សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Yahoo!Finance បានរាយការណ៍ថា តម្លៃប្រេងបានឡើងថ្លៃបន្តិចបន្ទាប់ពីទិន្នន័យបានបង្ហាញពីការធ្លាក់ចុះប្រេងសាំង និងស្តុកចម្រោះនៅសហរដ្ឋអាម៉េរិក ជាមួយនឹងការព្រួយបារម្ភអំពីការរំខានដល់ការផ្គត់ផ្គង់ប្រេងនៅប្រទេសមួយចំនួន។
ថ្មីៗនេះ តម្លៃប្រេងឆៅម៉ាក Brent ឡើងថ្លៃ ០,៥៨ ភាគរយ ឬ ៧៦,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៤៤ ភាគរយ ឬ ៧២,៥៧ ដុល្លារក្នុងមួយបារ៉ែល។ កាលពីថ្ងៃព្រហស្បតិ៍ រដ្ឋបាលព័ត៌មានថាមពល (EIA) លើកឡើងថា ស្តុកប្រេងឆៅរបស់សហរដ្ឋអាម៉េរិកបានកើនឡើងច្រើនជាងការរំពឹងទុក ខណៈដែលស្តុកប្រេងបានធ្លាក់ចុះកាលពីសប្តាហ៍មុន ដោយសារប្រតិបត្តិការធ្លាក់ចុះ។
ថ្មីៗនេះ រុស្ស៊ី និងអាមេរិក បានជួបប្រជុំលើកដំបូងចាប់តាំងពីមានសង្គ្រាមជាមួយនឹងអ៊ុយក្រែន ក្នុងគោលបំណងស្តារទំនាក់ទំនង និងរៀបចំដំណោះស្រាយសម្រាប់បញ្ចប់ជម្លោះ។ យ៉ាងណាមិញ សង្គ្រាមបានរំខានដល់ការផ្គត់ផ្គង់ប្រេងចាប់តាំងពីឆ្នាំ២០២២ ដែលធ្វើឱ្យតម្លៃកើនឡើង។ រដ្ឋមន្ត្រីថាមពលអ៊ុយក្រែន លោក German Galushchenko លើកឡើងថា រុស្ស៊ីបានវាយប្រហារទៅលើហេដ្ឋារចនាសម្ព័ន្ធឧស្ម័នរបស់អ៊ុយក្រែន និងបំផ្លាញកន្លែងផលិតឧស្ម័នពេញមួយយប់។ ទន្ទឹមនឹងនេះ រំហូរប្រេង Caspian Pipeline Consortium ដែលជាផ្លូវដ៏សំខាន់សម្រាប់ការនាំចេញប្រេងឆៅពីកាហ្សាក់ស្ថានត្រូវបានកាត់បន្ថយពី ៣០ ទៅ ៤០ ភាគរយកាលពីថ្ងៃអង្គារ៍ បន្ទាប់ពីស្ថានីយ៍បូមប្រេងត្រូវបានវាយប្រហារដោយយន្តហោះគ្មានមនុស្សបើករបស់អ៊ុយក្រែន។ នៅកន្លែងផ្សេងទៀតដូចជា តំបន់ Kurdistan របស់ប្រទេសអ៊ីរ៉ាក់កំពុងជួបហានិភ័យនៃការផ្គត់ផ្គង់ សូម្បីតែតួកគីគឺជាម្ចាស់ផ្ទះកំពង់ផែ Ceyhan ដែលផ្ទុកប្រេងអ៊ីរ៉ាក់ពីតំបន់ Kurdistan ក៏មិនបានទទួលការបញ្ជាក់ពីអ៊ីរ៉ាក់លើការដំណើរការឡើងវិញនោះទេ។ ប្រសិនបើអ៊ីរ៉ាក់បន្តលំហូរប្រេងរបស់ខ្លួន នោះវានឹងបន្ថែមការផ្គត់ផ្គង់ ៣០០ ០០០ បារ៉ែលក្នុងមួយថ្ងៃនៅលើទីផ្សារ។
មិនត្រឹមតែប៉ុណ្ណោះ អ្នកវិភាគលើកឡើងថា ពន្ធនាំចូលដែលប្រកាសដោយរដ្ឋបាល Donald Trump អាចធ្វើឲ្យតម្លៃប្រេងឡើងថ្លៃតាមរយៈការបង្កើនតម្លៃទំនិញប្រើប្រាស់។ ជាលទ្ធផល ការឡើងថ្លៃនៃតម្លៃប្រេងនឹងធ្វើឲ្យសេដ្ឋកិច្ចពិភពលោកចុះខ្សោយ និងកាត់បន្ថយតម្រូវការប្រេងឥន្ធនៈ៕
Account
Security
Favourite Content