សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ចាប់តាំងពីរាជរដ្ឋាភិបាលកម្ពុជាប្រកាសដាក់ឱ្យអនុវត្តនូវកម្មវិធីពិសេសជំរុញការវិនិយោគក្នុងខេត្តទាំង៤ នៅតំបន់ភូមិភាគឦសាន ដែលមានរយៈពេល៨ខែកន្លងតៅនេះ (គិតត្រឹមចុងខែធ្នូ ឆ្នាំ២០២៥) មានក្រុមហ៊ុនចំនួន៩ ដែលទទួលបានគោលការណ៍វិនិយោគពិសេស លើគម្រោងចំនួន១៣ ដែលមានទុនវិនិយោគសរុបប្រមាណ ៦៦០លានដុល្លារអាម៉េរិក ។ នេះបើតាមសេចក្ដីប្រកាសព័ត៌មានរបស់ក្រុមការងារជំរុញការវិនិយោគក្នុងភូមិភាគឦសាននៃកម្ពុជា ។
យោងតាមសេចក្ដីប្រកាសព័ត៌មាននេះបានឱ្យដឹងថា គិតត្រឹមខែធ្នូ ឆ្នាំ២០២៥ នេះ ក្រុមហ៊ុនដែលទទួលបានគោលការណ៍វិនិយោគក្នុងភូមិភាគឦសាន ក្រោមកម្មវិធីពិសេស មានចំនួន ៩ ក្រុមហ៊ុន ដែលមានគម្រោងវិនិយោគចំនួន ១៣ ក្នុងវិស័យកសិកម្ម, កសិ-ឧស្សាហកម្ម, ទេសចរណ៍, ហេដ្ឋារចនាសម្ព័ន្ធកំពង់ផែ, គ្រឹះស្ថានឧត្តមសិក្សា, និងមន្ទីរពហុព្យាបាល ដែលមានទំហំវិនិយោគសរុបប្រមាណ ៦៦០ លានដុល្លាអាមេរិក និងអាចបង្កើតការងារប្រមាណ ១២ ៩០០ កន្លែង ជូនប្រជាពលរដ្ឋកម្ពុជានៅពេលដំណើរការពេញលេញ ។ គម្រោងវិនិយោគទាំងអស់នេះ មានចំនួន ៦ ស្ថិតនៅក្នុងខេត្តក្រចេះ, ចំនួន៤គម្រោង នៅខេត្តមណ្ឌលគិរី និងចំនួន ៣ គម្រោង ស្ថិតនៅក្នុងខេត្តរតនគិរី ដែលនឹងចាប់ផ្តើមអនុវត្តគម្រោងនៅដើមឆ្នាំ២០២៦ ។
ជាមួយគ្នានេះ ដើម្បីលើកទឹកចិត្ត និងប្រាកដថា ការវិនិយោគប្រព្រឹត្តទៅដោយរលូន ក្រុមការងារជំរុញការវិនិយោគភូមិភាគឦសានតែងតែចុះជួប និងពិភាក្សាជាមួយវិនិយោគិន ជាក់ស្ដែងនៅថ្ងៃទី២៣ និង២៤ ខែធ្នូ ឆ្នាំ២០២៥ ឯកឧត្តម ស៊ឹម វីរៈ អនុរដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានលេខាធិការដ្ឋាន ក.វ.ឦសាន បានចុះជួបពិភាក្សាជាមួយក្រុមហ៊ុនទាំង៩ ដែលទទួលបានគោលការណ៍វិនិយោគក្នុងតំបន់ឦសាន្ត ។
ឯកឧត្តមប្រធានលេខាធិការដ្ឋាន បានគូសបញ្ជាក់ថា ការទទួលបានគោលការណ៍វិនិយោគ គឺជាចំណុចចាប់ផ្តើមដ៏សំខាន់មួយ ប៉ុន្តែការជំរុញអនុវត្តផែនការវិនិយោគឱ្យបានជោគជ័យ គឺរឹតតែសំខាន់ថែមទៀត ដើម្បីធានាថា រាល់ការលើកទឹកចិត្តទាំងឡាយដែលរាជរដ្ឋាភិបាលបានផ្តល់ជូនក្រុមហ៊ុន ពិតជានាំមកនូវសកម្មភាពវិនិយោគជាក់ស្តែង ចូលរួមដល់ការបង្កើតចរន្តសេដ្ឋកិច្ច បង្កើតការងារ និងលើកស្ទួយជីវភាពរស់នៅរបស់ប្រជាពលរដ្ឋនៅក្នុងភូមិភាគឦសាន ។
គួរបញ្ជាក់ជូនថា កម្មវិធីពិសេសជំរុញការវិនិយោគក្នុងខេត្តទាំង៤ នៅភូមិភាគឦសាននៃព្រះរាជា-ណាចក្រកម្ពុជា ឆ្នាំ២០២៥-២០២៨» ត្រូវបានប្រកាសដាក់ឱ្យអនុវត្តជាផ្លូវការក្រោមអធិបតីភាពដ៏ខ្ពង់ខ្ពស់ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី៩ ខែមេសា ឆ្នាំ២០២៥ ក្នុងគោលបំណងជំរុញការវិនិយោគលើវិស័យអាទិភាព ដូចជា វិស័យកសិកម្ម, កសិ-ឧស្សាហកម្ម និង វិស័យទេសចរណ៍ តាមរយៈការលើកទឹកចិត្តពិសេស ដែលមានវិសាលាភាពនៅខេត្តភូមិភាគឦសាន ចំនួន ៤ គឺ ខេត្តក្រចេះ ខេត្តស្ទឹងត្រែង ខេត្តរតនគិរី និង ខេត្តមណ្ឌលគិរី ៕
Account
Security
Favourite Content