សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទិវាសហគ្រាសធុនមីក្រូ តូច និងមធ្យម សកល បានប្រារព្ធឡើងក្រោមប្រធានបទ “ភាពធន់ និងការកសាងសហគ្រាសធុនមីក្រូ តូច និងមធ្យមឡើងវិញ សម្រាប់ការអភិវឌ្ឍប្រកបដោយចីរភាព” នៅបរិវេណផ្សារទំនើបអូឡាំព្យាចាប់ពីថ្ងៃទី២៧-២៨ ខែមិថុនា ឆ្នាំ២០២៣ នេះ។
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានសហការជាមួយទីភ្នាក់ងារសហប្រតិបត្តិការអាល្លឺម៉ង់ GIZ បានរៀបចំអបអរសាទរទិវាសហគ្រាសធុនមីក្រូ តូច និងមធ្យម រយៈពេលពីរថ្ងៃ ចាប់ពីថ្ងៃទី២៧-២៨ ខែមិថុនា ក្រោមប្រធានបទ “ភាពធន់ និងការកសាងសហគ្រាសធុនមីក្រូ តូច និងមធ្យមឡើងវិញ សម្រាប់ការអភិវឌ្ឍប្រកបដោយចីរភាព” នៅផ្សារទំនើបអូឡាំព្យា។ កម្មពិធីនេះប្រព្រឹត្តទៅក្រោមអធិបតីភាព ឯកឧត្តម គឹម ទូច រដ្ឋលេខាធិការ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ជាតំណាងដ៏ខ្ពង់ខ្ពស់ ឯកឧត្តមកិត្តិសេដ្ឋាបណ្ឌិត ចម ប្រសិទ្ធិ៍ ទេសរដ្ឋមន្រ្តី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង ឯកឧត្តម STEFAN MESSERER ឯកអគ្គរដ្ឋទូតអាល្លឺម៉ង់ប្រចាំនៅកម្ពុជាព្រមទាំងមានការអញ្ជើញចូលរួមពីក្រសួង ស្ថាប័នពាក់ព័ន្ធ និងដៃគូអភិវឌ្ឍន៍។
ព្រឹត្តិការណ៍នេះ ជាវេទិការដើម្បីគៀងគរភាគីពាក់ព័ន្ធ រួមគ្នាបង្កើតបណ្តាញ និងផ្លាស់ប្តូរចំណេះដឹងអំពីការជំរុញកំណើនសេដ្ឋកិច្ច និងអាជីវកម្មឡើងវិញក្រោយការរាតត្បាតនៃជំងឺកូវីដ១៩។ ក្នុងនោះផងដែរក៏មានការពិភាក្សាផ្តោតទៅលើការបង្កើតបរិយាកាសអំណោយផលសម្រាប់ភាពធន់ និងបរិយាប័ន្នភាព របស់សហគ្រាសធុនមីក្រូ តូច និងមធ្យម តាមរយៈ គោលនយោបាយ និងគម្រោងហិរញ្ញប្បទានប្រកបដោយប្រសិទ្ធភាព។ មិនតែប៉ុណ្ណោះ សហគ្រាសធុនមីក្រូ តូច និងមធ្យម ដែលចូលរួមក៏មានឱកាសបង្ហាញ ផលិតផល និងសេវាកម្មរបស់គាត់ទៅកាន់ទស្សនិកជនឱកាន់តែទូលំទូលាយផងដែរ។
ឈ្លៀតក្នុងឱកាសនេះ ឯកឧត្ដម ឈា ឡាយហ៊ី ទីប្រឹក្សាក្រសួង និងជាប្រធាននាយកដ្ឋានសហគ្រាសធុនតូច និងមធ្យម បានមានប្រសាសន៍ដែរថា៖
“ដោយហេតុថា សហគ្រាសធុនមីក្រូ តូច និងមធ្យម គឺជាឆ្អឹងខ្នងនៃសេដ្ឋកិច្ចនៅក្នុងប្រទេសជាច្រើនជុំវិញពិភពលោក រួមទាំងព្រះរាជាណាចក្រកម្ពុជា ដែលរួមចំណែកយ៉ាងសំខាន់ដល់ការបង្កើតការងារ ការកាត់បន្ថយភាពក្រីក្រ ជំរុញអោយមានការបង្កើតថ្មី និងការចូលរួមលើកកម្ពស់បរិយាប័ន្នភាព។ ដោយទទួលស្គាល់អំពីសារៈសំខាន់នៃសហគ្រាសធុនមីក្រូ តូច និងមធ្យម ព្រមទាំងតួនាទីដ៏សំខាន់របស់ពួកគាត់ ក្នុងការសម្រេចបាននូវគោលដៅអភិវឌ្ឍន៍ប្រកបដោយចីរភាព (SDGs) ទើបមហាសន្និបាតអង្គការសហប្រជាជាតិបានសម្រេចកំណត់ថ្ងៃទី ២៧-២៨ មិថុនា ជារៀងរាល់ឆ្នាំ ដើម្បីប្រារព្ធទិវាសហគ្រាសធុនមីក្រូ តូច និងមធ្យម។”
ទន្ទឹមគ្នានេះដែរ កញ្ញា Sita Zimpel ប្រធានគ្រប់គ្រងគម្រោង GIZ ASEAN-SME បានរៀបរាប់ពីតម្រូវការសំខាន់ៗសម្រាប់ MSMEs ដែលពួកគាត់ត្រូវដឹង ក្នុងការអភិវឌ្ឍខ្លួនដើម្បីអាចនាំចេញផលិតផលខ្មែរដើម្បីចូលទៅក្នុងទីផ្សារបរទេសដែរថា ដើម្បីអាចនាំផលិតផលចេញទៅបាន ម្ចាស់អាជីវកម្មត្រូវតែដឹងនូវបីចំណុចសំខាន់ៗគឺ ចំណេះដឹងមូលដ្ឋានរួមមាន ចំណេះដឹងក្នុងការគ្រប់គ្រង ចំណេះដឹងហិរញ្ញវត្ថុ បញ្ហាពន្ធដារ និងបញ្ហាដទៃទៀតក្នុងការនាំផលិតផលរបស់ខ្លួនទៅទីផ្សារក្រៅប្រទេសបាន។ ទីពីរគឺ ចំណេះដឹងប្រព័ន្ធឌីជីថល និងបច្ចេកវិទ្យា ដែលជាផ្នែកមួយយ៉ាងសំខាន់សម្រាប់ទីផ្សារបច្ចុប្បន្ន និងចុងក្រោយគឺ ការយល់ដឹងពីគោលនយោបាយថ្មីៗ ក្នុងការទាញយកអតិថិជន និងការប្រកួតប្រជែងជាមួយអាជីវកម្មដទៃប្រកបដោយតម្លាភាព។
គួរបញ្ជាក់ដែរថា ព្រឹត្តិការណ៍នេះអបអរសាទរ ទិវាសហគ្រាសធុនមីក្រូ តូច និងមធ្យម សកល ២០២៣ត្រូវបានរៀបចំឡើងក្រោមកិច្ចសហការជាមួយសមាគមសហគ្រិនវ័យក្មេងកម្ពុជា (YEAC) សមាគមសហគ្រិនស្ត្រីកម្ពុជា (CWEA) និង Deutsche Gesellschaft für Internationale Zusammenarbeit (GIZ) GmbH តាមរយៈគម្រោង ASEAN-SME II, ICONE និង ARISE Plus ជាមួយនឹងការផ្តល់មូលនិធិ។ ពីក្រសួងសហព័ន្ធអាល្លឺម៉ង់សម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (BMZ)និងសហភាពអឺរ៉ុប៕
Account
Security
Favourite Content