សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅក្នុងរយៈពេល ៣១ថ្ងៃនៃខែមករា ដើមឆ្នាំ២០២៦កន្លងទៅនេះ ឧស្សាហកម្មនាំចេញកង់របស់កម្ពុជា បានបង្ហាញពីភាពរឹងមាំជាមួយនឹងទំហំប្រមាណ ៦៣,៥៧លានដុល្លារអាម៉េរិក ៦៨,៥១ ភាគរយ បើធៀបទៅនឹងរយៈពេលដូចគ្នាកាលពីឆ្នាំ២០២៤ ដែលមានត្រឹម ៣៧,៧២ លានដុល្លារអាម៉េរិកប៉ុណ្ណោះ។ សហរដ្ឋអាមេរិកនៅតែជាគោលដៅនាំចេញធំបំផុតរបស់ប្រទេសកម្ពុជា ហើយបន្ទាប់មកគឺអាល្លឺម៉ង់ បែលហ្ស៊ិក ចក្រភពអង់គ្លេស និងហូឡង់ ។
ពាក់ព័ន្ធទៅនឹងឧស្សាហកម្មកង់ សហភាពអឺរ៉ុបបានអនុញ្ញាតឲ្យកម្ពុជា អាចប្រើប្រាស់វត្ថុធាតុដើម ឬគ្រឿងបង្គុំដែលមានដើមកំណើតនៅប្រទេសវៀតណាម សម្រាប់យកមកផលិតនៅប្រទេសកម្ពុជា ដើម្បីនាំចេញទៅសហភាពអឺរ៉ុប។ ការអនុញ្ញាតនេះ បានធ្វើឲ្យទីផ្សារនាំចេញកង់កម្ពុជា កាន់តែមានភាពងាយស្រួលដោយសារងាយក្នុងការស្វែងរកប្រភពធាតុដើម ពីប្រទេសវៀតណាម ដែលជាប្រទេសជិតខាង។
សូមជម្រាបថា បច្ចុប្បន្ន កម្ពុជាមានរោងចក្រដំឡើងកង់ចំនួន៥ កំពុងដំណើរការ រួមមាន រោងចក្រ A and J Co., Ltd., Speedtech Industrial Co., Ltd., Smrat Tech Co., Ltd., XDS Bicycle Co., Ltd., និង Evergrand Bicycle Co., Ltd.ស្ថិតនៅរួមគ្នាក្នុងតំបន់សេដ្ឋកិច្ចពិសេសបាវិត (SEZs) ខេត្តស្វាយរៀង ខណៈដែលកាលពីឆ្នាំ២០២៥ កម្ពុជាបាននាំចេញកង់មានតម្លៃ ៦០៩.៣៣លានដុល្លារ កើនឡើង ៤២.៧៣ ភាគរយ ធៀបនឹងឆ្នាំ២០២៤ដែលមានត្រឹម ៤២៦.៩១ លានដុល្លារអាម៉េរិក៕
Account
Security
Favourite Content