សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមហ៊ុន Royal Railway Cambodia ដែលជាក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន។ ក្បាលរថភ្លើងទាំងនេះកំពុងតែដឹកជញ្ជូនតាមកប៉ាល់មកកាន់ប្រទេសកម្ពុជា ហើយគ្រោងមកដល់កម្ពុជានៅថ្ងៃទី ២៧ ខែមេសា ឆ្នាំ ២០២៤ខាងមុខនេះ។ នេះបើតាមការឱ្យដឹងរបស់ឯកឧត្តម ផន រឹម អ្នកនាំពាក្យក្រសួងសាធារណការ និងដឹកជញ្ជូន។
ឯកឧត្តម ផន រឹម បានសម្តែងនូវមោទកភាពចំពោះការបញ្ជាទិញនេះ ទោះវាចាស់តែការប្រើប្រាស់ធ្វើឡើងឲ្យស្របទៅនឹងបរិបថផ្លូវដែកនៅកម្ពុជា។
ក្បាលរថភ្លើងដឹកអ្នកដំណើរល្បឿនលឿនប្រភេទ DMU (Diesel Multiple Unit) ចំនួន១១ គ្រឿង ត្រូវបានក្រុមហ៊ុន Royal Railway Cambodia បញ្ជាទិញពីប្រទេសជប៉ុនជាប្រភេទរថភ្លើងដែលអាចដំណើរការដោយខ្លួនឯង ដោយមិនចាំបាច់ប្រើក្បាលម៉ាស៊ីនរថភ្លើងសម្រាប់អូសទាញទូររថភ្លើងនោះទេ។
អ្នកនាំពាក្យក្រសួងសាធារណការ បានមានប្រសាសន៍ថា៖
«នេះជាការវិយោគផ្ទាល់របស់ក្រុម Royal Railway Cambodia(RRC) ។ យើងមានសុទិដ្ឋិនិយមចំពោះគម្រោងធ្វើឲ្យប្រសើរឡើងនៃវិស័យដឹកជញ្ជូនផ្លូវដែករបស់កម្ពុជាទាំងកម្រិតសុវត្ថិភាព ល្បឿន និងប្រសិទ្ធភាពនៃការដឹកជញ្ជូនដែលមានតម្លៃថោក ដើម្បីប្រកួតប្រជែងលើវិស័យឡូជីស្ទីក»។
ក្បាលរថភ្លើងដឹកអ្នកដំណើរល្បឿនលឿននេះ ដឹកជញ្ជូនពីតំបន់ហុកកៃដូមកកាន់ប្រទេសកម្ពុជា ដោយបានចាកចេញពីកំពង់ផែ Hakodate នៅថ្ងៃទី១៥ ខែមេសា ឆ្នាំ២០២៤ ហើយអាចនឹងមកដល់កំពង់ផែក្រុងព្រះសីហនុនៅថ្ងៃទី២៧ ខែមេសា ឆ្នាំ ២០២៤៕
Account
Security
Favourite Content