តម្រូវការប្រេងនៅតែខ្ពស់ បើទោះជាមានការធ្លាក់ចុះនៃកំណើនសេដ្ឋកិច្ចក៏ដោយ

បរទេស៖ យោងតាមប្រភពពី Investing បានរាយការណ៍ថា តម្លៃប្រេងបានកើនឡើងបន្តិចបន្ទាប់ពីរបាយការណ៍របស់អង្គការ OPEC បង្ហាញថា តម្រូវការនៅតែរឹងមាំ និងការព្រួយបារម្ភថា ការផ្គត់ផ្គង់អាចត្រូវបានរំខាននៅពេលដែលសហរដ្ឋអាមេរិករឹតបន្តឹងទណ្ឌកម្មលើការនាំចេញប្រេងរបស់រុស្ស៊ី។

ទន្ទឹមនឹងនេះ តម្លៃប្រេងឆៅម៉ាក Brent កើនឡើង ០,២ ភាគរយ ឬ ៨២,៦៩ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI កើនឡើង ០,៣ ភាគរយ ឬ ៧៨,៤៤​ដុល្លារក្នុងមួយបារ៉ែល។

ភ្នាក់ងារថាមពលអន្តរជាតិ​ IEA បានបង្កើនការព្យាករណ៍កំណើនតម្រូវការប្រេងរបស់ខ្លួនសម្រាប់ឆ្នាំនេះ និងឆ្នាំក្រោយ បើទោះជាមានការរំពឹងទុកថានឹងមានការធ្លាក់ចុះនៃកំណើនសេដ្ឋកិច្ចនៅក្នុងប្រទេសសេដ្ឋកិច្ចសំខាន់ៗក៏ដោយ។ IEA បានបង្កើនការព្យាករណ៍ថា តម្រូវការប្រេងនឹងកើនឡើងពី ២,៣ លានបារ៉ែលក្នុងមួយថ្ងៃឡើងដល់ ២,៤ លានបារ៉ែលក្នុងមួយថ្ងៃនៅក្នុងឆ្នាំនេះហើយវានឹងកើនឡើងបន្ថែមទៀតពី ៨៨០ ០០០ បារ៉ែលក្នុងមួយថ្ងៃទៅ ៩៣០ ០០០ បារ៉ែលក្នុងមួយថ្ងៃសម្រាប់ឆ្នាំ ២០២៤។

កាលពីថ្ងៃចន្ទកន្លងទៅនេះ អង្គការនៃប្រទេសនាំចេញប្រេង OPEC បានរិះគន់ចំពោះអ្នករំពឹងទុកនៃការធ្លាក់ចុះតម្លៃនាពេលថ្មីៗនេះ។ លើសពីនេះ ក្រុមអ្នកផលិតប្រេង​ OPEC បានបង្កើនការព្យាករណ៍របស់ខ្លួនបន្តិចសម្រាប់កំណើនតម្រូវការប្រេងពិភពលោកនៅឆ្នាំ ២០២៣ នេះ ប៉ុន្តែបានរក្សាការព្យាករណ៍ក្នុងកម្រិតខ្ពស់បំផុតសម្រាប់ឆ្នាំ ២០២៤ ។

កាលពីសប្តាហ៍មុន តម្លៃប្រេងបានធ្លាក់ចុះដល់កម្រិតទាបបំផុតចាប់តាំងពីខែកក្កដា ដែលបណ្តាលមកពីក្តីបារម្ភថាតម្រូវការអាចធ្លាក់ចុះនៅក្នុងប្រទេសប្រើប្រាស់កំពូលដូចជា សហរដ្ឋអាមេរិក និងចិន។ ទន្ទឹមនឹងនោះ តម្លៃទំនិញប្រើប្រាស់របស់ចិនបានធ្លាក់ចុះទាបបំផុតក្នុងខែតុលា ដែលជាកម្រិតដែលមិនធ្លាប់មានចាប់តាំងពីការរាតត្បាតកូវីដ-១៩ ហើយការនាំចេញសម្រាប់ខែនេះបានធ្លាក់ចុះច្រើនជាងការព្យាករណ៍។

ស្របពេលនេះដែរ នាយកដ្ឋានថាមពលរបស់សហរដ្ឋអាមេរិកគ្រោងនឹងទិញប្រេងចំនួន ១,២ លានបារ៉ែល ដើម្បីបំពេញទុនបម្រុងប្រេងឡើងវិញ និងបង្កើនតម្រូវការបន្ថែមទៀត បន្ទាប់ពីលក់លើសពីបរិមាណកំណត់ត្រា។ យ៉ាងណាមិញ ការរឹតបន្តឹងរបស់សហរដ្ឋអាមេរិកលើការនាំចេញប្រេងរបស់រុស្ស៊ីក៏អាចរំខានដល់ការផ្គត់ផ្គង់ផងដែរ ដែលនឹងជំរុញតម្លៃឡើងថ្លៃបន្ថែមទៀត។

លើសពីនេះ ក្រសួងរតនាគារសហរដ្ឋអាមេរិកបានធ្វើសេចក្តីជូនដំណឹងដល់ក្រុមហ៊ុនគ្រប់គ្រងនាវាដើម្បីស្នើសុំព័ត៌មានអំពីនាវាចំនួន ១០០ ដែលខ្លួនសង្ស័យថាបានរំលោភលើការដាក់ទណ្ឌកម្មរបស់លោកខាងលិចពាក់ព័ន្ធទៅនឹងប្រេងរុស្ស៊ី។ វាគឺជាវិធានការដ៏ធំបំផុតរបស់ទីក្រុងវ៉ាស៊ីនតោន ចាប់តាំងពីការរឹតបន្តឹងតម្លៃត្រូវបានកំណត់ក្នុងកិច្ចខិតខំប្រឹងប្រែងដើម្បីកំណត់ប្រាក់ចំណូលប្រេងទៅកាន់ទីក្រុងម៉ូស្គូ។ មិនត្រឹមតែប៉ុណ្ណោះ អ្នកវិភាគមួយចំនួនបាននិយាយថា ការពិភាក្សានៅក្នុងប្រទេសអ៊ីរ៉ាក់ដើម្បីបន្តលំហូរប្រេងតាមរយៈបំពង់បង្ហូរប្រេងអ៊ីរ៉ាក់-តួកគីក៏អាចឥទ្ធិពលលើតម្រូវការប្រេងផងដែរ។

រដ្ឋមន្ត្រីប្រេងរបស់អ៊ីរ៉ាក់រំពឹងថានឹងសម្រេចបានកិច្ចព្រមព្រៀងជាមួយរដ្ឋាភិបាលក្នុងតំបន់ Kurdistan របស់តួកគី និងក្រុមហ៊ុនប្រេងបរទេស ដើម្បីបន្តផលិតកម្មប្រេងឡើងវិញនៅក្នុងតំបន់ Kurdish និងបន្តការនាំចេញប្រេងនៅភាគខាងជើងតាមរយៈបំពង់បង្ហូរប្រេង។

គួរឲ្យបញ្ជាក់ផងដែរ​ថា ប្រទេសតួកគីបានបញ្ឈប់ការនាំចេញប្រេងតាមបំពង់បង្ហូរប្រេងចាប់តាំងពីថ្ងៃទី ២៥ ខែមីនាមកម្ល៉េះ បន្ទាប់ពីមានការប្រកាសសេចក្តីសម្រេចពីសភាពាណិជ្ជកម្មអន្តរជាតិ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។