សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមសហព័ន្ធស្រូវអង្ករកម្ពុជា CRF កាលពីថ្ងៃទី៥ ខែឧសភា បានឱ្យដឹងថា ក្នុងរយៈពេល៤ខែ នៃឆ្នាំ២០២៥នេះ កម្ពុជាបាននាំចេញអង្ករ-ស្រូវសើមទៅកាន់ទីផ្សារអន្តរជាតិ ទទួលបានទឹកប្រាក់សរុបប្រមាណ ៩០០លានដុល្លារអាមេរិក ដោយក្នុងនោះ អង្ករចំនួន ២៨២ ៣១៣ តោន ក្នុងតម្លៃ២០៩.២២លាន ដុល្លារសហរដ្ឋអាមេរិក និងស្រូវសើមចំនួន ៣ ០៣១ ៤៣១ តោន មានតម្លៃប្រមាណ៧២៣.០៥លានដុល្លារសហរដ្ឋអាមេរិក។
សម្រាប់ការនាំចេញអង្ករក្នុងបរិមាណដូចបានបង្ហាញខាងលើនេះត្រូវបានធ្វើឡើងតាមរយៈក្រុមហ៊ុននាំចេញអង្ករចំនួន៤៨ ក្រុមហ៊ុន ទៅកាន់គោលដៅចំនួន ៥៩ ដែលក្នុងនោះទៅកាន់បណ្តាប្រទេសនៅក្នុងតំបន់អឺរ៉ុបចំនួន២៦ បានបរិមាណអង្ករចំនួន ១៣៤ ២១២ តោន គិតជាទឹកប្រាក់ចំនួន ១០៦.១៩ លានដុល្លារសហរដ្ឋអាមេរិក ទៅកាន់ប្រទេសចិន និងហុងកុង ចំនួន ៧០.៤៣៥តោន គិតជាទឹកប្រាក់ចំនួន ៤១.៣៨ លានដុល្លារសហរដ្ឋអាមេរិក ។
ដោយឡែក ចំពោះការនាំទៅកាន់ប្រទេសក្នុងអាស៊ានចំនួន៥ប្រទេស បានបរិមាណចំនួន៤០ ២៩១ តោន គិតជាទឹកប្រាក់ចំនួន ២៨.៨៨ លានដុល្លារសហរដ្ឋអាមេរិក និងទៅកាន់គោលដៅ ២៦ ប្រទេសផ្សេងទៀតមាន អាហ្វ្រិក មជ្ឈឹម បូព៌ា អាមេរិក កាណាដា អូស្ត្រាលី ញូហ្សេឡេន ។ល។ បានចំនួន ៣៧ ៣៧៥ តោន គិតជាទឹកប្រាក់ចំនួន ៣២.៧៧ លានដុល្លារសហរដ្ឋអាមេរិក។ សម្រាប់ប្រភេទអង្ករ បាននាំចេញអង្ករក្រអូបចំនួន៧៧.៩៤% ប្រភេទអង្ករសគ្រាប់វែង១៧.១៥% អង្ករចំហ៊ុយ ២.៤៧% អង្ករសរីរាង្គចំនួន ១.៩៥% និងអង្ករផ្សេងៗចំនួន ០.៤៩%។
សូមជម្រាបថា កាលពីឆ្នាំ២០២៤ កម្ពុជាមានផលិតកម្មស្រូវសរុបជាង១៣ លានតោន លើសឆ្នាំ២០២៣ ប្រមាណកន្លះលានតោន និងលើសកាលពី៥ឆ្នាំមុនប្រមាណ ៣លានតោន ដែលក្នុងនោះប្រមាណជា៥០% ត្រូវបាននាំចេញ ទាំងជាស្រូវ និងជាអង្ករ ។ ជាទូទៅ កម្ពុជាផលិតស្រូវលើសពីតម្រូវវការក្នុងស្រុកប្រមាណ ៥០ ភាគរយ ឬប្រមាណ ៦លានតោនក្នុងមួយឆ្នាំ។ ចំណែកឯរោងម៉ាស៊ីនកិនស្រូវខ្នាតមធ្យម និងធំ កាលពីឆ្នាំ២០២៤ មានចំនួន៨០រោងម៉ាស៊ីន ដែលមានស្តង់ដារអាចឆ្លើយតបទៅនឹងបទដ្ឋានអន្តរជាតិ លើផ្នែកសុវត្ថិភាពចំណីអាហារ និងមានលទ្ធភាពសម្ងួតស្រូវចំនួន៥០ពាន់តោន ស្រូវសើមក្នុងមួយថ្ងៃ៕
Account
Security
Favourite Content