សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Aljazeera បានរាយការណ៍ថា អារ៉ាប៊ីសាអូឌីត និងសមាជិកក្រុមផលិតប្រេង OPEC + ផ្សេងទៀតបានប្រកាសថា ពួកគេនឹងកាត់បន្ថយការផលិតសរុបប្រហែល ១,១៥ លានបារ៉ែលក្នុងមួយថ្ងៃដោយស្ម័គ្រចិត្តក្នុងគោលបំណងរក្សាស្ថិរភាពទីផ្សារប្រេង។
កាលពីថ្ងៃអាទិត្យកន្លងទៅនេះ ប្រទេសទាំងនោះបានស្ម័គ្រចិត្តធ្វើការកាត់បន្ថយដែលមិនបានរំពឹងទុកដោយនឹងចាប់ផ្តើមពីខែឧសភាទៅ។ ស្របពេលជាមួយគ្នានេះដែរ ទីក្រុងរីយ៉ាដបាននិយាយថា ខ្លួននឹងកាត់បន្ថយទិន្នផលចំនួន ៥០០ ០០០ បារ៉ែលក្នុងមួយថ្ងៃ ខណៈដែលអ៊ីរ៉ាក់នឹងកាត់បន្ថយផលិតកម្មរបស់ខ្លួនចំនួន ២១១ ០០០ បារ៉ែលក្នុងមួយថ្ងៃ ចំណែកឯអារ៉ាប់រួមនឹងកាត់បន្ថយការផលិត ១៤៤ ០០០ បារ៉េលក្នុងមួយថ្ងៃ។ លើសពីនេះផងដែរ ប្រទេសគុយវ៉ែតនឹងកាត់បន្ថយចំនួន ១២៨ ០០០ បារ៉ែលក្នុងមួយថ្ងៃ ខណៈដែលប្រទេសអូម៉ង់នឹងកាត់បន្ថយចំនួន ៤០ ០០០ បារ៉ែលក្នុងមួយថ្ងៃ ចំណែកឯអាល់ហ្សេរីនឹងកាត់បន្ថយចំនួន ៤៨ ០០០ បារ៉ែលក្នុងមួយថ្ងៃ ហើយហ្សាក់ស្ថាននឹងកាត់បន្ថយចំនួន ៧៨ ០០០ បារ៉ែលក្នុងមួយថ្ងៃ។
មិនត្រឹមតែប៉ុណ្ណោះ ឧបនាយករដ្ឋមន្ត្រីរុស្ស៊ីបាននិយាយថា ទីក្រុងម៉ូស្គូនឹងកាត់បន្ថយទិន្នផលចំនួន ៥០០ ០០០ បារ៉ែលក្នុងមួយថ្ងៃ ដែលការស្ម័គ្រចិត្តនេះនឹងបន្តរហូតដល់ដំណាច់ឆ្នាំ២០២៣ ខណៈដែលកាលពីខែកុម្ភៈកន្លងទៅនេះ ទីក្រុងមូស្គូក៏បានប្រកាសពីការកាត់បន្ថយទាំងនោះជាឯកតោភាគី បន្ទាប់ពីប្រទេសលោកខាងលិចបានកំណត់តម្លៃលើផលិតផលរបស់ខ្លួន។
យោងទៅតាមទីភ្នាក់ងារសារព័ត៌មានផ្លូវការរបស់អារ៉ាប៊ីសាអូឌីត ក៏បានបង្ហាញថា មន្ត្រីក្រសួងថាមពលអារ៉ាប៊ីសាអូឌីតបានសង្កត់ធ្ងន់ ជាវិធានការប្រុងប្រយ័ត្នមួយក្នុងគោលបំណងរក្សាស្ថិរភាពនៃទីផ្សារប្រេង។ កាលពីខែតុលាកន្លងទៅនេះ អង្គការ OPEC+ ដែលរួមមានប្រទេសនាំចេញប្រេង និងសម្ព័ន្ធមិត្តចំនួន ១០ ដឹកនាំដោយរុស្ស៊ី បានយល់ព្រមលើការកាត់បន្ថយទិន្នផលចំនួន ២ លានបារ៉ែលក្នុងមួយថ្ងៃគិតចាប់ពីខែវិច្ឆិកា ដោយធ្វើឱ្យទីក្រុងវ៉ាស៊ីនតោនមានការខឹងសម្បារ ព្រោះតែការផ្គត់ផ្គង់កាន់តែតឹងតែង និងជំរុញឱ្យតម្លៃប្រេងកាន់តែឡើងថ្លៃ។ ជាការឆ្លើយតប សហរដ្ឋអាមេរិកបានអះអាងថា ពិភពលោកត្រូវការតម្លៃទាប ដើម្បីគាំទ្រដល់កំណើនសេដ្ឋកិច្ច និងរារាំងរុស្ស៊ីពីការរកប្រាក់ចំណូលបន្ថែម ដើម្បីផ្តល់មូលនិធិដល់វិស័យយោធារបស់ខ្លួនសម្រាប់សង្រ្គាមជាមួយនឹងអ៊ុយក្រែន៕
Account
Security
Favourite Content