សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រាជរដ្ឋាភិបាលកម្ពុជាថ្មីដែលដឹកនាំឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាថ្ងៃទី ២៤ ខែសីហា ឆ្នាំ២០២៣ បានប្រកាសចេញជាផ្លូវការនូវយុទ្ធសាស្រ្តបញ្ចកោណ-ដំណាក់កាលទី១ រួមមានបាវចនាចំនួន៥ គោលដៅយុទ្ធសាស្រ្តចំនួន៥ និងអាទិភាពគន្លឹះចំនួន៥ ដែលជាគោលដៅសំខាន់ៗក្នុងការជំរុញកំណើនសេដ្ឋកិច្ចប្រទេសកម្ពុជា។
បើតាមយុទ្ធសាស្រ្តបញ្ចកោណ-ដំណាក់កាលទី១ គោលដៅយុទ្ធសាស្រ្តទាំង៥របស់ រាជរដ្ឋាភិបាលកម្ពុជារួមមាន ៖ ទី១ ធានាឲ្យបានកំណើនសេដ្ឋកិច្ចក្នុងអត្រាមធ្យមប្រចាំឆ្នាំក្នុងរង្វង់៧% ប្រកបដោយភាពធន់នឹងវិបត្តិនានា ទី២ បង្កើតការងារឲ្យបានកាន់តែច្រើន ទាំងបរិមាណ និងគុណភាព ជូនដល់ប្រជាពលរដ្ឋកម្ពុជា ជាពិសេសសម្រាប់យុវជន។
គោលដៅយុទ្ធសាស្ត្រទី៣ គឺសម្រេចឲ្យបាននូវគោល ដៅកាត់បន្ថយភាពក្រីក្រក្នុងអត្រាទាបជាង១០% និងបន្តខិតខំទាញទម្លាក់អត្រានៃភាពក្រីក្រឲ្យស្ថិតនៅក្នុងកម្រិតអប្បបរមា។ ទី៤ បន្តពង្រឹងសមត្ថភាពអភិបាលកិច្ច និងលើកកម្ពស់គុណភាពស្ថាប័ន ទាំងថ្នាក់ជាតិ និងថ្នាក់ក្រោមជាតិ ដើម្បីធានាឲ្យបាននូវប្រសិទ្ធភាពនៃសេវាសាធារណៈ ក៏ដូចជាបន្តពង្រឹងអភិបាលកិច្ចវិស័យឯកជន និងបន្តកិច្ចប្រឹងប្រែងលើកកម្ពស់បរិយាកាសអំណោយ ផលសម្រាប់ធុរកិច្ច ការវិនិយោគ និងពាណិជ្ជកម្ម។
ចុងក្រោយ គឺធានាឲ្យបាននូវចីរភាពនៃការអភិវឌ្ឍសង្គម-សេដ្ឋកិច្ច និងកសាងភាពធន់ទៅនឹងការប្រែប្រួលអាកាសធាតុ។
រីឯបាវចនា និងគោលដៅយុទ្ធសាស្ត្រទាំង៥របស់យុទ្ធសាស្រ្តបញ្ចកោណ-ដំណាក់កាលទី១វិញ រដ្ឋាភិបាលថ្មីបានសម្រេចកំណត់យក មនុស្ស ផ្លូវ ទឹក ភ្លើង និងបច្ចេកវិទ្យា ដែលជាចំណុចសំខាន់ ចម្បងៗ របស់រចនាសម្ព័ន្ធនៃយុទ្ធសាស្ត្រទាំងមូល៕
Account
Security
Favourite Content