សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ផ្សារខេមបូឌាត្រេដ នៃគម្រោងអភិវឌ្ឍន៍វិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា (របស់ក្រសួងពាណិជ្ជកម្មបានចុះហត្ថលេខាលើកិច្ចព្រមព្រៀងភាពជាដៃកូក្នុងការតភ្ជាប់ប្រព័ន្ធដឹកជញ្ជូនរបស់ក្រុមហ៊ុន DHL Cambodia ដើម្បីពង្រឹង និងពង្រីកវិស័យពាណិជ្ជកម្មឱ្យកាន់តែល្អប្រសើរ)។
លោកជំទាវ តឹករ៉េត កំរង រដ្ឋលេខាធិការក្រសួងពាណិជ្ជកម្ម បានលើកឡើងថា គម្រោងអភិវឌ្ឍន៍វិស័យពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា បាន និងកំពុងអនុវត្តដោយក្រសួងពាណិជ្ជកម្ម និងទទួលបានការគាំទ្រហិរញ្ញប្បទានពីកម្មវិធីពង្រឹងក្របខណ្ឌសមាហរណកម្មពាណិជ្ជកម្ម EIF ។
លោកជំទាវបានគូសបញ្ជាក់ថា ៖
“ការចុះហត្ថលេខាលើកិច្ចព្រមព្រៀងជាដៃគូនេះ នឹងក្លាយជាព្រឹត្តិការណ៍ដ៏ពិសេសមួយនៅក្នុងកិច្ចសហប្រតិបត្តិការជាមួយវិស័យឯកជន ជាពិសេស ក្រុមហ៊ុន DHL Cambodia ដើម្បីបង្កើនឱកាសសេដ្ឋកិច្ចជូនដល់សហគ្រាសធុនតូច និងមធ្យមនៅកម្ពុជាតាមរយៈការដាក់លក់ផលិតផលខ្មែរសម្រាប់អតិថិជន និងដៃគូអាជីវកម្មជាមួយប្រព័ន្ធដឹកជញ្ជូនដែលមានទំនុកចិត្តខ្ពស់”
លោកជំទាវ តឹករ៉េត កំរង បានមានប្រសាសន៍ថា ៖
“នៅក្រោមកិច្ចព្រមព្រៀងជាដៃគូនេះ ផ្សារខេមបូឌាត្រេដរបស់ក្រសួងពាណិជ្ជកម្ម នឹងត្រូវតភ្ជាប់ជាមួយប្រព័ន្ធដឹកជញ្ជូនសម្រាប់ទីផ្សារក្រៅប្រទេសរបស់ក្រុមហ៊ុន DHL Cambodia ដើម្បីជួយសម្រួលដល់សហគ្រាសធុនតូច និងមធ្យម SMEs ដើម្បីអាចលក់ និងនាំចេញផលិតផលកម្ពុជាទៅកាន់ទីផ្សារអន្តរជាតិបានយ៉ាងងាយស្រួល និងប្រកបដោយសុវត្ថិ”
ការតភ្ជាប់ប្រព័ន្ធទាំងពីរនេះ នឹងជួយដល់សហគ្រិនក្នុងស្រុក ជាពិសេស សហគ្រាសធុនតូចនិងមធ្យមកម្ពុជា ដែលលក់ផលិតខ្មែរ ក្នុងការពង្រីកការលក់ និងទីផ្សាររបស់ខ្លួន និងប្រាក់ចំណូលតាមរយៈការធ្វើពាណិជ្ជកម្មតាមប្រព័ន្ធអេឡិចត្រូនិកក្នុងផ្សារខេមបូឌាត្រេដ ខណៈដែលសកម្មភាពនេះ នឹងជំរុញដល់បរិយាប័ន្នហិរញ្ញវត្ថុ និងវឌ្ឍនភាពឌីជីថលបន្ថែមទៀតរបស់ប្រទេស។
ជាមួយគ្នានេះ លោក Prayag Chitrakar នាយកប្រចាំប្រទេសនៃក្រុមហ៊ុន DHL Cambodia បានមានប្រសាសន៍ថា ភាពជាដៃគូនេះ អនុញ្ញាតឱ្យយើងផ្ដល់ជូនសហគ្រាសធុនតូច និងមធ្យមនូវឱកាសធ្វើពាណិជ្ជកម្មតាមប្រព័ន្ធអេឡិចត្រូនិកតាមរយៈផ្សារខេមបូឌាត្រេដរបស់ក្រសួងពាណិជ្ជកម្ម។
លោកបានបន្តទៀតថា ៖
“ក្រុមហ៊ុន DHL Cambodia បានត្រៀមខ្លួនរួចជាស្រេចក្នុងការបន្តកិច្ចសហប្រតិបត្តិការជាមួយក្រសួងពាណិជ្ជកម្ម ដើម្បីសម្រេចបាននូវគោលដៅ និងលទ្ធផលនៃកិច្ចព្រមព្រៀងជាដៃគូនេះ”
សូមបញ្ជាក់ថា ផ្សារពាណិជ្ជកម្មតាមប្រព័ន្ធអេឡិចត្រូនិកខេមបូឌាត្រេត (CambodiaTrade E-Marketplace) ត្រូវបានសម្ពោធដាក់ឱ្យដំណើរការជាផ្លូវការកាលពីថ្ងៃព្រហស្បតិ៍ទី៣១ ខែមីនា ឆ្នាំ២០២២ ជាទីផ្សារអនឡាញ ដែលផ្តល់ជូននូវផលិតផលដែលផលិតនៅប្រទេសកម្ពុជា ដើម្បីដំណើរការលើអ៊ីនធឺណិត ជួយដល់សហគ្រាសធុនតូច និងមធ្យមក្នុងស្រុកឱ្យមានទីផ្សារ ជំរុញប្រតិបត្តិការពាណិជ្ជកម្មតាមប្រព័ន្ធអេឡិចត្រូនិក ជាពិសេសឆ្លើយតបទៅនឹងនិន្នាការបដិវត្តន៍ឧស្សាហកម្ម ៤.០៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
បុរសម្នាក់កែច្នៃត្រឡោកដូងទៅជាធ្យូងអនាម័យ ជួយដល់សុខមាលភាពប្រជាជន
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
ជំនួសឱ្យការយកឈើទៅដុត បុរសម្នាក់បានប្រមូលយកត្រឡោកដូងដែលគេកោសសាច់រួច ទៅដុតឱ្យចេញជាធ្យូងអនាម័យ។
Hilltribe Organics ជួយបង្កើនប្រាក់ចំណូលជនជាតិភាគតិចនៅប្រទេសថៃជាង ៥០០ ដុល្លារក្នុងមួយខែពីការចិញ្ចឹមមាន់យកស៊ុតសរីរាង្គ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Hilltribe Organics បានរួមបញ្ចូលជនជាតិដើមភាគតិចដែលចិញ្ចឹមមាន់យកស៊ុតទៅក្នុងខ្សែសង្វាក់តម្លៃនៃផលិតផលសរីរាង្គរបស់ខ្លួន និងបានជួយបង្កើនប្រាក់ចំណូលរបស់ពួកគេបីដង ឬជាង ៥០០ ដុល្លារក្នុងមួយខែ
Doi Kham ក្រុមហ៊ុនធុរកិច្ចបរិយាបន្នថៃផ្តោតសំខាន់ជួយគាំទ្រជីវភាពក្រុមកុលសម្ព័ន្ធភ្នំ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 26/04/2024
Doi Kham បានជួយគាំទ្រដល់ក្រុមពលរដ្ឋកុលសម្ព័ន្ធជាច្រើនរយពាន់គ្រួសារតាមរយៈការទទួលទិញគ្រាប់កាហ្វេដែលមានគុណភាពខ្ពស់ដោយផ្ទាល់ពីសហគមន៍ទាំងនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content