សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Oil Price បានរាយការណ៍ថា តម្លៃប្រេងបានចាប់ផ្តើមធ្លាក់ចុះ ខណៈដែលថាអ៊ីស្រាអែល និងក្រុមហាម៉ាសកំពុងឈានដល់សំណើបទឈប់បាញ់ ដើម្បីបញ្ចប់នូវជម្លោះភូមិសាស្ត្រនយោបាយដែលបានជំរុញតម្លៃប្រេងក្នុងប៉ុន្មានខែថ្មីៗនេះ។
ទន្ទឹមនឹងនេះ តម្លៃប្រេងឆៅម៉ាក Brent ធ្លាក់ចុះ ២,០៥ ភាគរយ ឬ ៧៨,៩០ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ ១,៩៥ ភាគរយ ឬ ៧៤,៣៧ ដុល្លារក្នុងមួយបារ៉ែល។ ស្របពេលនេះដែល ពាណិជ្ជករមានភាពស៊ាំនឹងព្រឹត្តិការណ៍ភូមិសាស្ត្រនយោបាយ ប៉ុន្តែពួកគេកំពុងព្រួយបារម្ភថា វាជាបញ្ហាគំរាមកំហែងដល់ការឡើងថ្លៃប្រេង។ ឥឡូវនេះ ការធ្លាក់ចុះនៃតម្លៃប្រេងឆៅបានបង្ហាញថាយ៉ាងហោចណាស់មានកត្តាជំរុញមួយចំនួននៃភូមិសាស្ត្រនយោបាយ។
ផ្អែកតាមការរាយការណ៍ពី Al Jazeera បានឲ្យដឹងពីប្រទេសកាតាថា នៅពីក្រោយការធ្លាក់ចុះតម្លៃនេះ អ៊ីស្រាអែលបានយល់ព្រមលើសំណើបទឈប់បាញ់។ បើទោះបីជាវាមានកម្រិតតិចតួចក៏ដោយ ប៉ុន្តែកាតាមានឥទ្ធិពលខ្លះនៅក្នុងតំបន់នេះ ដោយសារទ្រព្យសម្បត្តិដ៏ធំសម្បើមរបស់ខ្លួន ហើយកាតាមានទំនងយ៉ាងស្និទ្ធស្នាលជាមួយទាំងអ៊ីរ៉ង់ និងសហរដ្ឋអាមេរិក។ កាតាក៏បានបង្ហាញដែរថា ក្រុមហាម៉ាស់បានផ្តល់ការយល់ព្រមដំបូងរបស់ខ្លួនសម្រាប់កិច្ចព្រមព្រៀងបទឈប់បាញ់និងចំណាប់ខ្មាំង។ យ៉ាងណាមិញ មន្ត្រីប៉ាឡេស្ទីនម្នាក់បានបញ្ជេញថា ក្រុមហាម៉ាស់ទំនងជាមិនបដិសេធសំណើបទឈប់បាញ់នេះទេ ប៉ុន្តែពួកគេនឹងមិនចុះហត្ថលេខាលើវាទេ រហូតដល់មានការធានាថាអ៊ីស្រាអែលបានប្តេជ្ញាចិត្តក្នុងការបញ្ចប់ជម្លោះ។
កាលពីថ្ងៃព្រហស្បតិ៍ គណៈកម្មាធិការ OPEC បាននិយាយថា សមាជិករបស់ក្រុមនេះកំពុងប្រកាន់ខ្ជាប់នូវការកាត់បន្ថយផលិតកម្ម បន្ទាប់ពីបានពិនិត្យមើលទិន្នន័យពីខែវិច្ឆិកា និងខែធ្នូ ឆ្នាំ២០២៣។ គណៈកម្មាធិការបានបង្ហាញថា វាមិនមានការផ្លាស់ប្តូរនោះទេចំពោះការសម្រេចចិត្តរបស់ OPEC ក្នុងការកាត់បន្ថយ ២,២ លានបារ៉ែលក្នុងមួយថ្ងៃពីទីផ្សារនៅក្នុងត្រីមាសនេះ។ ទន្ទឹមនឹងនេះ ធនាគារកណ្តាលអាមេរិកបានរក្សាអត្រាការប្រាក់នៅដដែល ដោយប្រធានធនាគារកណ្តាល Jerome Powell បានបង្ហាញថា ការកាត់បន្ថយអត្រាការប្រាក់ទំនងជាមិនកើតឡើងនៅក្នុងខែមីនាទេ។ ម្យ៉ាងវិញទៀត សេដ្ឋកិច្ចរបស់ចិនបង្កការព្រួយបារម្ភនៅលើទីផ្សារក្នុងរយៈពេលប៉ុន្មានខែកន្លងមកនេះ ដោយសារតម្រូវការប្រេងរបស់ប្រទេសចិនកំពុងធ្លាក់ចុះ។ យ៉ាងណាមិញ JPMorgan កំពុងព្យាករណ៍កំណើនចិនអាចនឹងកើនឡើង ៤,៩ ភាគរយនៅឆ្នាំនេះ ខណៈដែលទីក្រុងប៉េកាំងបង្កើនការជំរុញ៕
Account
Security
Favourite Content