របរដាំទំពាំងបាយជូរក្នុងស្រុកកំពុងមានប្រជាប្រិយភាព ខណៈតម្រូវការទីផ្សារក៏កើនឡើង

បច្ចុប្បន្ននេះ សម្រាប់ដំណាំទំពាំងបាយជូរបានក្លាយជាប្រភេទដំណាំដែលមានប្រជាប្រិយភាពនៅតាមតំបន់ និងស្រុក ខេត្តមួយចំនួនក្នុងប្រទេសកម្ពុជា ដោយសារតែមានតម្រូវការទីផ្សារកើនឡើង ត្បិតថា គេអាចទទួលទានបាននៅពេលផ្លែវាទុំ ឬអាចច្នៃជាដំណាប់ស្ងួត ជាពិសេសច្នៃ និងផលិតចេញជាស្រាទំពាងបាយជូរដែលមានរសជាតិឆ្ងាញ់ តម្លៃថ្លៃ មិនចាញ់ផលិតផលនាំចូលមកពីក្រៅប្រទេសនោះឡើយ។

លោក ជួន ថាបូរ៉ា ម្ចាស់ចម្ការទំពាំងបាយជូររ៉ានីតាកំពង់ស្ពឺ មានទីតាំងនៅស្រុកភ្នំស្រួច ខេត្តកំពង់ស្ពឺ បានមានប្រសាសន៍ថា៖

«មូលហេតុដែលខ្ញុំសម្រេចចិត្តបង្កើតកសិដ្ឋានដាំដំណាំទំពាំងបាយជូរ ដោយសារយើងមានជំនាញធ្វើស្រាក្រហមស្រាប់ តែពុំមានទំពាំងបាយជូរជាវត្ថុធាតុដើមក៏មានគំនិតរកទីតាំង និងពូជដើម្បីដាំ ហើយចាប់ផ្ដើមដាំនៅឆ្នាំ២០១៦ ដោយមាននាំចូលពូជផ្សេងៗមកពីបរទេសដែលរហូតដល់បច្ចុប្បន្ននេះមានជាង ២០ពូជ ដោយក្នុងនោះមានពូជសម្រាប់ផលិតស្រាក្រហម ជាង ១០ប្រភេទផងដែរ»។  

លោកបន្តថា៖

«ត្បិតវាពិបាកដាំ និងថែទាំបន្តិចពិតមែន ប៉ុន្តែទំពាំងបាយជូរជាដំណាំដែលគេពេញនិយម ជាពិសេសបងប្អូនយើងនិយមផលិតក្នុងស្រុក ដូច្នេះទីផ្សារមិនខ្វះនោះទេ ឱ្យតែដឹងថាមាន គេតែងតែស្កាត់មកចូលចំការ កាត់ប្រមូលខ្លួនឯងតែម្ដង ដោយតម្លៃអាចលក់បានចន្លោះពី ១០ ០០០ ទៅ ១២ ០០០រៀលក្នុងមួយគីឡូក្រាម»។

លោកថា សម្រាប់ទំពាំងបាយជូរជាដំណាំមិនងាយដាំប៉ុន្មានទេ ដែលវាទាមទារឱ្យមានការថែទាំខ្ពស់ ចេះបច្ចេកទេសក្នុងការប្រើប្រាស់ថ្នាំនៅពេលវាមានជំងឺ តែបើចេះហើយ វាក៏ឆាប់ឱ្យផល ដូចជា ពូជខ្លះឱ្យផលត្រឹម ៣ខែ និងអាចប្រមូលផលបាន ២-៣ដងក្នុង១ឆ្នាំ។ តួយ៉ាងទំពាំងបាយជូរសម្រាប់ហូបផ្លែអាចប្រឈមនឹងបញ្ហាជំងឺខ្ពស់ តែប្រភេទសម្រាប់ធ្វើស្រាមិនសូវប្រឈមខ្លាំងឡើយ។ ណាមួយដំណាំប្រភេទនេះត្រូវការទឹកខ្លាំង ទោះបីវាចាញ់ទឹកភ្លៀង តែវាត្រូវការទឹកស្រោចឱ្យបានគ្រប់គ្រាន់ទើបអាចមានផ្លែល្អ មិនស្វិតខូច។

យ៉ាងណាក៏ដោយ លោកបានប្រាប់ឱ្យដឹងថា ទំពាំងបាយជូរជាដំណាំធន់នឹងអាកាសធាតុក្ដៅ ហើយមិនរើសប្រភេទដីសម្រាប់ដាំនោះទេ ដោយក្នុងមួយហិកតាអាចដាំបានប្រមាណជាង ៣០០០ដើម ដោយចន្លោះពីដើមមួយទៅដើមមួយប្រមាណ ១ម៉ែត្រ ២តឹក ហើយចន្លោះរងអាចឃ្លាតគ្នាប្រមាណ ២-៣ម៉ែត្រ ម៉្យាងទៀត បើកសិករចង់បើកគ្រឿងយន្តចូលនៅពេលប្រមូលផល ត្រូវទុកចន្លោះឱ្យធំ ប៉ុន្តែបើគ្រាន់តែសម្រាប់ដើរចូល អាចទុកចន្លោះតូចក៏បាន។


ចុងក្រោយ លោក ជួន ថាបូរ៉ា ម្ចាស់ចំការខាងលើក៏សូមថ្លែងអំណរគុណដល់បងប្អូនក្នុងស្រុកដែលតែងតែនិយមគាំទ្រទំពាំងបាយជូរដែលដាំដុះក្នុងស្រុក ហើយសម្រាប់អ្នកដែលចង់ចាប់ផ្ដើមដាំដំណាំប្រភេទនេះអាចទាក់ទងសិក្សាពីបច្ចេកទេសដាំនៅកសិដ្ឋានរបស់លោកបាន ជាពិសេសនៅពេលដាំបានលោកក៏ទទួលទិញទិន្នផលមកវិញផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ