សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ បានប្រកាសពីភាពជាដៃគូថ្មីជាមួយវិស័យឯកជន ដើម្បីរក្សាស្ថិរភាពតម្លៃស្រូវសម្រាប់កសិករនៅតំបន់ភាគពាយ័ព្យនៃប្រទេសកម្ពុជា ដោយបានចុះហត្ថលេខាលើអនុស្សរណៈជាមួយក្រុមហ៊ុន ខេមបូឌា ហ្គ្រីន (CG) និងមួយទៀតជាមួយអង្គការមូលនិធិសកលសម្រាប់អភិរក្សធម្មជាតិ (WWF) ស្តីពីកិច្ចសហប្រតិបត្តិការអភិរក្សសត្វផ្សោត។
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា ការចុះហត្ថលេខាលើអនុស្សរណៈយោគយល់គ្នាជាមួយក្រុមហ៊ុន CG គឺជាការងារសំខាន់មួយក្នុងការធ្វើឱ្យវិស័យស្រូវមានស្ថិរភាពនៅភាគពាយ័ព្យ ដែលជាបរិបទថ្មី ដើម្បីកាត់បន្ថយការចំណាយ និងបង្កើនប្រាក់ចំណេញសម្រាប់ទាំងកសិករ និងអ្នកប្រើប្រាស់។ បន្ថែមពីលើនេះ តាមរយៈការចុះអនុស្សរណៈមួយនេះក៏ដើម្បីជំរុញឱ្យមានការនាំចេញស្រូវអង្ករកម្ពុជាទៅកាន់ទីផ្សារអន្តរជាតិបន្ថែមទៀត។
សូមជម្រាបថា ក្រុហ៊ុន ខេមបូឌា ហ្គ្រីន (CG) ជារោងម៉ាស៊ីនកិនស្រូវ និងជាអ្នកនាំចេញឈានមុខគេ ដែលមានមូលដ្ឋាននៅក្នុងខេត្តបាត់ដំបង។ ដោយឡែក ចំពោះខេត្តដែលស្ថិតប៉ែកពាយ័ព្យ រួមមានខេត្តពោធិសាត់ បាត់ដំបង បន្ទាយមានជ័យ ព្រះវិហារ និងសៀមរាប នឹងទទួលបានអត្ថប្រយោជន៍ពីគំនិតផ្តួចផ្តើមនៃការចុះ MoU ខាងលើនេះ។
ឯកឧត្តម ឌិត ទីណា បានបញ្ជាក់ថា៖
«ក្រសួងកសិកម្មត្រូវការដៃគូ ដែលមានគោលដៅរួមច្បាស់លាស់ មានបច្ចេកទេសពិតប្រាកដ និងមានឆន្ទៈរួមគ្នា ដើម្បីសម្រេចនូវលទ្ធផលល្អ។ តាមរយៈការខិតខំរបស់រដ្ឋាភិបាល និងផ្នែកឯកជន យើងដឹងថាបរិមាណ និងគុណភាពផលិតផលកសិកម្មកម្ពុជានឹងកាន់តែកើនឡើងច្រើន»។
យោងតាមទិន្នន័យពីសហព័ន្ធស្រូវអង្ករកម្ពុជា(CRF) បានបង្ហាញថា ក្នុងចន្លោះពីខែមករា ដល់ខែកញ្ញា ឆ្នាំ២០២៤ ការនាំចេញអង្ករទៅទីផ្សារអន្តរជាតិសម្រេចបានក្នុងបរិមាណ ៤៤៥ ៩១៣ តោន គិតជាទឹកប្រាក់មានចំនួន ៣៣៥,៤ លានដុល្លារ។ សម្រាប់បរិមាណអង្ករនាំចេញគឺថយចុះ ២,៣ ភាគរយបើធៀបនឹងរយៈពេលដូចគ្នាឆ្នាំ២០២៣ ប៉ុន្តែចំនួនទឹកប្រាក់ដែលទទួលបានគឺកើនឡើង ២,៤ ភាគរយ៕
Account
Security
Favourite Content