សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ តម្លៃប្រេងឡើងថ្លៃបន្តិចដោយសារទីផ្សារកំពុងរង់ចាំមើលលទ្ធភាពដែលកិច្ចពិភាក្សាសន្តិភាពរុស្ស៊ី-អ៊ុយក្រែនឈានដល់កិច្ចព្រមព្រៀង។ នេះបើយោងតាមការរាយការណ៍ពីរ៉យទ័រ។
ទន្ទឹមនឹងនេះ តម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨% ឬ ៥៩,១០ ដុល្លារក្នុងមួយបារ៉ែល ខណៈដែលតម្លៃប្រេងឆៅ Brent ឡើងថ្លៃ ០,២% ឬ ៦៣,៣៤ ដុល្លារក្នុងមួយបារ៉ែល។
លោក Ole Hvalbye អ្នកវិភាគទីផ្សារនៅ SEB លើកឡើងថា ទីផ្សារកំពុងមានស្រពិចស្រពិលលើកិច្ចព្រមព្រៀងសន្តិភាពរុស្ស៊ី-អ៊ុយក្រែននៅឡើយ និង កំពុងរង់ចាំមើលគណៈប្រតិភូអាម៉េរិក និងអ៊ុយក្រែននឹងងជួបប្រជុំគ្នានៅសប្តាហ៍នេះ។ ការជួបប្រជុំគ្នានេះនឹងធ្វើឡើងដើម្បីដោះស្រាយចំណុចសំខាន់ៗដែលធ្លាប់បានពិភាក្សានៅក្នុងទីក្រុងហ្សឺណែវ ដើម្បីនាំមកនូវសន្តិភាព និងផ្តល់ការធានាសន្តិសុខសម្រាប់ទីក្រុងគៀវ។ យ៉ាងណាមិញ អ៊ុយក្រែននៅតែប្រុងប្រយ័ត្នក្នុងការទទួលយកកិច្ចព្រមព្រៀងផ្អែកលើលក្ខខណ្ឌរបស់រុស្ស៊ី។ ប្រធានាធិបតីរុស្ស៊ី លោក Vladimir Putin បាននិយាយថា សេចក្តីព្រាងផែនការសន្តិភាពដែលពិភាក្សាដោយអាម៉េរិក និងអ៊ុយក្រែន អាចក្លាយជាមូលដ្ឋាននៃកិច្ចព្រមព្រៀងដើម្បីបញ្ចប់សង្រ្គាម។ លោក Putin ក៏បញ្ជាក់ផងដែរថា នៅពេលដែលទាហានអ៊ុយក្រែនដកខ្លួនចេញពីតំបន់សំខាន់ៗ នោះការប្រយុទ្ធនឹងឈប់ ប៉ុន្តែប្រសិនបើវាមិនកើតឡើងដូច្នោះទេ រុស្ស៊ីត្រៀមនឹងប្រើកម្លាំង ។
មិនត្រឹមតែប៉ុណ្ណោះ អង្គការនៃប្រទេសនាំចេញប្រេង និងសម្ព័ន្ធមិត្ត (OPEC+) ទំនងជារក្សាកម្រិតនៃការផ្គត់ផ្គងប្រេងនៅដដែល ដោយសារពួកគេអាចនឹងព្រមព្រៀងគ្នាលើសមត្ថភាពទិន្នផលជាអតិបរមារបស់សមាជិក និង ការជំរុញតម្លៃប្រេងឡើងវិញ។ សមាជិកចំនួន ៨ ប្រទេសកំពុងបង្កើនផលិតកម្មប្រេងក្នុងបរិមាណតិចៗឆ្នាំនេះ ហើយគេរំពឹងថា ប្រទេសទាំងនេះនឹងបន្តរក្សាគោលនយោបាយមិនផ្លាស់ប្តូរនៅឆ្នាំ ២០២៦។ លើសពីនេះ ការឡើងថ្លៃនៃតម្លៃប្រេងឆៅក៏ត្រូវបានជំរុញដោយការកើនឡើងនៃក្តីសង្ឃឹម ដែលធនាគារកណ្តាលអាម៉េរិកនឹងកាត់បន្ថយអត្រាការប្រាក់នៅក្នុងខែធ្នូខាងមុខផងដែរ។ វាន័យថា អត្រាការប្រាក់ទាបជាធម្មតាជំរុញកំណើនសេដ្ឋកិច្ច និងជំរុញតម្រូវការប្រេង ដោយសារមនុស្សនឹងបង្កើនការចំណាយ៕
Account
Security
Favourite Content