សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Hellen Shipping News បានរាយការណ៍ថា តម្លៃប្រេងបានកើនឡើងបន្តិចនៅសហរដ្ឋអាមេរិក ខណៈដែលប្រាក់ដុល្លារកំពុងធ្លាក់ចុះដល់កម្រិតទាបបំផុតក្នុងរយៈពេលប្រាំមួយសប្តាហ៍ចុងក្រោយនេះ ដោយសារតែការដំឡើងការប្រាក់របស់ធនាគារកណ្តាល ដែលវាបានធ្វើឲ្យទីផ្សារទីផ្សារបច្ចុប្បន្នកំពុងងាកទៅពឹងផ្អែកលើប្រេងឥន្ធនៈជំនួសវិញ។ .
ស្របពេលនេះដែរ ម៉ាកប្រេងឆៅ Brent បានកើនឡើង ១៥ សេន ឬ ០,២ ភាគរយ ដែលមានតម្លៃ ៧៦,៨៤ដុល្លារក្នុងមួយបារ៉ែល ខណៈពេលដែលប្រេងឆៅម៉ាក West Texas Intermediate (WTI) កើនឡើង ៦ សេន ឬ ០,១ ភាគរយដែលមានតម្លៃ ៧០,៩៦ ដុល្លារក្នុងមួយបារ៉ែល។ បើទោះបីជាតម្លៃប្រេងឡើងថ្លៃក៏ដោយ ប៉ុន្តែសន្ទស្សន៍នៃការជួញដូរប្រាក់ដុល្លារនៅកម្រិតទាបបំផុតចាប់តាំងពីថ្ងៃទី ៣ ខែកុម្ភៈ បន្ទាប់ពីធនាគារកណ្តាលអាមេរិកបានលើកឡើងថា នឹងផ្អាកការដំឡើងអត្រាការប្រាក់របស់ខ្លួន។ ការដែលប្រាក់ដុល្លារធ្លាក់ចុះ ធ្វើឱ្យប្រេងដែលតំណាងឲ្យប្រាក់ដុល្លារកាន់តែមានភាពទាក់ទាញដល់រូបិយប័ណ្ណបរទេស។
អ្នកបង្កើតគោលនយោបាយនៅធនាគារកណ្តាលអាមេរិក Federal Reserve រំពឹងថា ការទប់ទល់នឹងអតិផរណាអាចតម្រូវឱ្យមានការដំឡើងអត្រាការប្រាក់បន្ថែមទៀតនៅឆ្នាំនេះ ប៉ុន្តែអាចនឹងបន្ធូរបន្ថយតិចនៅឆ្នាំក្រោយ។ ស្របពេលនេះដែរ មានការគាំទ្របន្ថែមទៀតសម្រាប់ប្រេងឆៅបានមកពីការជួញដូរប្រេងសាំងម៉ាក RBOB ក្នុងកម្រិតខ្ពស់រយៈពេល ១០ ថ្ងៃកាលពីថ្ងៃព្រហស្បតិ៍កន្លងទៅនេះបន្ទាប់ពីរដ្ឋបាលថាមពលរបស់សហរដ្ឋអាមេរិកបានបង្ហាញថាស្តុកផលិតផលប្រេងបានធ្លាក់ចុះយ៉ាងខ្លាំងកាលពីសប្តាហ៍មុនចាប់តាំងពីខែកញ្ញាឆ្នាំ២០២១ មកម្ល៉េះ។ លើសពីនេះទៅទៀត លោក Robert Yawger អ្នកវិភាគមកពីធនាគារ Mizuho បាននិយាយថា តម្រូវការប្រេងសាំងកាន់តែខ្ពស់នឹងជំរុញឱ្យក្រុមហ៊ុនចំរាញ់ប្រេងប្រើប្រាស់ប្រេងឆៅកាន់តែច្រើន ដើម្បីប្រែក្លាយវាទៅជាឥន្ធនៈដឹកជញ្ជូនតាមផ្លូវគោកវិញ ហើយប្រេងឆៅម៉ាក Brent អាចនឹងឡើងថ្លៃដល់ ៩៧ ដុល្លារក្នុងមួយបារ៉ែលនៅឆ្នាំ២០២៤។ ការប្រើប្រាស់ដ៏ធំប្រហែល ៦ លានបារ៉ែលបានបន្សល់ទុកនូវផលប៉ះពាល់ដ៏ធំមួយនៅលើទីផ្សារ ខណៈដែលស្ថានភាពប្រេងសាំងកំពុងមានភាពតឹងតែងនៅទីនេះ។ មិនត្រឹមតែប៉ុណ្ណោះ តម្រូវការពីប្រទេសចិនដែលជាប្រទេសនាំចូលប្រេងដ៏ធំបំផុតរបស់ពិភពលោកបានបន្តកើនឡើងនៅទូទាំងប្រទេស ជាមួយនឹងតម្រូវការប្រេងកើនឡើងដល់ ១៦ លានបារ៉ែលក្នុងមួយថ្ងៃ៕
Account
Security
Favourite Content