សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNN បានរាយការណ៍ថា វៀតណាម នឹងកាត់បន្ថយពន្ធលើផលិតផលអាមេរិកមួយចំនួនជាមួយនឹងការអនុម័តឲ្យមានសេវាកម្មអ៊ីនធឺណិតតាមផ្កាយរណប Starlink ដើម្បីជៀសវាងពីការវាយប្រហារតាមរយៈពន្ធរបស់សហរដ្ឋអាម៉េរិក។
បន្ទាប់ពីប្រធានាធិបតីអាម៉េរិក Donald Trump បានប្រកាសពីផែនការដាក់ពន្ធទូលំទូលាយលើដៃគូពាណិជ្ជកម្ម វៀតណាម បានរៀបចំនូវវិធានការជាបន្តបន្ទាប់រួមមាន ការជំរុញការនាំចូលជាដើម ដើម្បីកាត់បន្ថយអតិរេកពាណិជ្ជកម្មរបស់ខ្លួនជាមួយទីក្រុងវ៉ាស៊ីនតោន ដែលលើសពី ១២៣ ពាន់លានដុល្លារកាលពីឆ្នាំមុន។
ប្រធាននាយកដ្ឋានគោលនយោបាយពន្ធរបស់ក្រសួងហិរញ្ញវត្ថុវៀតណាម Nguyen Quoc Hung លើកឡើថា ពន្ធលើឧស្ម័នធម្មជាតិរាវ (LNG) ដែលនាំចូលពីអាម៉េរិកនឹងត្រូវកាត់បន្ថយពី ៥ ភាគរយមកត្រឹម ២ ភាគរយ, ពន្ធលើរថយន្តនៅចន្លោះ ៤៥ ភាគរយទៅ ៦៤ ភាគរយនឹងកាត់បន្ថយមកត្រឹមច ៣២ ភាគរយ, និងពន្ធលើអេតាណុលនឹងកាត់បន្ថយពី ១០ ភាគរយមកត្រឹម ៥ ភាគរយ។ ការកាត់បន្ថយពន្ធនេះមានគោលបំណងធ្វើឲ្យប្រសើរឡើងនូវសមតុល្យពាណិជ្ជកម្មជាមួយដៃគូ ខណៈពេលដែលសហរដ្ឋអាមេរិក និងវៀតណាមមិនទាន់ចុះហត្ថលេខាលើកិច្ចព្រមព្រៀងពាណិជ្ជកម្មសេរីនោះទេ ទោះបីជាភាគីទាំងពីរមានទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយក៏ដោយ។
យ៉ាងណាក៏ដោយ ទោះបីជាវៀតណាមមិនទាន់បាននាំចូលឧស្ម័នធម្មជាតិរាវ (LNG) ពីអាម៉េរិកនៅឡើយ ប៉ុន្តែប្រទេសនេះកំពុងពិភាក្សាជាមួយអ្នកផ្គត់ផ្គង់អាម៉េរិកសម្រាប់អនាគតនៃរោងចក្រថាមពល LNG របស់ខ្លួន ដែលរោងចក្រពីរដំបូងគេគ្រោងនឹងចាប់ផ្តើមផលិតថាមពលពាណិជ្ជកម្មនៅខែមិថុនាឆ្នាំនេះ។ លោក Hung លើកឡើងថា ក្រឹត្យស្តីពីការកាត់បន្ថយពន្ធនឹងអនុម័តឲ្យបានរួចរាល់ក្នុងខែនេះ ហើយនឹងចូលជាធរមានភ្លាមៗបន្ទាប់ពីនោះ។ មិនត្រឹមតែប៉ុណ្ណោះ ពន្ធលើអេតាននឹងត្រូវដកចេញ ហើយពន្ធនឹងត្រូវកាត់បន្ថយលើការនាំចូលផ្សេងទៀតរួមមាន ភ្លៅមាន់ អាល់ម៉ុន ផ្លែប៉ោម ផ្លែឆឺរី និងផលិតផលឈើ។ល។
ទន្ទឹមនឹងនេះ រដ្ឋាភិបាលវៀតណាមបានសម្រេចចិត្តអនុញ្ញាតឱ្យ SpaceX បើកដំណើរការសេវាអ៊ីនធឺណិតតាមផ្កាយរណប Starlink សាកល្បងក្នុងប្រទេស។ អ្នកវិភាគមួយចំនួនមើលឃើញថា ការអនុញ្ញាតឱ្យក្រុមហ៊ុនអាមេរិកបើកដំណើរការសេវាអ៊ីនធឺណិតនៅក្នុងប្រទេសវៀតណាម ជាវិធានការមួយក្នុងចំណោមវិធានការដែលប្រទេសនេះកំពុងអនុវត្ត ដើម្បីជៀសវាងការរងការវាយប្រហារតាមរយៈពន្ធរបស់សហរដ្ឋអាមេរិក។ ថ្មីៗនេះ Trump ប្រកាសពីផែនការយកពន្ធសងសឹកទៅវិញទៅមកឲ្យមានភាពស្មើគ្នាលើប្រទេសមួយចំនួនចាប់ពីថ្ងៃទី ២ ខែមេសា ឆ្នាំ២០២៥ តទៅ៕
Account
Security
Favourite Content