សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងវេទិកាសាធារណៈស្តីពីការគ្រប់គ្រងម៉ាក្រូសេដ្ឋកិច្ច និងច្បាប់ថវិកាឆ្នាំ២០២២ កាលពីថ្ងៃទី១៨ ខែកុម្ភៈ ឆ្នាំ២០២២ រដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការប្រចាំការនៃក្រសួងសេដ្ឋកិច្ចបានគូសបញ្ជាក់ថាក្នុងរយៈពេល៣ឆ្នាំ ដើម្បីគ្រប់គ្រងផលប៉ះពាល់លើវិស័យសំខាន់ៗនៃសេដ្ឋកិច្ចនៅក្នុងបរិការណ៍នៃវិបត្តិការស្តារ និងជំរុញកំណើនសេដ្ឋកិច្ចកម្ពុជាអំឡុងពេល និងក្រោយវិបត្តិកូវីដ-១៩ រដ្ឋបានចាយថវិកាសន្សំអស់ជាង ២ ១២៧ លានដុល្លារក្នុងចំណោមថវិកាជាង ៣ ៥០០ លានដុល្លារ។
ឯកឧត្តម វង្សី វិស្សុត រដ្ឋលេខាធិការបានលើកឡើងថា កាលពីឆ្នាំ២០២០ រដ្ឋគ្រោងនឹងចាយប្រាក់សន្សំប្រមាណ ១ ពាន់លានដុល្លារ ដើម្បីទប់ទល់នឹងវិបត្តិកូវីដ-១៩ ប៉ុន្តែទីបំផុតចំណាយអស់ត្រឹម ២៤៦លានដុល្លារប៉ុណ្ណោះ។
ឯកឧត្តម វង្សី វិស្សុត បានមានប្រសាសន៍ថា ៖
“ក្នុងឆ្នាំ២០២១ រដ្ឋគ្រោងចំណាយថវិកាជាង ៨០០ លានដុល្លារ តែជាក់ស្តែងចាយអស់ដល់ទៅ ១ ៣៨១ លានដុល្លារឯណោះ ខណៈឆ្នាំ២០២២ គ្រោងនឹងដកលុយសន្សំ ៥០០ លានដុល្លារទៀត ដូចនេះប្រាក់សន្សំកន្លងមកនេះចាប់ផ្តើមថមថយហើយ”
ឯកឧត្តមរដ្ឋលេខាធិការនៅតែមានសុទិដ្ឋិនិយមថា យ៉ាងហោចណាស់ ក៏កម្ពុជា មិនចាំបាច់ខ្ចីលុយពីបរទេសដែរ ព្រោះជាទូទៅ ប្រទេសមួយចំនួន មិនមានថវិកាសន្សំដូចកម្ពុជានោះទេ ដែលទាមទារឱ្យខ្ចីថវិកាពីបរទេស ដើម្បីទប់ទល់វិបត្តិនេះ ខណៈ
សេដ្ឋកិច្ចកម្ពុជាត្រូវបានរំពឹងថា នឹងមានកំណើនចំនួន៥,៦ភាគរយ នៅក្នុងឆ្នាំ២០២២ និង៦,៦ភាគរយក្នុងឆ្នាំ២០២៣ ហើយកំណើននេះ នឹងកើនដល់រង្វង់៧ភាគរយវិញ នៅឆ្នាំ២០២៤។
ឯកឧត្តម វង្សី វិស្សុត បានមានប្រសាសន៍ថា ៖
“ការព្យាករជាវិជ្ជមាននៃកំណើនសេដ្ឋកិច្ចជាតិនេះ គឺកើតចេញពីលទ្ធផលដែលកម្ពុជាសម្រេចបានខ្ពស់នូវការចាក់វ៉ាក់សាំងបង្ការជំងឺកូវីដ-១៩ ដល់ពលរដ្ឋ និងការសម្របខ្លួនរស់នៅជាមួយកូវីដ-១៩ រួមទាំងការបើកប្រទេសឡើងវិញ”
បើតាមឯកឧត្តម វង្សី វិស្សុត ការនាំចេញផលិតផលកសិកម្ម និងទទួលបានលំហូរទុនវិនិយោគផ្ទាល់ពីបរទេស (FDI) ក៏ជាសក្កានុពលខ្ពស់សម្រាប់កម្ពុជា ដើម្បីសម្រេចបាននូវកំណើនក្នុងរង្វង់៧ភាគរយវិញ ខណៈរដ្ឋាភិបាលបានដាក់ឱ្យអនុវត្តនូវគោលនយោបាយស្តារសេដ្ឋកិច្ច ឆ្នាំ២០២១-២០២៣។ កម្មវិធីស្តារកំណើនសេដ្ឋកិច្ចកម្ពុជា សម្រាប់ឆ្នាំ ២០២១-២០២៣ ដែលជារួមនឹងបន្តងើបឡើងវិញពីនូវស័យកាត់ដេរ កម្មន្តសាលមិនមែនកាត់ដេរ កសិកម្ម ជាពិសេសវិស័យទេសចរណ៍។
លោកបណ្ឌិត ឈាង វណ្ណារិទ្ធ អគ្គនាយកនៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ច និងហិរញ្ញវត្ថុ បានឱ្យដឹងទៀតថា ការហក់ឡើងវិញនៃកំណើនសេដ្ឋកិច្ចនេះ គាំទ្រដោយកត្តាសំខាន់ៗពីរ ដូចជា ទី១- ការងើបឡើងវិញនៃតម្រូវការសកល និងការកើនឡើងថ្លៃកសិផលលើទីផ្សារអន្តរជាតិ ដែលបានជំរុញកំណើនវិស័យកាត់ដេរ វិស័យកម្មន្តសាលមិនមែនកាត់ដេរ កសិកម្ម(ដំណាំ) ជាដើម។ ទី២- ការសម្រេចបាននៃអត្រាចាក់វ៉ាសាំងខ្ពស់ ដែលបានបង្កើតភាពស៊ាំក្នុងសហគមន៍ និងបើកប្រទេសឡើងវិញជាផ្លូវការ ដែលជារួមបានជំរុញសកម្មភាពពាណិជ្ជកម្ម ធុរកិច្ចក្នុងស្រុកឱ្យត្រឡប់ទៅប្រក្រតីភាពវិញ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ឥណ្ឌូណេស៊ី ហាមឃាត់ Apple មិនឱ្យលក់ iPhone 16 នៅក្នុងប្រទេសរបស់ខ្លួន ដោយសារហេតុផលតែមួយប៉ុណ្ណោះ
ព្រឹត្តិការណ៍, អាជីវកម្មថ្មី និងនវានុវត្ត
• 22/01/2025
ឥឡូវនេះ ស្ថានភាពឥណ្ឌូណេស៊ី និង Apple កំពុងស្ថិតក្នុងភាពច្របូកច្របល់ពាក់ព័ន្ធនឹងការចូលទីផ្សារ និងការវិនិយោគ។ អាជ្ញាធរឥណ្ឌូនេស៊ីមិនអនុញ្ញាតឱ្យ Apple លក់ផលិតផលចុងក្រោយរបស់ខ្លួនគឺ iPhone 16 នៅក្នុងប្រទេសរបស់ខ្លួនឡើយ
មជ្ឈមណ្ឌលកីឡា ២៧១ របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅកម្ពុជារួមចំណែកជួយដល់សុខភាពប្រជាជន
ព្រឹត្តិការណ៍, អត្ថបទពាណិជ្ជកម្ម
• 22/01/2025
វត្តមាននៃមជ្ឈមណ្ឌលកីឡា ២៧១ នឹងជួយលើកស្ទួយដល់វិស័យសុខភាពប្រជាជនក្នុងតំបន់នេះឱ្យ កាន់ល្អប្រសើរ ព្រមទាំងផ្តល់ភាពងាយស្រួលមួយម្រិតទៀតទៅដល់អ្នករស់នៅក្នុងគម្រោងជីប ម៉ុង លែន
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឥណ្ឌូណេស៊ី ហាមឃាត់ Apple មិនឱ្យលក់ iPhone 16 នៅក្នុងប្រទេសរបស់ខ្លួន ដោយសារហេតុផលតែមួយប៉ុណ្ណោះ
Donald Trump ចុះហត្ថលេខាលើបទបញ្ជាប្រតិបត្តិប្តូរឈ្មោះឈូងសមុទ្រម៉ិកស៊ិកទៅជា “ឈូងសមុទ្រអាម៉េរិក”
Account
Security
Favourite Content