សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ជាតួលេខស្រាវជ្រាវមួយដែលត្រូវបានធ្វើឡើងរវាងកាសែតវ៉ាស៊ីនតោនប៉ុស្តិ៍ WaPo(Washtington Post) ជាមួយនឹងបណ្តាញសារព័ត៌មាន ABC និងត្រូវបានយកមកចេញផ្សាយកាលពីថ្ងៃទី៤ ខែវិច្ឆិកា កន្លងមកនេះបានបង្ហាញថា ពលរដ្ឋអាមេរិកភាគច្រើនបានបង្ហាញក្តីបារម្ភអំពីបញ្ហាអំពើហិង្សាក្នុងប្រទេសដែលបង្កឡើងតាមរយៈនយោបាយរបស់គណបក្សធំៗ។
របាយការណ៍បានបង្ហាញថា ពលរដ្ឋអាមេរិកទូទៅមិនថាទោះជាអ្នកគាំទ្រគណបក្សសាធារណៈ ឬបក្សប្រជាធិបតេយ្យនោះទេ ដោយក្នុងចំណោមមនុស្ស១០នាក់ មាន៩នាក់ ឬត្រូវជា ៨៨ភាគរយមានក្តីព្រួយបារម្ភថា ការបែងចែកនយោបាយក្នុងប្រទេសកាន់តែខ្លាំងនឹងអាចរុញច្រានឲ្យអាមេរិកឱ្យធ្លាក់ចូលទៅដល់ចំណុចមួយដែលសកម្មភាពនយោបាយនឹងអាចបង្កើនចំនួនហិង្សានៅក្នុងប្រទេស ដោយក្នុងនោះមាន៦នាក់ក្នុងចំណោម១០នាក់គឺជាអ្នកដែលមានការព្រួយបារម្ភខ្លាំង ឬ «very concerned » ចំពោះប្រធានបទនេះ។
របាយការណ៍គួរឲ្យចាប់អារម្មណ៍នេះអាចឲ្យគេមើលឃើញដែរថា ក្នុងចំណោមពលរដ្ឋដែលបារម្ភចំពោះសកម្មភាពហិង្សាដោយនយោបាយភាគច្រើនបានទំលាក់បន្ទុកទៅលើគណបក្សសាធារៈថាជាអ្នកបង្កឱកាសសម្រាប់អំពើហិង្សា ឬប្រហែលជា ៣១ភាគរយ ខណៈដែល២៥ភាគរយបន្ទោសទៅលើបក្សប្រជាធិបតេយ្យ និងបក្សផ្សេងៗ ហើយ៣២ភាគរយផ្សេងទៀតគឺបន្ទោសទៅលើគណបក្សទាំងពីរតែម្តង ហើយក្នុងនោះអ្នកគាំទ្ររបស់បក្សទាំងពីរគឺបានស្តីបន្ទោសបក្សប្រឆាំងរបស់គេរៀងខ្លួន។
តួលេខស្រាវជ្រាវដែលត្រូវបានធ្វើឡើងនៅបន្ទាប់ពីរយៈពេលមួយសប្តាហ៍ប៉ុណ្ណោះបន្ទាប់ពីស្វាមីលោកស្រីប្រធានសភាលោកស្រី Nancy Pelosi គឺលោក Paul Pelosi ត្រូវបានគេលួចវាយប្រហារនៅគេហដ្ឋាន ហើយត្រូវបានបញ្ចូនទៅមន្ទីរពេទ្យដើម្បីព្យាបាលរបួស ខណៈដែលឧក្រិដ្ឋជនដែលត្រូវបានគេស្គាល់ឈ្មោះថាជាលោក DePape អាយុ៤២ឆ្នាំ បានសារភាពថា លោករៀបចំផែនការដើម្បីសម្លាប់លោកស្រី Nancy ប៉ុណ្ណោះ។
នៅក្នុងឯកសារជាច្រើនដែលគេបានស្រាវជ្រាវនៅក្នុងហេតុការណ៍នេះគេបានរកឃើញថា លោក DePape បានធ្វើការសរសេរ និងបង្ហោះសារជាច្រើនដែលមានអត្ថន័យរើសអើង និងប្រកាន់ពូជសាសន៍ ជាពិសេសគឺគាំទ្រលោកអតីតប្រធានាធិបតី Trump ខ្លាំង និងជំហប្រឆាំងទៅនឹងបក្សប្រជាធិបតេយ្យ។
គួរឲ្យដឹងដែរថា ក្នុងអត្ថន័យដើម្បីត្រៀមទទួលលទ្ធផលនៃការបោះឆ្នោតពាក់កណ្តាលអាណត្តិរបស់អាមេរិកនាថ្ងៃទី៨ ខែវិច្ឆិកា ឆ្នាំ២០២២ស្អែកនេះ ដោយកាលពីល្ងាចថ្ងៃពុធកន្លងទៅ លោកប្រធានាធិបតី Joe Biden បានអង្វរឲ្យប្រទេសជាតិ និងពលរដ្ឋក្នុងការទទួលយកគោលការណ៍ជាមូលដ្ឋាននៃលទ្ធិប្រជាធិបតេយ្យ ដើម្បីទទួលយកលទ្ធផលបោះឆ្នោត និងជៀសវាងការប្រើអំពើហិង្សាដាក់គ្នាផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្ពុជា និងសិង្ហបុរី បន្តកិច្ចសហប្រតិបត្តិការលើកម្មសិទ្ធិឧស្សាហកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 24/01/2025
ក្រសួងឧស្សាហកម្ម និងអង្គភាពកម្មសិទ្ធិបញ្ញាសិង្ហបុរីចុះហត្ថលេខាបន្តសុពលភាពនៃអនុស្សរណៈ យោគយល់ស្តីពីកិច្ចសហប្រតិបត្តិការផ្នែកកម្មសិទ្ធិឧស្សាហកម្ម
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content