សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ពោធិ៍សាត់)៖ អ្នកនាំពាក្យក្រសួងបរិស្ថាន ឯកឧត្តម នេត្រ ភក្ក្រា ក្នុងឱកាសបើកយុទ្ធនាការអន្ទាក់ សូន្យដំណាក់កាលទី២ បានឱ្យដឹងថាកម្ពុជាកំពុងតែធ្វើការយ៉ាងជិតស្និតជាមួយប្រទេសឥណ្ឌា ដើម្បីនាំយកប្រភេទខ្លាធំចូលមកក្នុងដែនជម្រកសត្វព្រៃរបស់កម្ពុជា។
ការសហការនេះផងដែរ បានទទួលការគាំទ្រយ៉ាងពេញទំហឹងពីរាជរដ្ឋាភិបាលកម្ពុជា ស្របពេលដែល វត្តមានខ្លាធំរបស់កម្ពុជាត្រូវបានគេប្រទះឃើញចុងក្រោយនៅក្នុងឆ្នាំ ២០០៧ និងដែលត្រូវបានគេ ជឿថាវាបានផុតពូជពីប្រទេសកម្ពុជាហើយ។
អស់រយៈពេល ១៦ឆ្នាំមកនេះ កម្ពុជាមិនមាននូវប្រភេទខ្លាធំនេះក្នុងដែនជម្រកធម្មជាតិនោះទេ ដែលការណ៍នេះ បាននាំឱ្យមានអតុល្យភាពនៃជីវៈចម្រុះ។ ដូច្នេះហើយ កិច្ចខិតខំប្រឹងប្រែងក្នុងការ នាំយកប្រភេទខ្លាធំមកកម្ពុជាវិញ គឺជាការស្ដារជីវៈចម្រុះឱ្យមានភាពប្រសើរឡើងវិញ។
បើតាមប្រសាសន៍របស់ឯកឧត្តម នេត្រ ភក្ក្រា កម្ពុជាតាមរយៈក្រសួងបរិស្ថាន បានចុះអនុសារណៈ យោគយល់ជាមួយរដ្ឋាភិបាលនៃប្រទេសឥណ្ឌារួចរាល់តាំងពីខែវិច្ឆិកា ឆ្នាំ២០២២កន្លងទៅ ពោលគឺនៅអំឡុងពេលនៃកិច្ចប្រជុំអាស៊ាន ដែលកម្ពុជាជាម្ចាស់ផ្ទះ។
តាមរយៈកិច្ចសហការនេះ ឯកឧត្តម នេត្រ ភក្ក្រា មានក្ដីសង្ឃឹមថានិតិវិធីនឹងអាចសម្រេចនៅពេល ឆាប់ៗខាងមុខ ហើយឯកឧត្តម៖
“ជឿថាដំណើរការនេះ មានការវិវត្តជាវិជ្ជមាន យើងសង្ឃឹមថា ប្រទេស យើង នឹងមានលទ្ធភាពក្នុងការស្ដារខ្លាធំនេះ នៅក្នុងព្រៃធម្មជាតិឡើងវិញ”
គួរបញ្ជាក់ថា រហូតមកដល់ពេលនេះ ក្រសួងបរិស្ថាន ជាមួយនឹងអង្គការដៃគូរបាន និងកំពុងធ្វើការ ជាមួយគ្នាយ៉ាងសកម្មក្នុងការថែទាំនូវជីវៈចម្រុះដែលមានស្រាប់ ក៏ដូចជាស្ដារឡើងវិញនូវជីវៈចម្រុះ ដែលបានផុតពូជទៅ។ ជាក់ស្ដែង ក្រសួងក៏មានគម្រោងយកប្រភេទសត្វត្មាតមកកម្ពុជាបន្ថែមទៀត ផងដែរ ដោយហេតុថាត្មាតគឺជាភ្នាក់ងារបំបែកសំណល់ស្អុយរលួយដ៏ល្អបំផុត៕
Account
Security
Favourite Content