រាជរដ្ឋាភិបាល​នឹង​បន្តវិភាជន៍ថវិកា​ដើម្បីតភ្ជាប់ផ្លូវ​ពីតំបន់មួយទៅតំបន់មួយ​

ភ្នំពេញ ៖ ក្នុងគោលបំណងកាត់បន្ថយ និងជួយសម្រួលដល់ការ​ធ្វើដំណើរ ក៏ដូចជាការដឹកជញ្ជូន​របស់ប្រជាពលរដ្ឋ ក្រុមហ៊ុន​វិនិយោគ​នានានៅ​ក្នុង​ប្រ​ទេ​ស​​កម្ពុ​ជា​ រាជរដ្ឋាភិបាល​បានអភិវឌ្ឍន៍​ហេដ្ឋារចនាសម្ព័ន្ធជា​បន្តបន្ទាប់​តភ្ជាប់ពី​តំបន់មួយទៅតំបន់មួយ​ ពី​ខេត្ត​មួ​យ​ទៅខេត្តមួយ និង​តភ្ជាប់តំបន់ក្នុងខេត្ត​ផងដែរ។​ ជាមួយគ្នានេះ ប្រមុខ​រាជរដ្ឋាភិបាលក៏បានប្រកាស​ពីការ​បន្ត​ធ្វើ​វិភាជន៍​ថវិ​កា​ដើម្បី​សាងសង់ផ្លូវ​​តភ្ជាប់បន្ថែមទៀត​នៅក្នុងប្រទេស​ផងដែរ។

ថ្លែង​នៅក្នុងពិធី​សម្ពោធ​ផ្លូវ​ពីរ​ខ្សែ​នៅខេត្តព្រះសីហនុកាលពីព្រឹកថ្ងៃទី​២២ ធ្នូ ឆ្នាំ​២០២២​នេះ សម្ដេចអគ្គ​ម​ហា​សេនា​បតីតេជោ ហ៊ុន សែន​ នាយករដ្ឋមន្ត្រី​នៃព្រះរាជាណាចក្រកម្ពុជា​បានមានប្រសាសន៍ថា​ នៅចុងឆ្នាំ២០២២​នេះ ​ក៏ដូចជា​នៅដើមឆ្នាំ​២០២៣​ខាងមុខ ​រដ្ឋាភិបាល​នឹង​បើក​ការដ្ឋានសាងសង់​ផ្លូវជា​បន្តបន្ទាប់ និងជាច្រើនខ្សែ​ទៀត ដូចជា​ផ្លូវ៤១ ពីកំពង់ស្ពឺ​ទៅ​ខេត្តកំពត ផ្លូវជាតិលេខ​៧​ ផ្លូវ​លេខ​៣៣ និងផ្លូវជាតិលេខ ៣១ ជាដើម ។

សម្ដេច​បានមានប្រសាសន៍ថា​​ ៖

“រដ្ឋាភិបាល​នឹង​បន្ត​ធ្វើវិភាជន៍ថវិកា​បន្តទៀត​ដើម្បីសាងសង់​ផ្លូវ ស្ពាន តភ្ជាប់​ពីតំបន់មួយទៅតំបន់មួយ កាន់តែច្រើន​បន្ថែមទៀត និងត្រូវតែមានគុណភាពជា​ង​មុន​​ទៀតផងដែរ ។ ពីមុន​យើង​​ធ្វើ​ផ្លូវ​ចំណាយលុយតិច​តែត្រូវ​ធ្វើ​ផ្លូវឱ្យ​វែង តែពេលនេះយើងបានផ្លាស់ប្តូរ​ត្រូវតែធ្វើឱ្យ​ជាប់ ជាក់ស្ដែង​ផ្លូវ​សម្ដេច​សង្ឃរាជទេព វង្ស​ជាដើម គឺប្រវែង​១គីឡូម៉ែត្រ​ ត្រូ​វចំណាយថវិកា​ប្រមាណ​ជិត​២លានដុល្លារ​អាមេរិក”

សម្ដេច​បន្ថែមថា​ ៖

“បច្ចុប្បន្ននេះ រាជរដ្ឋាភិបាលកម្ពុជាមាន​គម្រោង​ផែនការ​ក្នុង​សាងសង់ផ្លូវ​ ស្ពាន​ជាច្រើន ដែ​ល​​​ក្នុងនោះគម្រោង​ខ្លះ​បាន​បញ្ចប់កា​រសិក្សា និង​ដាក់សំណើរទៅ​ដៃគូអភិវឌ្ឍន៍​របស់​យើង គម្រោង​ខ្លះទៀ​ត​ស្ថិតនៅក្នុងគម្រោង​សិក្សានៅឡើយ​ ​ដើម្បីធ្វើយ៉ាងណាឱ្យ​មានភាពងាយស្រួល​ក្នុងការ​ធ្វើដំណើរ​ ចំ​ណាយ​ពេ​លវេលា និងថវិកា​កាន់តែតិច។ ពីមុនការធ្វើ​ដំណើរចំងាយត្រឹមតែ​៤០​គីឡូម៉ែត្រ​តែ​ត្រូវ​ចំណាយពេល​ពីរទៅបីម៉ោង​ ហើយអស់សាំង​ច្រើនទៀត តែនៅពេលមានផ្លូវ​ស្រួ​ល​ការ​ធ្វើដំណើរ​ចំងាយ​ប៉ុណ្ណឹង​ចំណាយពេល​ត្រឹមតែ១ម៉ោង​យ៉ាងយូរ​ហើយក៏អស់សាំងតិច​ដែរ”

សម្ដេច​បានបន្ថែមទៀត​ថា​ ក្រៅពីកា​រតភ្ជាប់ផ្លូវក្នុងប្រទេស​ រាជរដ្ឋាភិបាលក៏​មាផែនការ​ និងគម្រោង​តភ្ជាប់​ផ្លូវ​ពីកម្ពុជា​ទៅកាន់តំបន់ព្រំដែន​ដូចជា​ព្រំដែន​ថៃ​ ព្រំដែនវៀតណាម​បន្ថែមទៀត ដើម្បីជំរុញដល់ការ​ធ្វើ​ពាណិ​ជ្ជ​កម្ម ​​និងការ​វិនិយោគ​ ។ ជាក់ស្ដែងបច្ចុប្បន្ននេះកំពុង​តែសិក្សា​លើការ​តភ្ជាប់ផ្លូវដែក​ល្បឿនលឿន​ពីភ្នំពេញ​ទៅក្រុង​ព្រះ​សីហនុ និងពីព្រះសីហនុ​ទៅកាន់​ព្រំដែន​កម្ពុជា​ថៃ ដែល​ផ្លូវ​ដែកល្បឿនលឿន​នេះ​នឹង​ជំរុញ​សេដ្ឋ​កិច្ច​កម្ពុ​ជា​​​ឱ្យ​មានសន្ទុះ រីក​ចម្រើនបន្ថែម ខណៈផ្លូវ​ដែក​ដែល​កម្ពុជា​មានសព្វថ្ងៃនេះមិនអាច​ធ្វើឱ្យ​មាន​ការអភិវឌ្ឍ​សេដ្ឋកិច្ចខ្លាំងបាននោះទេ ។

បើតាមប្រសាសន៍សម្ដេចតេជោ ហ៊ុន សែន រាជរដ្ឋាភិបាលបានកំណត់យក​តំបន់៣ជាអាទិភាពនៃការអភិវឌ្ឍ​ប៉ូ​លសេដ្ឋកិច្ច ក្នុងនោះមានរាជធានីភ្នំពេញ ខេត្តព្រះសីហនុ​ និងខេត្តសៀមរាប ដែលតំបន់ទាំ​ង​៣នេះ​ឃើ​ញថា​មា​ន​កា​​រអ​​ភិវ​ឌ្ឍ​​​លើ​ហេដ្ឋារចនាសម្ព័ន្ធច្រើនជាងគេ​ក្នុងចំណោម​បណ្ដាខេត្ត​ដទៃទៀត  ខណៈតំបន់ទាំង៣ នេះក៏កំពុង​ទទួល​បានការ​ចាប់អារម្មណ៍លើការ​វិនិយោគ ​និងគម្រោង​វិនិយោគជាច្រើនផងដែរ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម