សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅពេលបច្ចុប្បន្ននេះ បើទោះបីជាមានការផ្សព្វផ្សាយយ៉ាងទូលាយអំពីចំណេះដឹងហិរញ្ញវត្ថុ ជាពិសេសពាក់ព័ន្ធទៅនឹងការសន្សំប្រាក់ជាមួយគ្រឹះស្ថានហិរញ្ញវត្ថុផ្លូវការដែលមានសុវត្ថិភាពខ្ពស់ ក្នុងគោលបំណងលើកកម្ពស់សេដ្ឋកិច្ចផ្ទាល់ខ្លួន ក៏ដូចជាសេដ្ឋកិច្ចគ្រួសារ និងការជៀសផុតពីបំណុលក៏ដោយ។ ទោះជាយ៉ាងណា ជាការកត់សម្គាល់គេឃើញមានប្រជាជនមួយចំនួននៅតែរក្សាការសន្សំរបស់ខ្លួនក្រៅផ្លូវការដែលអាចប្រឈមនឹងហានិភ័យ និងការខាតបង់ដដែល ជាពិសេស ការសន្សំដោយលេងតុងទីនតែម្ដង។ ដូច្នេះ ថ្ងៃនេះយើងនឹងយកអត្ថប្រយោជន៍នៃការលេងតុងទីន និងការដាក់ប្រាក់បញ្ញើក្នុងធនាគារ និងគ្រឹះស្ថានហិរញ្ញវត្ថុស្របច្បាប់មកជម្រាបជូន។
តើតុងទីនគឺជាអ្វី? និងមានហានិភ័យកម្រិតណា?
តុងទីន គឺជាការវិនិយោគមួយប្រភេទ ដែលត្រូវបានប្រជាជនកម្ពុជានិយមលេង ដើម្បីកៀរគរប្រាក់ចំណូល ក្នុងនោះមានតួអង្គដូចជា ៖
មេតុងទីន គឺជាអ្នកដែលប្រមែប្រមូលគ្នាដើម្បីចូលរួមលេងតុងទីន ហើយក៏ជាអ្នកទទួលខុសត្រូវក្នុងការប្រមែប្រមូលលុយតុងទីនផងដែរ ហើយកូនតុងទីន គឺជាអ្នកចូលរួមលេងដោយមានកាតព្វកិច្ចបង់ប្រាក់ជាប្រចាំទៅតាមកាលកំណត់ និងព្រមព្រៀងគ្នា។
យោងតាមផេក Knowledge Cambodia បានឱ្យដឹងថា ការលេងតុងទីន ជាកាដាក់ប្រាក់សន្សំជាប្រចាំតាមកាលកំណត់ស្រដៀងទៅនឹងការដាក់ប្រាក់សន្សំក្នុងធនាគារដែរ ប៉ុន្ដែទទួលបានអត្រាការប្រាក់ខ្ពស់ជាងធនាគារ ហើយក៏អាចបង់ការប្រាក់ច្រើនជាងកម្ចីផ្លូវការប្រសិនបើចង់ប្រមូលប្រាក់សន្សំមុនពេលកំណត់មកដល់។ ប្រសិនជាកូនតុងទីនត្រូវការលុយដោយដេញយកមុន នោះនឹងត្រូវបង់ទាំងដើម ទាំងការប្រាក់នៅខែ(វគ្គ)បន្ទាប់។ តែប្រសិនជាជ្រើសរើសយកដេញក្រោយគេ នោះនឹងទទួលបាននូវចំនួនប្រាក់យ៉ាងច្រើនរួមមានទាំងដើម ទាំងការប្រាក់។ ដោយសារទទួលបានប្រាក់ចំណេញច្រើនបែបនេះ ទើបពីមួយថ្ងៃទៅមួយថ្ងៃ មានអ្នកចូលរួមលេងតុងទីនយ៉ាងច្រើនកុះករ មានកូនតុងទីនខ្លះលេងរហូតដល់៥ក្បាល់ក៏មាន ។ ប៉ុន្តែ ការលេងតុងទីន ពិតជាមានហានិភ័យខ្ពស់ ព្រោះពុំមានកិច្ចសន្យា ឬកិច្ចព្រមព្រៀងជាលាយលក្ខណ៍អក្សរច្បាស់លាស់ណាមួយនោះឡើយ។ គ្រប់យ៉ាងគឺអាស្រ័យលើការទុកចិត្ដលើមេតុងទីនទាំងស្រុង ។
រាល់ហានិភ័យទាំងនោះរួមមាន ៖
– ក្នុងករណីកូនតុងទីនគ្មានលុយបង់(ជាទូទៅតុងទីនងាប់ហើយ) ការលេងតុងទីន គឺជាការចូលរួមលេងរវាងកូនតុងទីនជាច្រើន ដែលត្រូវបង់លុយជាប្រចាំតាមខែ(វគ្គ) តែបើមានកូនតុងទីនណាម្នាក់មិនព្រមបង់ នោះកូនតុងទីនដទៃទៀតក៏នឹងមិនបង់ដែរ ព្រោះខ្លាចមិនអាចប្រមូលបានលុយមកវិញ។
– ក្នុងករណីមេតុងទីនប្រមូលលុយរត់បាត់(អំពើឆបោក) នេះគឺជារឿងដែលត្រូវបានលេចឮជាច្រើនករណីមកហើយ ដែលមេតុងទីនឆបោក យកលុយតុងទីនរត់បាត់ស្រមោល។ មានកូនតុងទីនខ្លះត្រូវបានបាត់បង់លុយទាំងដើមទាំងការរហូតដល់រាប់សិបម៉ឺនដុល្លារក៏មាន។
ការដាក់ប្រាក់បញ្ញើរ និងគុណប្រយោជន៍ក្នុងធនាគារ និងគ្រឹះស្ថានហិរញ្ញវត្ថុស្របច្បាប់
លោកអ្នកតែងតែផ្តោតលើការស្វែងរកកន្លែងដែលមានសុវត្ថិភាព និងគួរឱ្យជឿទុកចិត្តក្នុងការថែរក្សាប្រាក់ឱ្យគង់វង្ស ហើយរំពឹងថាវានឹងកើនឡើងសម្រាប់បំពេញតម្រូវការប្រើប្រាស់ក្នុងគម្រោងអ្វីមួយ ឬដើម្បីគ្រួសារនាពេលអនាគត ដោយរួមបញ្ចូលទាំងអត្រាការប្រាក់ដ៏សមរម្យ ។ ដូច្នេះ ជម្រើសដ៏ល្អបំផុតសម្រាប់លោកអ្នក គឺការដាក់ប្រាក់បញ្ញើមានកាលកំណត់ជាមួយនឹងធនាគារ ឬគ្រឹះស្ថានហិរញ្ញវត្ថុស្របច្បាប់។
ដាក់ប្រាក់បញ្ញើមានកាលកំណត់ លោកអ្នកនឹងទទួលបានអត្រាការប្រាក់ដ៏ល្អគួរជាទីពេញចិត្ត ។ លោកអ្នកអាចជ្រើសរើសសន្សំជា ប្រាក់រៀល ប្រាក់ដុល្លារអាមេរិក ឬប្រាក់បាត តាមសេចក្តីត្រូវការ ។ លោកអ្នកក៏មានជម្រើសក្នុងការទទួលយកការប្រាក់តាម ៣ របៀប៖ ទទួលការប្រាក់រៀងរាល់ខែ ទទួលការប្រាក់រៀងរាល់៣ ខែ ឬទទួលការប្រាក់នៅពេលដល់កាលកំណត់ ។ អ្វីដែលសំខាន់បំផុតនោះគឺ អាចរក្សាសាច់ប្រាក់ប្រកបដោយសុវត្ថិភាព និងទទួលបានការប្រាក់ខ្ពស់តាមគោលការណ៍គ្រឹះស្ថាននីមួយៗ៕
Account
Security
Favourite Content