សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី FX Street រាយការណ៍ថា ទីផ្សារមាសកំពុងស្ថិតនៅក្រោមសម្ពាធនៃការជួញដូរ ដោយសារទីផ្សារការងារនៅសហរដ្ឋអាមេរិកមានភាពរឹងមាំជាងមុន ហើយអត្រានៃការដាក់ពាក្យសុំអត្ថប្រយោជន៍ពីភាពអត់ការងារធ្វើបានថយចុះច្រើនជាងការរំពឹងទុក។
ទន្ទឹមនឹងនេះ ទីផ្សារមាសមានតម្លៃ ១ ៩២០ ដុល្លារក្នុងមួយអោន ខណៈដែលការធ្លាក់ចុះតម្លៃលុយដុល្លារអាមេរិកក៏បានគាំទ្រដល់តម្លៃមាសបន្តិចបន្តួចផងដែរ។ កាលពីថ្ងៃព្រហស្បតិ៍កន្លងទៅនេះ ទិន្នន័យរបស់សហរដ្ឋអាមេរិកចេញផ្សាយថា ការដាក់ពាក្យសុំអត្ថប្រយោជន៍ពីភាពអត់ការងារធ្វើរបស់សហរដ្ឋអាមេរិកធ្លាក់ចុះពី ២២៩ ០០០ នាក់មកនៅត្រឹម ២១៦ ០០០ នាក់។ លើសពីនេះ គេរំពឺងថា ឯកតាតម្លៃពលកម្មរបស់អាមេរិកនឹងមានស្ថិរភាព ដោយកើនឡើងពី ១,៦ ភាគរយទៅ ២,២ ភាគរយ។
គួរឲ្យបញ្ជាក់ដែរ មាសតែងតែរក្សាបាននូវតម្លៃរបស់ខ្លួននៅក្នុងសេដ្ឋកិច្ច។ បើទោះបីជាសេដ្ឋកិច្ចជួបប្រទះនឹងបញ្ហាអ្វីក៏ដោយ មិនថាកំពុងកើតឡើងនៅក្នុងអាជីវកម្ម និងការវិនិយោគ ប៉ុន្តែតម្រូវការមាសនៅតែមាន។ ទោះជាយ៉ាងណាក៏ដោយ តម្រូវការមាសក៏ត្រូវបានជំរុញដោយលក្ខខណ្ឌម៉ាក្រូសេដ្ឋកិច្ចផងដែរ ដោយមនុស្សយល់ថាមាសតែងតែមានតម្លៃ។ ដូច្នេះ គេចាត់ទុកវាជាគ្រឿងមានតម្លៃសម្រាប់ការពារពីការខាតបង់ប្រាក់លើការវិនិយោគផ្សេងទៀត។ លើសពីនេះ និន្នាការតម្រូវការមាសកើនឡើងខ្ពស់នៅពេលដែលក្រុមហ៊ុនទាំងនោះខាតបង់ប្រាក់ ការធ្លាក់ចុះភាគហ៊ុន ការធ្លាក់ចុះនៃតម្លៃប្រាក់ដុល្លារ និងអត្រាអត់ការងារធ្វើខ្ពស់។
ស្របពេលនេះដែរ អ្នកវិនិយោគ និងអ្នកចូលរួមយល់ឃើញថា ធនាគារកណ្តាលអាមេរិកនឹងរក្សាអត្រាការប្រាក់ខ្ពស់ក្នុងរយៈពេលយូរ ដែលអាចទប់ស្កាត់តម្លៃមាសពីការឡើងថ្លៃ។ បន្ថែមពីនេះ ពួកគេកំពុងព្រួយបារម្ភចំពោះការធ្លាក់ចុះសេដ្ឋកិច្ចចិន និងភាពតានតឹងពាណិជ្ជកម្មដែលកំពុងបន្តរវាងចិន និងសហរដ្ឋអាមេរិក។ ហានិភ័យទាំងនេះប៉ះពាល់ដល់កំណើនសេដ្ឋកិច្ច និងទំនាក់ទំនងពាណិជ្ជកម្មជាមួយចិន ដែលធ្វើឲ្យតម្រូវការមាសអាចនឹងធ្លាក់ចុះ។
ទោះជាយ៉ាងណាក្តី គេកត់សំគាល់ថា ចិនបានអនុវត្តវិធានការគោលនយោបាយជាបន្តបន្ទាប់នាពេលថ្មីៗនេះ ក្នុងគោលបំណងស្តារសេដ្ឋកិច្ចរបស់ខ្លួនឡើងវិញ ជាពិសេសបន្ទាប់ពីការងើបឡើងវិញក្រោយការរាតត្បាតនៃកូវីដ-១៩។ លើសពីនេះ គេរំពឺងថា សកម្មភាពគោលនយោបាយអាចនឹងត្រូវបានអនុវត្តបន្ថែមទៀត។ លើសពីនេះ កិច្ចប្រជុំកំពូលរបស់មេដឹកនាំ G20 គ្រោងនឹងចាប់ផ្តើមនៅទីក្រុង New Delhi នៅថ្ងៃសៅរ៍ខាងមុខនេះ។ ប្រធានាធិបតីអាមេរិក លោក Joe Biden នឹងចូលរួម ប៉ុន្តែប្រធានាធិបតីចិន លោក Xi Jinping នឹងមិនចូលរួមនោះទេ៕
Account
Security
Favourite Content