សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Mining បានរាយការណ៍ថា តម្លៃមាសបានឡើងថ្លៃលើសពីកម្រិតជាង ២ ០០០ ដុល្លារក្នុង១អោនកាលពីថ្ងៃព្រហស្បតិ៍កន្លងទៅនេះ បន្ទាប់ពីទិន្នន័យរបស់សហរដ្ឋអាមេរិកបានបង្ហាញពីតម្លៃសេដ្ឋកិច្ច ដើម្បីផ្អាកការដំឡើងអត្រាការប្រាក់របស់ធនាគារកណ្តាលអាមេរិក Fed។
ស្របពេលនេះដែរ តម្លៃជួញដូរមាសនៅលើទីផ្សារបានកើនឡើង ០,៤ ភាគរយ ឬ ២ ០០២ ដុល្លារក្នុងមួយអោន បន្ទាប់ពីតម្លៃស្ថិតនៅក្នុងកម្រិតទាបរយៈពេលពីរសប្តាហ៍ ឬ ១ ៩៦៩ ដុល្លារក្នុងមួយអោន។ តម្លៃជួញដូរមាសតាមការដឹកជញ្ជូនក៏បានកើនឡើង ០,៤ ភាគរយ ឬ ២ ០១៤ ដុល្លារក្នុងមួយអោនផងដែរ។ មិនត្រឹមតែប៉ុណ្ណោះ ទិន្នន័យចុងក្រោយបំផុតបង្ហាញថា អត្រាភាពគ្មានការងារធ្វើប្រចាំសប្តាហ៍នៅសហរដ្ឋអាមេរិកបានកើនឡើងកាលពីសប្តាហ៍មុន ពីព្រោះទីផ្សារការងារកំពុងធ្លាក់ចុះជាលំដាប់។ លើសពីនេះផងដែរ ទិន្នន័យសេដ្ឋកិច្ចថ្មីនេះបានជំរុញសន្ទស្សន៍ប្រាក់ដុល្លារអាមេរិកឲ្យធ្លាក់ចុះ ០,២% ខណៈដែលទិន្នផលរតនាគារក៏ធ្លាក់ចុះដែរ។
អ្នកវិភាគជាច្រើនយល់ឃើញថា ការឡើងថ្លៃនៃតម្លៃមាសនេះអាចបណ្តាលមកពីការធ្លាក់ចុះនៃប្រាក់ដុល្លារអាមេរិក។ ប្រធានធនាគារកណ្តាលនៅខាងញូវយ៉ក លោក John Williams ក៏បាននិយាយដែរថា អតិផរណានៅតែស្ថិតក្នុងកម្រិតមានបញ្ហា ហើយធនាគារកណ្តាលអាមេរិកនឹងរកវិធានការបន្ថែមទៀតដើម្បីកាត់បន្ថយវា។ លោក Edward Moya អ្នកវិភាគទីផ្សារជាន់ខ្ពស់នៅ OANDA បាននិយាយថា ពួកគេបានឃើញអាត្រាភាពគ្មានការងារធ្វើបន្តកើនឡើងខ្ពស់ ដូច្នេះហើយសេដ្ឋកិច្ចគឺកំពុងចុះខ្សោយខ្លាំងជាងផ្នែកផ្សេងៗទៀត។ សម្រាប់មាសដើម្បីធ្វើឱ្យវាត្រឡប់ទៅរកកំណត់ត្រាដើមវិញ គឺត្រូវការការដំឡើងអត្រាការប្រាក់ខែមិថុនាខាងមុខនេះ។ ក្នុងពេលនេះដែរ តម្លៃផ្លាទីនបានកើនឡើង ០,៤ ភាគរយ ឬ ១ ០៩៤ ដុល្លារក្នុងមួយអោនដែលជាតម្លៃខ្ពស់បំផុតក្នុងរយៈពេលជាងបីខែ ចំណែកឯតម្លៃប្រាក់បានកើនឡើង ០,១ ភាគរយ ឬ ២៥,២៩ ដុល្លារ៕
Account
Security
Favourite Content