សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ផ្លូវជាតិលេខ ៧១C គឺជាខ្សែផ្លូវយុទ្ធសាស្ត្រប្រទាក់ក្រឡាយ៉ាងសំខាន់ និងបានតភ្ជាប់ជាមួយបណ្តាញខ្សែផ្លូវជាតិ និងផ្លូវមួយចំនួន ដូចជាផ្នែកខាងកើតតភ្ជាប់ជាមួយផ្លូវជាតិលេខ៧ ផ្លូវជាតិលេខ៧៣ និងខ្សែផ្លូវផ្សេងទៀតក្នុងទិសដៅទៅកាន់ទីតាំងភូមិសាស្ត្រនានាក្នុងខេត្តត្បូងឃ្មុំ ខេត្តក្រចេះ និងច្រកព្រំដែនកម្ពុជា- វៀតណាម ដោយឡែកផ្នែកខាងលិចវិញ តភ្ជាប់ជាមួយផ្លូវជាតិលេខ៧១ ផ្លូវលេខ២៧៧ និងខ្សែផ្លូវផ្សេងៗ ក្នុងទិសដៅទៅកាន់ខេត្តកំពង់ចាម ខេត្តកំពង់ធំ និងតំបន់ផ្សេងៗ។
យោងតាមក្រសួងសាធារណការ និងដឹកជញ្ជូន បានឱ្យដឹងថា បច្ចុប្បន្ន ផ្លូវជាតិលេខ៧១C បាន និងកំពុងបម្រើដល់ការតភ្ជាប់ទំនាក់ទំនងសកម្មភាព ពាណិជ្ជកម្ម និងទេសចរណ៍ ជាពិសេសការធ្វើដំណើររបស់បងប្អូនប្រជាពលរដ្ឋដែលរស់នៅខេត្តត្បូងឃ្មុំ ខេត្តកំពង់ចាម និងខេត្តជាប់ព្រំប្រទល់គ្នាផ្សេងៗទៀត ព្រមទាំងសម្រួលដល់ដល់ការដឹកជញ្ជូនផលិតផលកសិកម្ម និងកសិ-ឧស្សាហកម្មកាន់តែរហ័ស កាត់បន្ថយការចំណាយថវិកា និងចំណេញពេលវេលា។
សូមជម្រាបថា ផ្លូវជាតិលេខ ៧១C មានប្រវែង ១១៤,៦២គីឡូម៉ែត្រ ចាប់ពីផ្លូវជាតិលេខ៧ ចំណុច PK150+700 ក្នុងខេត្តត្បូងឃ្មុំ រហូតទៅដល់ផ្លូវជាតិលេខ៧១ ចំណុច PK30+400 ក្នុងខេត្តកំពង់ចាម ត្រូវបានបើកសម្ពោធដាក់ឱ្យប្រើប្រាស់ជាផ្លូវការនៅថ្ងៃទី ១២ ខែមេសា ឆ្នាំ ២០២៥។ផ្លូវជាតិលេខ ៧១C ចំណាយថវិកាសាងសង់ ១៣៣ លានដុល្លារ ជាឥណទានសម្បទានពីរដ្ឋាភិបាលចិន។
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា ៖សមិទ្ធផលនានា ជាពិសេសផ្លូវលេខ ៧១C ជាចំណងដៃថ្មីមួយដែលនឹងជួយសម្រួលដល់ការធ្វើដំណើរប្រចាំថ្ងៃ និងការដឹកជញ្ជូនរបស់ប្រជាពលរដ្ឋ ។ នេះជាកិច្ចខិតខំប្រឹងប្រែងរបស់រាជរដ្ឋាភិបាលក្នុងការបន្តអភិវឌ្ឍទៅមុខឥតឈប់ឈរលើវិស័យហេដ្ឋារចនាសម្ព័ន្ធ ដឹកជញ្ជូន ការតភ្ជាប់ប្រទាក់ក្រឡា ពីតំបន់មួយទៅតំបន់មួយជាបន្តបន្ទាប់នៅទូទាំងប្រទេស។
សម្ដេចធិបតី ហ៊ុន ម៉ាណែត បានបន្តថា៖ ផ្លូវជាតិលេខ ៧១C នេះ រំពឹងថា នឹងជួយលើកកម្ពស់ប្រសិទ្ធភាពនៃការនាំចេញផលិតផលកសិកម្ម កសិ-ឧស្សាហកម្ម ជាពិសេសកៅស៊ូ ដែលជាតម្រូវការចាំបាច់របស់សាកលលោក ព្រមទាំងអាចជួយទាក់ទាញទេសចរ និវិនិយោគិនបន្ថែមទៀតឱ្យមកកាន់តំបន់នេះ សំដៅធ្វើឱ្យប្រសើរឡើងជីវភាពប្រជាពលរដ្ឋ៕
Account
Security
Favourite Content