ពាណិជ្ជកម្ម​កម្ពុជា​-​ចិន​ កើនដល់​១​០​ពាន់​លាន​ដុល្លារ ​ក្នុងរយៈពេល​១​០​ខែ​ ​ខណៈ​តម្រូវ​ការ​សកល​ធ្លាក់ចុះ​

ភ្នំពេញ ៖ មន្ត្រី​ជាន់ខ្ពស់​ ​និង​អ្នកជំនាញសេដ្ឋកិច្ច​បាន​លើកឡើងថា​ ​ពាណិជ្ជកម្មទ្វេភាគី​កម្ពុជា​-​ចិន​នៅតែ​រឹង​មាំ​ ​និងកើន​ឡើង​ដល់​១​០​ពាន់​លាន​ដុល្លារ​ក្នុងរយៈពេល​១​០​ខែ ដោយសារ​កិច្ចព្រមព្រៀង​ភាព​ជា​ដៃគូ​សេដ្ឋកិច្ច​គ្រប់ជ្រុងជ្រោយ​ក្នុង​តំបន់​ (RC​E​P​) ​និង​កិច្ចព្រមព្រៀង​ពាណិជ្ជកម្ម​សេរី​កម្ពុជា​-​ចិន​ (CC​F​T​A​) ​ខណៈពេល​ដែល​តម្រូវ​ការ​សកល​ធ្លាក់ចុះ​ ​ ។​

យោង​តាម​តួលេខ​អគ្គនាយកដ្ឋាន​គយ ​និង​រដ្ឋាករ​កម្ពុជា GDCE ​ ​បាន​ឱ្យ​ដឹង​ថា​ ​ពាណិជ្ជកម្ម​ទំនិញ​រវាង​កម្ពុជា​ ​និង​ចិន​បាន​កើន​ឡើង​ដល់​១​០​ពាន់​លាន​ដុល្លារ​ក្នុងរយៈពេល​១​០​ខែ​​នៃ​ឆ្នាំ​២​០​២​៣ កើនឡើងជិត ៥ ភាគរយបើធៀបទៅនឹងរយៈពេលដូចគ្នាឆ្នាំ២០២២ ក្នុងនោះទឹកប្រាក់ដែលប្រទេសចិននាំទំនិញមកកម្ពុជាមានចំណែកជិត ៩០ ភាគរយនៃចំនួនទឹកប្រាក់សរុប។ ​

គិតចាប់ពីខែមករា ដល់ខែតុលា ឆ្នាំ២០២៣ ការនាំចេញ-នាំចូលទំនិញរវាងប្រទេសទាំង ២ មានទឹកប្រាក់សរុប ១០ ពាន់លានដុល្លារ កើនឡើង ៤,៦ ភាគរយពីចំនួន ៩,៦២ ពាន់លានដុល្លារ។ ក្នុងចំនួនទឹកប្រាក់ខាងលើ គឺទំនិញកម្ពុជានាំទៅប្រទេសចិន ១,១៨ ពាន់លានដុល្លារ កើនឡើង ១៩,៣ ភាគរយធៀបរយៈពេលដូចគ្នាឆ្នាំ២០២២ ដែលមាន ៩៨៧,៨៧ លានដុល្លារ និងទំនិញដែលភាគីចិននាំមកកម្ពុជា ៨,៨៩ ពាន់លានដុល្លារ កើនឡើង ២,៩ ភាគរយពីចំនួន ៨,៦៤ ពាន់លានដុល្លារ។

អ្នកនាំពាក្យ​ក្រសួង​ពាណិជ្ជកម្ម​កម្ពុជា​ ​ឯកឧត្តម​ ​ប៉ែន​ សុ​វិជាតិ​ ​មានប្រសាសន៍ថា​ RC​E​P​ ​និង​ CC​F​T​A​ ​ដែល​កិច្ចព្រមព្រៀង​ទាំងពីរ​បាន​ចូលជាធរមាន​កាលពីឆ្នាំមុន​បាន​ផ្តល់​ការ​ជំរុញ​ដល់​កំណើន​នេះ​។ ជាមួយនឹង​កិច្ចព្រមព្រៀង​​ពាណិជ្ជកម្ម​សេរី​ទាំងពីរ​ ​ផលិតផល​ដែល​ផលិត​នៅ​ក្នុង​ប្រទេស​កម្ពុជា​ ​ត្រូវ​បាន​នាំចេញ​ទៅកាន់​ប្រទេស​ចិន​ជាមួយនឹង​ការ​អនុគ្រោះ​ពន្ធ​​។

ឯកឧត្តម​ ប៉ែន​ សុ​វិជាតិ​ ​បាន​មានប្រសាសន៍ថា ​៖​ ​

​​«​ដោយសារ​ទំនាក់ទំនង​ជិតស្និទ្ធ​រវាងប្រទេស​យើង​ទាំងពីរ​ ​ខ្ញុំ​ជឿជាក់​ថា​ទំហំ​ពាណិជ្ជកម្ម​ទ្វេភាគី​របស់យើង​នឹង​បន្ត​កើន​ឡើង​ពេញ​មួយ​ឆ្នាំនេះ​ ​និង​ឆ្នាំ​បន្ទាប់។ ​ប្រទេស​ចិន​គឺជា​ទី​ផ្សារ​ដ៏​ធំ​មួយ​សម្រាប់​ប្រទេស​កម្ពុជា​ ​ជាពិសេស​សម្រាប់​ផលិតផល​កសិកម្ម ​ដ៏​មាន​សក្តានុពល​ ​ដូចជា​ ​អង្ករ​ ​ចេក​លឿង​ ​ស្វាយ​ ​មៀន ​និង​ម្រេច​ ​ជាដើម​​»​។​

លោកបណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា បាន​ប្រាប់ AMS ថា ភាពល្អប្រសើរ​នៃ​ទំនាក់ទំនងពាណិជ្ជកម្មកម្ពុជា-ចិន ជា​ចំណែក​ដ៏​សំខាន់​ដែល​ជួយជំ​រុញឱ្យមាន​សកម្មភាព​នាំចេញ​-​នាំចូល​ទំនិញ និងកិច្ចសហប្រតិបត្តិការរវាងប្រទេស​ទាំង​២។ ភាពល្អប្រសើរនៃទំហំពាណិជ្ជកម្មទាំងនេះ ក៏ដោយ​សារមាន​កិច្ច​ព្រមព្រៀង​ពាណិជ្ជកម្ម​សេរី​ទ្វេភាគី CC​F​T​A​ ​និង​កិច្ចព្រមព្រៀង​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​​តំបន់ ​(RCEP) ផងដែរ​។

លោកបណ្ឌិតបានបន្តថា ៖

«យោងតាមកិច្ចសហប្រតិបត្តិការដ៏ល្អ ខ្ញុំមានជំនឿចិត្តយ៉ាងមុតមាំថា ទំហំពាណិជ្ជកម្មទ្វេភាគីរវាងប្រទេសទាំងពីរនៅតែរក្សាបានលំនឹងកំណើន (ក្នុងរង្វង់ជាង១០ពាន់លាន) ដោយសារប្រទេសចិនជាទីផ្សារដ៏ធំរបស់ប្រទេសកម្ពុជា និងភាគីចិនបានសន្យាបង្កើនរំហូរវិស័យវិនិយោគ ជាពិសេសការជំរុញឱ្យមានសកម្មភាពឡើងវិញនូវគម្រោងអចលនទ្រព្យដែលជាប់គាំង។ ជាមួយគ្នានេះ យើងក៏មើលឃើញដែរថា កម្ពុជានឹងបន្តកំណើននៅក្នុងត្រីមាសទី៤ខាងមុខ ព្រោះបច្ចុប្បន្ន​ប្រទេស​ចិន ក្រៅពី​ទទួល​ទិញ​ទំនិញ ផលិតផល​កសិកម្ម​យ៉ាង​ច្រើន​ពី​កម្ពុជា ប្រទេស​ចិន ​ក៏​ជា​អ្នកផ្គត់ផ្គង់​វត្ថុធាតុដើម​ដ៏​សំខាន់​សម្រាប់​រោងចក្រ​ និងសហគ្រាស​នៅ​កម្ពុជា​ផងដែរ​»។

លោកបណ្ឌិតបានលើកឡើងឱ្យដឹងទៀតថា ជាការកត់សម្គាល់ កម្ពុជានៅមានការនាំចូលពីប្រទេសចិនច្រើននៅឡើយ ពោលគឺប្រមាណ ៦០ ទៅ ៧០ ភាគរយ ដោយសារកម្ពុជាមានតម្រូវការច្រើន ជាពិសេសវត្ថុធាតុដើមសម្រាប់វិស័យឧស្សាហកម្ម និងសម្រាប់ប្រើប្រាស់​ក្នុង​ចង្វាក់​ផលិតកម្ម​ផលិត ឬ​កែច្នៃ ទៅជា​ផលិតផល​សម្រេច​ដើម្បី​នាំ​​ចេញទៅ​លក់​បន្ត​នៅ​ទីផ្សារ​អន្តរជាតិ​។ អ្វីដែលសំខាន់ គឺតម្លៃនៃនាំចូលពីបស្ចឹមប្រទេសមានតម្លៃថ្លៃ តែតម្លៃនៃផលិតផលប្រទេសចិនទាបដែលមានភាពសមស្រប និងអាចទទួលបានផលចំណេញ។

គួរឱ្យដឹងដែរថា យោងតាម​តួលេខ​របស់​​អគ្គនាយកដ្ឋាន​គយ​ និង​រដ្ឋាករ​កម្ពុជា​បាន​ឱ្យ​ដឹង​ថា​ ​ទំហំ​ពាណិជ្ជកម្ម​អន្តរជាតិ​សរុប​របស់​កម្ពុជា​មាន​តម្លៃ​ ​៣​៨​,​៦​៦​ ​ពាន់​លាន​ដុល្លារ​ក្នុងរយៈពេល​​១​០​ខែ​​នៃ​ឆ្នាំ២០២៣​ ​ធ្លាក់ចុះ​ ៣​,​១​ ​ភាគរយ​ពី​ ​៣​៩​,​៩​ពាន់​លាន​ដុល្លារ​ក្នុងរយៈពេល​ដូចគ្នា​កាលពីឆ្នាំមុន​​​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ