សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ នៅថ្ងៃទី២៧ ខែមីនា ឆ្នាំ២០២៥ បានរៀបចំវគ្គបណ្តុះបណ្តាលស្តីពី «ការរៀបចំផែនការយុទ្ធសាស្រ្តថវិកា គម្រោងថវិកាប្រចាំឆ្នាំ និងកិច្ចព្រមព្រៀងសមិទ្ធកម្ម» ជាលើកទី៣ ក្រោមកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ។
ថ្លែងក្នុងសុន្ទរកថាបើកវគ្គបណ្តុះបណ្តាលនេះ ឯកឧត្តមបណ្ឌិត ញឹម ខេមរា រដ្ឋលេខាធិការប្រចាំការ និងជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈនៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានលើកឡើងពីសារៈសំខាន់នៃការកសាងសមត្ថភាពមន្ត្រីទទួលបន្ទុកថវិកានៅតាមបណ្តាអគ្គនាយកដ្ឋាន វិទ្យាស្ថាន និងមជ្ឈមណ្ឌលក្រោមឱវាទក្រសួង ដែលជាអង្គភាពថវិកាអាណាប័កផ្ទេរសិទ្ធិពេញលេញ។
វគ្គបណ្តុះបណ្តាលនេះក៏ជាវេទិកាជជែកពិភាក្សាផ្ទៃក្នុង ដើម្បីចែករំលែកបទពិសោធន៍ និងស្វែងរកធាតុចូលសំខាន់ៗពីតាមបណ្តាអង្គភាពនានាសម្រាប់ជាមូលដ្ឋានក្នុងការត្រៀមលក្ខណៈរៀបចំផែនការយុទ្ធសាស្រ្តថវិកាឆ្នាំ២០២៦-២០២៨ និងការរៀបចំគម្រោងថវិកាឆ្នាំ២០២៦ របស់ក្រសួង ។
វគ្គបណ្តុះបណ្តាលនេះបានទទួលការគាំទ្រទាំងផ្នែកបច្ចេកទេស និងហិរញ្ញវត្ថុពីអគ្គលេខាធិការដ្ឋាន គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ៕
Account
Security
Favourite Content