តើមរង្គោះរង្គើនៅដើមឆ្នាំនេះ ដោយកសិករបាននាំគ្នាតវ៉ាប្រឆាំងនឹងផែនការរបស់រដ្ឋាភិបាលក្នុងការកាត់បន្ថយការឧបត្ថម្ភធនប្រេងម៉ាស៊ូត និងអ្នកបើកបររថភ្លើងធ្វើកូដកម្មជុំវិញជម្លោះប្រាក់ឈ្នួល។ កាលពីខែវិច្ឆិកា រដ្ឋាភិបាលបានទទួលរងនូវការវាយប្រហារយ៉ាងខ្លាំង នៅពេលដែលតុលាការកំពូលរបស់អាល្លឺម៉ង់បានបោះចោលផែនការថវិកាឆ្នាំ២០២៤ របស់ខ្លួន ដោយបង្កឱ្យមានការបែកបាក់គ្នាផ្នែកនយោបាយអំពីមូលនិធិចំនួន ១៧ ពាន់លានអឺរ៉ូ (១៨,៦ ពាន់លានដុល្លារ)។
ដូច្នោះហើយ សេដ្ឋកិច្ចរបស់អាល្លឺម៉ង់អាចបន្តប្រឈមនឹងការធ្លាក់ចុះនៅឆ្នាំ២០២៤ នេះ ដោយសារមូលហេតុជាច្រើន ដូចជា បាតុកម្មពាណិជ្ជកម្ម បញ្ហាថវិកា បញ្ហារចនាសម្ព័ន្ធជុំវិញកម្លាំងការងាររយៈពេលវែង និងហេដ្ឋារចនាសម្ព័ន្ធរបស់អាល្លឺម៉ងមិនទាន់ត្រូវបានដោះស្រាយនៅឡើយ៕
Account
Security
Favourite Content