បាងកក ៖ វិបត្តិកូវីដនៅក្នុងប្រទេសថៃបានធ្វើឲ្យប៉ះពាល់ដល់សេដ្ឋកិច្ចគ្រួសាររបស់ប្រជាពលរដ្ឋជាច្រើន ដែលក្នុងនោះក្រុមហ៊ុនឯកជនធំតូចជាច្រើនក៏ទទួលរងនូវឥទ្ធពលអវិជ្ជមានរហូតមានការផ្លាស់ប្តូរទម្រង់បែបបទនៃដំណើរអាជីវកម្មរបសើខ្លួន ដើម្បីធ្វើយ៉ាងណាអាចតម្រូវទៅនឹងបរិបថទីផ្សារ ដែលសូម្បីតែឧស្សាហកម្មថាមពលផលិតបន្ទះសូឡាក៏ត្រូវប្ដូយុទ្ធសាស្ត្រថ្មីដូចគ្នា។
ជាលទ្ធផល ក្រុមហ៊ុនអាជីវកម្មថ្មីមួយរបស់ថៃដែលមានឈ្មោះថា Ion Energy Co បានប្រកាសថាប្រតិបត្តិការរបររកស៊ីរបស់ខ្លួនក្នុងការដំឡើងផ្ទាំងសូឡាតាមដំបូលផ្ទះនឹងអាចពង្រីកពីទំហំថាមពល៥មេហ្កាវ៉ាត់ទៅដល់១៥មេហ្គាវ៉ាត់នៅក្នុងឆ្នាំ២០២២នេះ។
ប្រធានប្រតិបត្តិក្រុមហ៊ុន Ion Energy លោក Peerakarn Manakit បានបញ្ជាក់ថា បញ្ហាកូវីដ-១៩ បានរុញច្រានឲ្យមនុស្សកាន់តែច្រើនងាកទៅកាន់របៀបរស់នៅបែបថ្មីជាការធ្វើការងារពីចំងាយទោះបីជារដ្ឋាភិបាលបានប្រកាសបន្ធូរបន្ថយនូវការរឹតត្បិតបិទទីក្រុង និងបើកដំណើរការប្រទេសឡើងវិញក៏ដោយ។
លោកបន្តថា ការព្យាករណ៍របស់ Ion Energy នឹងបន្តកើនឡើង៣ដង ដោយផ្អែកទៅលើជំនាញរបស់បុគ្គលិក និងទំនោរនៃការជ្រើសរើសលំនៅដ្ឋានដែលបច្ចុប្បន្នមានការប្រើប្រាស់ថាមពលដែលចំណាយតិចតួច។ លើសពីនេះទៅទៀត Ion Energy បានធ្វើការព្យាករណ៍បន្ថែមទៀតថា នឹងបង្កើនការដំឡើងបន្ទះសូឡាឲ្យបានថាមពលរហូតទៅដល់
១៥០មេហ្គាវ៉ាត់នៅក្នុងរយៈពេល៥ឆ្នាំខាងមុខជាមួយនឹងផែនការវិនិយោគទុនបន្ថែមរហូតទៅដល់ ៦២៥លានបាត ឬត្រូវជាប្រមាណ ១៩លានដុល្លារអាមេរិក។ គួរឲ្យដឹងដែរថា ក្រុមហ៊ុន Ion Energy មានអាជីវកម្មខាងជំនាញផ្គត់ផ្គង់បន្ទះសូឡា ដើម្បីដំឡើងតាមដំបូលផ្ទះ និងដំបូលក្រុមហ៊ុននានាជាមួយនឹងថាមពលកម្រិតជាងគីឡូវ៉ាត់ផង និងមេហ្គាវ៉ាត់ផង៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧ព័ត៌មានទូទៅ
មើលទាំងអស់ ➧បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ