សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមរបាយការណ៍របស់ក្រសួងទេសចរណ៍ នាថ្ងៃទី១៦ ខែសីហា ឆ្នាំ២០២៣នេះ បានបង្ហាញឱ្យដឹងថា រយៈពេល៧ខែចំនួនភ្ញៀវទេសចរអន្តរជាតិដែលកម្ពុជាទទួលបាន មានប្រមាណជាង ៣.០៣ លាននាក់ ដែលចំនួននេះកើនឡើង ៣០៨% បើធៀបនឹងរយៈពេលដូចគ្នានៅឆ្នាំ២០២២កន្លងទៅ រីឯភ្ញៀវទេសចរជាតិ ដែលចេញក្រៅប្រទេស មានចំនួនប្រមាណ១លាននាក់។
របាយការណ៍ដដែលបានបញ្ជាក់ដោយលម្អិតថា រយៈពេល៧ខែ ចាប់ពីខែមករា-ខែកក្កដា រយៈពេល៧ខែ ឆ្នាំ២០២៣ កម្ពុជាទទួលបានភ្ញៀវទេសចរអន្តរជាតិចំនួនចំនួន ៣,០៣៧,៣៤៤នាក់ កើនឡើង ៣០៨% បើធៀបនឹងរយៈពេលដូចគ្នានៅឆ្នាំ២០២២កន្លងទៅ។ ចំពោះភ្ញៀវទេសចរកម្ពុជាដែលចេញក្រៅប្រទេសមានចំនួន ១,០០៩,០៧៣នាក់ កើនឡើង ២៤៣.៦% ខណៈភ្ញៀវបរទេសផ្ទៃក្នុងដែលចេញពីកម្ពុជាមានចំនួន ២,៨៩៣,០៧១នាក់ កើនឡើង ៣៥៣%។
ដោយឡែក ក្នុងរយៈពេល៧ខែកន្លងមកនេះ ភ្ញៀវទេសចរអន្តរជាតិ ដែលធ្វើដំណើរតាមផ្លូវអាកាសមានចំនួន ១,០៦៥,២៣៣នាក់ កើនឡើង ២៣៦.៨%។ ចំណែកភ្ញៀវទេសចរអន្តរជាតិ ដែលមកតាមផ្លូវគោក និងផ្លូវទឹកមានចំនួនសរុប ១,៩៧២,១១១នាក់ កើនឡើង ៣៦១.៧%។
យ៉ាងណាមិញ សម្រាប់ទីផ្សារទេសចរណ៍សំខាន់ៗទាំង១០របស់កម្ពុជា រួមមាន៖ ប្រទេសថៃ ១,០២៨,០២០នាក់ កើនឡើង ៣៣១.២% ប្រទេសវៀតណាម ៥៥១,១៥៦នាក់ កើនឡើង ១៩០.៤
ប្រទេសចិន ៣១៨,៤៩៨នាក់ កើនឡើង ៦៦៨.៩% ប្រទេសឡាវ ១៧៣,៨៨៦នាក់ កើនឡើង ២៦២៥.៩% សហរដ្ឋមអាមេរិក ១១០.៦៩៧នាក់ កើនឡើង ២១៧% កូរ៉េខាងត្បូង ១០១,៧២៨នាក់ កើនឡើង ៣៤១.៨%។
បន្ទាប់មកទៀត គឺប្រទេសឥណ្ឌូណេស៉ីដែលមានចំនួន ៧២.៩០៤នាក់ កើនឡើង ១៦៦.៦% ប្រទេសបារាំង ៦១.៣៤៤នាក់ កើនឡើង ១៧៤.៣% ចក្រភពអង់គ្លេស ៥៨,៨២៩នាក់ កើនឡើង ២៨៥.៥%
និងរុស្ស៉ីចំនួន ៥៨.៦៩៣នាក់ កើនឡើង ៣៦៥៧.៦%។
រយៈពេល៧ខែដូចគ្នានេះដែរ នៅទូទាំងប្រទេសកម្ពុជាទទួលបានភ្ញៀវទេសចរផ្ទៃក្នុងសរុបជាង ១៣លាននាក់ ក្នុងនោះភ្ញៀវទេសចរជាប្រជាពលរដ្ឋខ្មែរ ១១,៧៨២,៧៦០នាក់ កើនឡើង ៦៨.៣% និងភ្ញៀវបរទេសដែលស្នាក់នៅក្នុងប្រទេសកម្ពុជា ១,៥៣១,៤៦៧នាក់ កើនឡើង ៨០%។
សូមបញ្ជាក់ដែរថាថ្មីៗនេះក្រសួងទេសចរណ៍ បានដាក់ឱ្យអនុវត្តផែនការមេអភិវឌ្ឍន៍វិស័យទេសចរណ៍ខេត្តកែប ២០២៣-២០៣៥ មានចក្ខុវិស័យប្រែក្លាយខេត្តកែបជា «គោលដៅទេសចរណ៍ធម្មជាតិ និងសមុទ្រសម្រាកកម្សាន្តបែបប្រណិតកម្រិតខ្ពស់» ដោយប្រកាន់យកគោលការណ៍នៃការអភិវឌ្ឍន៍ ប្រកបដោយចីរភាព សុវត្ថិភាព គុណភាព ភាពប្រកួតប្រជែង និងទេសចរណ៍បែបឆ្លាតវៃ។
ហើយបើតាមការព្យាកររបស់ក្រសួងទេសចរណ៍ ឯកឧត្តម ថោង ខុន បានរំពឹងទុកថា រយៈពេលពេញមួយឆ្នាំ២០២៣នេះ កម្ពុជានឹងទទួលបានភ្ញៀវទេសចរអន្តរជាតិយ៉ាងតិច៥លាននាក់៕
Account
Security
Favourite Content