សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទីផ្សារបច្ចេកវិទ្យាហិរញ្ញវត្ថុ ឬ FinTech គឺជាឱកាសដែលកម្ពុជាអាចទាញយកប្រយោជន៍យ៉ាងច្រើនបាននាពេលបច្ចុប្បន្ន ក៏ដូចជាបន្តទៅថ្ងៃអនាគតក្នុងនាមជាប្រទេសដែលកំពុងសម្របខ្លួនបានលឿនជាងគេមួយក្នុងតំបន់ ខណៈដែលពលរដ្ឋកម្ពុជាជាពលរដ្ឋដែលមាននិន្នាការស្រាប់ទៅលើវិស័យបច្ចេកវិទ្យា និងការប្រើប្រាស់បច្ចេកវិទ្យាទំនើបៗ។
ទីផ្សារសកលនាពេលបច្ចុប្បន្ន សម្រាប់ FinTech មានរហូតទៅដល់ ១៣៣,៨៤ពាន់លានដុល្លារគិតត្រឹមឆ្នាំ២០២២កន្លងទៅនេះ និងបន្តកើនឡើងទៅដល់ ៥៥៦,៥៨ពាន់លានដុល្លារនាឆ្នាំ២០៣០ ឬស្ថិតនៅក្នុងអត្រាកើនឡើងប្រចាំឆ្នាំដល់ទៅ ១៩,៥ភាគរយ ដែលមានន័យថាសកម្មភាពវិនិយោគក៏មានចំនួនច្រើនដ៏លើសលប់មួយផងដែរ។
ជាការចែករំលែកជាមួយនឹងសក្តានុពលដ៏ធំមួយរបស់កម្ពុជាសម្រាប់ទីផ្សារបច្ចេកវិទ្យា លោក ហោ ប៊ុនថែ អគ្គនាយករងធនាគារវីងបានថ្លែងថា អស់រយៈពេលប៉ុន្មានឆ្នាំចុងក្រោយនេះ កម្ពុជាបានទទួលយកការប្រើប្រាស់ប្រព័ន្ធបច្ចេកវិទ្យាហិរញ្ញវត្ថុយ៉ាងសកម្មនៅក្នុងវិស័យធនាគារដោយសារតែកត្តាអំណោយផលសំខាន់ៗជាច្រើនបូករួមទាំងកត្តាសេដ្ឋកិច្ចនិងចំណេះដឹងរបស់ពលរដ្ឋដែលភាគច្រើនមានវ័យក្មេងៗ និងនិយមការប្រើប្រាស់បច្ចេកវិទ្យាថ្មីជាដើមផង។
លោកបានបន្តថា ៖
“ការបង្កើនចំណេះដឹងផ្នែក FinTech គឺជារឿងដ៏សំខាន់បំផុតមួយសម្រាប់កម្ពុជាយើងនៅពេលនេះដើម្បីអាចទទួលបានឱកាសចាប់យកការវិនិយោគកាន់តែច្រើនឡើងហើយវាគឺជាការជំរុញឱ្យដំណើរការឌីជីថល និងសម្លឹងមើលឃើញឱកាសកាន់តែច្រើនបន្ថែមទៀត។ ការវិនិយោគដែលអាចទទួលបានផលត្រឡប់មកវិញកាន់តែប្រសើរគឺបានមកពីសមត្ថភាពដែលអាចមើលនិន្នាការនាពេលអនាគតរបស់ Fintech ហើយវិនិយោគវាឲ្យបានត្រឹមត្រូវ ពីព្រោះថា អនាគត Fintech នឹងអាចក្លាយទៅជាអ្នកនាំមុខគេក្នុងកិច្ចការងារចូលរួមចំណែកបង្កើនសេដ្ឋកិច្ចជាតិរបស់យើង”
គួរឲ្យដឹងដែរថា អំឡុងពេលនៃការរីករាលដាលវិរុសកូវីដ១៩ បច្ចេកវិទ្យាហិរញ្ញវត្ថុបានពង្រីកខ្លួនកាន់តែទូលាយបន្ថែមទៀត និងបានក្លាយទៅជាចំណែកដ៏សំខាន់មួយនៃការលើកកំពស់សេដ្ឋកិច្ចនៅកម្ពជា និងពង្រឹងទីផ្សារដែលមានស្រាប់ប្តូរខ្លួនពីអាជីវកម្មបែបប្រពៃណីទៅជាអាជីវកម្មបែបអនឡាញ និងអត្ថប្រយោជន៍ជាច្រើនទៀតក្នុងវិស័យធនាគារ និងហិរញ្ញវត្ថុនៅកម្ពុជា។ Fintech គឺជាពាក្យកាត់សំដៅទៅលើបច្ចេកវិទ្យាហិរញ្ញវត្ថុ (Financial Technology) ដែលប្រើសំរាប់ជួយសំរួលក្នុងការប្រើប្រាស់ និងផ្គត់ផ្គង់ សេវាកម្ម និងប្រតិបិត្តិការហិរញ្ញវត្ថុ ដូចជា ការគ្រប់គ្រងប្រព័ន្ធគណនេយ្យរបស់អាជីវកម្ម ការផ្ទេរ និងទូទាត់សាច់ប្រាក់តាមបែបឌីជីថល (Digital) ដោយប្រើកម្មវិធីកុំព្យូទ័រ ឬទូរស័ព្ទ៕
Account
Security
Favourite Content